أوضاع حساسه

عجيبه حالة الدنيا ولا اعجب من سـوات ابعيـد
ولا هي ثارت الكلمة سوى لـاوضـاع حسّاسـه
تخلي هـالأمل فينا ونلقـى ابـهالحلـم تمجيـد
واذا جت ساعة الواقع صدمنـا القلـب بنعاسـه
مشيت افـدرب من ظلمة برغم ان السواد يزيـد
وشفت من البشر ضايع ونـاس اتعيـش عبّاسـه
وناسٍ حاربت دمعـة وأخـرى تعشـق العربيـد
شبابٍ في دجى غفوه لـشهـوه ضيّعـت باسـه
وشفت من البشر ظالم وبطشـه مـا تـرده ايـد
وشفت إليا انبطش غافل يغص ابـشهقة أنفاسـه
وشفت من الرجال رجال ومنهم جايبيـن العيـد
وشفت من النسا عفّه ومنهـن تُخشـى ارجاسـه
وفي بين البشر وافي ولو تـاه افـظـلام البيـد
وفي بين البشر جافي علـى انصـاص أفلاسـه
وشفت الدمعه لـطاحت وخالـط حرهـا تجميـد
بعد ماهزها موقف عقوق الصوت لـاجراسه ..!!
حروبٍ اُعلنـت ضدْنـا وجنّـدٍ جُنِّـدت تجنيـد
وغايتها فكر هالنـاس و قبضـة يـد محماسـه
قيّم تتناحر افـدربـي وامشـي والسـواد يزيـد
تقوّس شعبه الغفلـه ولا هـي اتضيـع اقواسـه
أنا مسلم و بي غيره و رايـة فكـري التوحيـد
أعاند من يصد الحق وامحـي ظُلمـه لـساسـه
ماانزّل هامتي لـكافر ولو قطّـع يدينـي القيـد
ولو عزّم يغطي الخير ويقطع راسـي ابـفاسـه
رسالة واضحة سمحه وفكره من وفائـي اتزيـد
يعلّي ابـذاتي اكتابي و يصحـح نـاس دساسـه
عسلهم لغّموه ابـسم و قالـوا فـالغنـاء تجويـد
املهم ترقص الآيـة علـى مطـرب و مرواسـه
مثلهم مثل من أنكـر صلاتـه خايـف التشديـد
ولا كنّه ترك أصلٍ لـهالدين و يُعد راسـه ..!!
عجايبهم عجايـب مُرّهـا اسـوء مـن التعقيـد
وقادتهم عقايد مـن عطـا ابليـس و وسواسـه
شروا بارواحهم دنيا خذوهـا وارسلـوا التعميـد
تجارة خاسره فعـلاً و عقـدٍ ضـاع قرطاسـه
واذا صابتهم اللوعة يقولـوا هـي لنـا تقصيـد
عسى تُقبل بهم دعـوه ويظهـر ربـي نبراسـه
أنا علمنـي اسلامـي و هذبنـي علـى التشييـد
ولاني برافعٍ طوبي سـوى لـالخيـر واعراسـه
تعلمت الحياة بذرة وتُـزرع افـضجيـج وعيـد
وآخرها حصاد أعمال بوسـط أكفـان محتاسـه
والامنّي عشقت اسكـت واكتـم داخلـي التنهيـد
واصد من الهوى لحظة غنـاه لـأهلـه و ناسـه
وعلمت الحيـاة ان البشـر مـا تفتنـه هالغيـد
اذا فسر حلا البسمه بضرب اخماس فـاسداسـه
عسى يا رب ترحمنـا وتحمـي كلمـة التوحيـد
لن ما ثارت الكلمة سوى لـاوضاع حساسه ..!!