.¸¸۝❝بلغ حبيبــك وقوله ,,, باخــذك منـــه ❝۝

السلام عليكم ورحمة الله وبركاته


اليوم يبتلكم قصة رووووعه وانشاء الله تعيبكم ...
اليكــــم الجــــــــــــــزء الأول من القصه
ღ :ღ بلغ حبيبــك وقوله ,,, باخــذك منـــه ღ : ღ
.
.
.
(الجــــزء الأول)
في صبـــاح أحد أيــام شهر مايو من سنة 2006 في أحلى مدن الامارات (الشـــارقـة)
ومثل ما اتغنى فيــــها حسين الجسمي وقــــــــــال (اضغطوا على الرابـــط)
وعلى أرض السحــــــــــــــــــــــــر والجمـــــال ... كانوا يسكنون أبطال قصتنـــــا
. .
نشت جـــوري على دقات الباب
الأبو : جـــوري بابا يلا نشي الساعه 8 اتأخرتي عالكليـــه
(ومن هناك بعدها 6 بس هو يحب يلعوزها لأنها كسوله وما بتنش الا بهاي الطريقــه)
جـــوري من تحت اللحـــاف: بابا بلييييييز بس 5 دقايق الله يخليييييك
الأبـــو: ماشي 5 دقايــــق
جــــــوري: بلييييز بابا الله يخليك حراااام
الأبــو: الحين ابغي أعرف هالخمس دقايق شو بيسوون بــج؟!! وسار عنها
وكل صبـــح على هالحاله
وعلى الرغــم من انه ابــو جـــوري رجــل أعمال وعنده أشغاله الخاصه الا انه متعود يوعي كل عياله وخاصه جــوري الدلوعه آخر العنقود ... وعقب ما يتطمن عليهم يسير يباشر شغله وهذا سر تعلق جـــوري فيه لأنه من صغرها وهو يخلصلها كل طلباتها مع انه عندها اخوان وعندهم دريول بس مع جــوري الموضوع مختلف تماما
من اول ما دخلت جـــوري الروضه الين ما اتخرجت من الثانويه وابوها هو اللي يوصلها واييبها! يمكن اتشوفونه شي غريب مع كثرة أشغاله لكن عشان عين تكرم الف عين
وأول ما اتخرجت من الثانويـــه كانت هديتها سيــاره آخر موديـــل من أرقى معارض السيارات اختارتها بنفسها وكان لها اللي بغته ...
وسووا طلبيه للموديل المطلوب بحكم انها سياره يديده وتوها نازله ومب موجوده فالبلاد
واف هالاثنـــاء دخلت جــوري معهد لتعليم السواقه بس كانت فيه مشكله هو انه جــوري باقيلها شهر ويصير عمرها 18 والاجراءات اتعطلت شوي ... بس مع واسطــه أبوها انحل الاشكال وفعلا خلال شهـــر واحد خذت الليسن ومن أول تراي ...
واستلمت سيارتها مع بدايـــة سنتها الجامعيــه الأولى
. . .
نرجـــــــــــــع للقصــــه
الأبـــو يالس يتريق فالصاله ويقرى الجريده
شوي ويسمـــــع صوت باب غرفــة جـــوري يتبطل وهي طالعه ومظهره ثيابها للخدامه عسب تكويهم لها
جـــوري بويــه كسول وبرئ: صبـــاح الخير باباتي
الأبــــو: صبـــاح الجــــوري يا أحلى جـــوري
جــــوري: بابا؟ ليش اتقص عليه واتقول انها الساعه 8
الأبـــو: انا قلتلج 8 وانتي توج ظاهره عيل لو اقولج انها 6 بترقدين لين القايله
جــــوري بويــه قافط: وينها اليســـا أباها تكويلي ثيابي
(اتحب تتهرب هالبنيه ههههههههههه)
الأبـــو: خلاص انتي سيري اسبحي وانا بقولها يلا بابا عن تتأخرين
جــــوري: من عيوني
الابـــــــــــــو فالصاله: اليســــا اليســــــــــــــــــــــــــــــا
اليســـا: نعم بابا
الأبــــو: اكوي ثياب جـــوري بسرعه ووديهم الحجرة انا بسير الحين وايد اتأخرت
ويوم بتظهر جـــوري من البيت اتصلي خبريني
اليســــا الأندونيسيه: جين بابا
(هاي الحركه دايما يسويها ابو جــوري عسب يتأكد انه جوري ظهرت وما ردت ترقد هههههههههه كسوله هالبنت)
. . .
اول ما خلصت جـــوري من السبوح سمعت دق خفيف عالباب
جــــــــــــوري: منووو؟
اليســـــــا: سياب (يعني ثياب)
جـــــوري وهي تربـــط الروب وشعرها المبلل يغطي جزء من ويههاا بكل عذوبه ورقه: هههههههههههه اول مرة ادري انه الثياب اتدق الباب خخخخخخ
(أحلى شي في جــوري ان تعاملها حلو ويا الخدم وتحب تمزح معاهم)
فتحت الباب وخذت ملابسها وبدت تتزهب للكليه وكانت الساعه 7 وثلث
لبست تنورة بيضــــــا عمليه حق الصبح مع توب ابيض ووردي فاتح
جففت شعرها الأســـود الداكن ورفعته بشريطـــــه ورديه
وخطت عيونها العسليــات بحكل اسود اللي خلاها اتصير روعه وخلا لون عيونها يبرز أكثر وحطت جلوس وردي ع شفايفها وكانت جــوري اسم ع مسمى
اتصلت الصاله: الو
جــــوري: اليســـا بسررررررعه سوي لي فحــــــم اتأخرت
يت اليســـا الغرفه ودخنت جـــوري
لبست جــوري عبايتها وشيلتها وشلت شنطتها الورديـــه وطيرااان ع السيـــارة
واليســـا المسكينه تلحقها بشنطة اللابتوب والفايلات اللي نستهم كالعاده
ولقت أخوها حارب اف دربها
هو شكله بعد متأخر ع دوامه
حارب: وعليكم السلام مافيج اخلاق موول
جــــوري وهي تركض: مب وقته مب وقته بعدين بسلم
حــــارب: الحمدلله والشكر مخبل هالبنيه
( حـــارب يشتغل رئيس اقليمي اف بنــك معروف ... عمره 27 وشخصيته روعه ودوم هاي سالفته مع جــوري دومهم يتحرشون اف بعض )
أما جـــــــــــــوري فشخطت ويل بدون لا تحر السياره ولا شي
ودقت عالريموت مال باب الكراج واول ما انفتح الباب ما بّين من السياره الا غبرتها وطيران عالكليــــه
حــــــــــارب وهو فاقد الامل من اخته الدلوعه: هالسياره مظلومه عادي ترى مال عمك ما يهمك الحمدلله والشكر
كانت الساعه 8 الا ربــــع
والكلاس يبدى 8 يعني تلحق ما تلحق
(جــــوري عمرهـــــا 21 وهي اف سنه ثالثه اف كلية التقنيه تخصص اعـــــــلام Media Studies وهاي آواخر الأيــام فالسمستر ... يعني صدق مزحومين اف تسليم الـ projects والـ assingments )
فالسيـــــاره
جـــوري فتحت الاف ام وطلعتها أغنيــــه اتحدى العالم مال صابر الرباعي ...
(هذا الرابـــط للي يبا يعيش الجو صـــح)
اتفائلت بيومها من سمعت الاغنيه لأنها صدق روووعه
وطولت شوي ع الصوت ودخلت عالم حالم وشوي ويرن تيلفونها
كان المتصل كالعاده ربيعتها وطبجتها منى
منى: جوجو وينج؟؟؟
جوجو: انا الحين فالمدينه الجامعيه
منى: انزييين تعالي بسرررعه المس تسأل عنج
جوجو: افف منها الغوله
منى: شو نسوي بعـــد يلا حبيبتي سي يو لا تسرعين
جوجو: اوكي حبيبتي بباي
جــــوري تضحــك على منى ههههههههههههههههه : والله هاي نكته اونه تعالي بسرعه ولا تسرعين .. كيف تركب مادري! خخخخخخ
الساعه 8 وعشر دقايق كانت جــــوري اتصف سيارتها اف باركنات الكليـــه عند مبنى الاعلام
ودخلت الكلاس والمس مب موجوده واتشققت من الخاطر
جــــــوري بصوت عالي وكالعاده: صبــــــــــــــــــــاح الخير
البنات: جــــــــــــــــــوري الحمدلله انج ييتي صبـــاح الجوري
منى: جــــوري تعالي بتخبرج
جـــوري بكل اهتمام: هااااا شو صاير؟
منى: خلصتي البروجكت؟
جــــــــــــــوري: يعني almost خلصته
منى: هيه الحمدلله عشان في أظن بروجكت ثاني
جــــــــــوري: لااااا ... لا تقووولين متى الله بيتوب علينـــا!!
منى: مادري لأنه اف مادة Elaine ما سوينا أي بروجكت بس ال presentation
جـــــوري: هيه صح ... كيف غابت عن بالي!!!
عجيييبـــه شو تتريا حضرتها!!!
منى: ترى هاللي زايغه منه ... ماباقي شي عن السمستر
جـــــــوري: اممم الله يستر
جــــوري: عيل وين مهوو؟
منى: مهووو عندها Conference ويا المس
جـــوري: امممممم اوكي
منى: جوجو محلووووة اليوم ... حلو اللوك الوردي عليج
جـــــــــــوري: عيونج الأحلى انتي لوكج اليوم عجييييييب
احب الأســـــــود والأبيض عليج
(منى بعــد كانت اتعادل جــوري فالجمال ويتشابهون مع انهم ما يقربون لبعض ابدا لكن كل اللي يشوفهم يقولهم انتوا خوات سبحان الله ... يمكن لأنهم وااايد ويا بعض فاللي اف قلوبهم انعكس ع أشكالهم ... بس الفرق انه منى كانن عيونها سود وشوي أصغر عن عيون جـــوري فالمقابل عيون جـــوري كانن عسليات وواسعـــات )
منى بخجل: عيل وناااسه
وردت مهـــا الكلاس
مهـــا بتأفف: بذبحها بذبحها
جـــوري ومنى: بلااااج؟؟
مهــــــــــــــــا: غيرتلي البروجكت كامل  بصييييح
جـــوري: خلاص حبيبتي عادي
أنا بعد يوم سويت وياها الــ conference نفس الشي عادي
منى: حتى انا ... صدقيني مهوو ما بياخذ منج وقت كلها نص ساعه وكل شي بيتعدل
مهـــا: ان شاء الله بس بعد ما دانيها
كلهن ويا بعض: هههههههههههههههههههههههه

وشوي وبدا الكلاس الثاني ....................
وكان كلاس Elaine
مها: اووف منها دخلت.
منــى: خلاص عفت الكليه ، مليت من شي اسمه كلاسات.
جـــوري: خلاص هانت ماباجي شي.
البنات بصوت واحد: واااااااااااااااااااااااااااااااااااااااااااا ااااا ااااااااااااااااااااو،You are very kind miss !!
الترجمه: انتي وايد طيبه مس
مها وجـــوري ومنى: بلاهم هذيلا اتخبلوا؟!!!
جـــوري اترمس وحدة في الكلاس اسمها علياء: بلاكم احتشرتوا مرة وحده؟!
علياء: ما سمعتي المس شو اتقول؟ اونه اليوم عندها meeting وما شي كلاسات والحين بتظهر عنا!
جــــوري بصوت عالي: واااااااااااااااااااااااااو!!
Miss Elaine : Joory you are too noisy today
الترجمه: جــوري .. انتي وايد مزعجه اليوم
جــــوري وهيه متشققه: I'm sorry miss.
Miss Elaine:
Ok girls I will come at 12:00 to take attendance and I have a small announcement for you. See ya .
الترجمـه: اوكي بنات .. انا بيي الساعه 12:00 عشان آخذ الحضور وعندي شي بخبركم به
جـــــوري: يا ربييي منها ما بغت تظهر حشا خذت الكلاس كله!!
منى: انشالله يروغها بابا فريد من الاجتماع عسب انها متأخره.
(بابا فريد هو مدير الكليه والبنات متعودات يزقرونه بهالاسم)
مها: الله لا قال، بتي بتجابلنا عقب، ما بغينا نفتك من الكلاسات.
جـــوري : هيه والله.
(مهـــا وجـــوري ومنى ربيعــات الروح بالروح وسوالفهن ما ينمل منها ... بس يمكن علاقة جـــوري ومنى شوي أقوى عن علاقتهن بمهــــــا سبحان الله القلب وما يهوى بس فالنهايه كلهن ع قلب واحد ومغامراتهن كلها ويا بعض)
مر الوقت بسرعه وكانت الشله الحلوة فالكافتريا
وشوي والا جوري اتشوف الساعه وكانت 12 الا خمس دقايق والمفروض 12 يكونن فالكلاس عسب Elaine بتاخذ الحضور وبتخبرهن بشي
جــــوري: أبييييييه الساعه 12 الا خمس
منى: ال attendance !!
مهـــــــا: يلا عيل خل نلحق
وردن الكـــــــــــــلاس
جـــــوري: الساعه 12 وخمس وElainoooh مايت!!
مها: يبتي سيرة الأط جا ينط
منـــى: وووععععععععع
جـــــــوري: اتطالعوا شكلها مستانسه
مها: هيه والله
منـــى: الظاهر رقوها
Miss Elaine: who is here?
الترجمـــه: منو موجود؟
البنات: all of us accept Moza
الترجمــه: كلنا الا موزة
Miss Elaine : where is she?
الترجمه: وينهـــا؟
البنات: She has a hospital appointment
الترجمـــه: عندها موعد فالمستشفى
Miss Elaine: Ok girls, I have an announcement for you about your last project
الترجمــه: عندي شي أبا أخبركم به عن بروجكتكم الأخير
البنات احتشروا، اللي مب عايبنها واللي اتقول ما شي وقت واللي شوي وبتصيح
Miss Elaine: GIRLS!!!
الترجمه: بنات؟
صخن البنات
Miss Elaine : let me talk, then complain as you like
الترجمــه: خلوني ارمس عقب اعترضوا على كيفكــم
استسلمن البنات للأمر الواقع
Miss Elaine:
ok girls, relax
This project is different than the others; this project will allow you to practice the program in the real life for the first time
الترجمـــه: اوكي بنات ... اهدوا .. هالبروجكت غير عن باقي البروجكتات ...
هالبروجكت بيعطيكم الفرصه انكم اتطبقون تخصصكم على أرض الواقع للمرة الأولى اف حياتكم
وحدة من البنات: How miss?
الترجمــه: كيف؟
Miss Elaine: let me continue please
الترجمــه: خلوني اكمل لو سمحتوا
البنات: اوكي
Miss Elaine:
You don’t have to handle the project now, it is a summer project
You are required to create your own story about any interesting experience you will go through and record it as a diary and then bring it to me at the beginning of the next semester which will be the first of September
الترجمـــه: مب لازم اتسلمون البروجكت الحين ... هالبروجكت صيفي ...
المطلوب منكم انكم تكتبون قصه عن أي تجربه أو مغامرة اتعيشونها وسجلوها كمذكرات لكم وأباه يكون جاهز على بداية السمستر الياي يعني على بداية شهر سبتمبر
البنات: Miss, we don’t want to work in our holiday
الترجمــه: مانبا نشتغل اف اجازتنا مس 
Miss Elaine:
It’s different, you will enjoy it believe me, just imagine a story and apply it with a short de******ive ****** and that set!
الترجمــه: هالبروجكت مختلف ... بتستمتعون فيه صدقوني ... كل اللي عليكم انكم تتخيلون قصه واتطبقونها واتعيشونها وتكتبونلي عنها ريبورت
I gave you the whole summer to work on it in order to have enough time to be creative but some of you can finish it within one week maximum
الترجمــه: أنا عطيتكم الاجازة بكبرها عسب تشتغلون على راحتكم واتكونون مبدعات ... لكن بعضكم يقدر حتى يخلصه في اسبوع واحد
More over, you will be working in groups of three and you can choose your peers to make it easier for you so the amount of work will be smaller!
الترجمــه: وشي ثاني ... انتوا بتشتغلون اف مجموعات مكونه من 3 طالبات لكل مجموعه وهالشي بيسهل عليكم المهمه
Ok girls, I know you are creative and you will give me some fabulous stories!
الترجمـــه: اوكي بنات .. أنا ادري انكم مبدعات وبتعطوني قصص روعه
I will give you the outline of the project so you can refer to it
Read it carefully, you can start from this moment and if there is any question come to my desk am available, see you
الترجمــــه: أنا بعطيكم الحين ورقه فيها شرح مفصل عن البروجكت ... ممكن ترجعونلها اف أي لحظه
اقروها عدل ... واترومون تبدون من هاللحظه اذا حبيتوا ... واذا عندكم أي سؤال .. أنا موجوده اف مكتبي
.
.
( وطلعت عنهم)

البنـــات: بروجكت غريب!

وحده من البنــات: لازم انفكر اف شي غير

وحده ثانيه من البنات: هيه صح نحن بنات الاعلام مب أي شي

(خقاقات لووووول)


نرجــع حق بطلات قصتنا وانشوف شو رايهن بالبروجكت

جـــــوري: يا الله كيف متحرقصه بسبة هالبروجكت

منى: حتى انا أحس انه ربشششه ..

مها: بس يلا فكروا بشي ..

جـــوري: بس لقيتها ..!

منى ومها بصوت واحــد: شو ؟؟؟؟

جــــــوري: مب هي تبا شي غريب وقصه يعني مب مألوفه

منى ومها: هيه اكيد

جـــــوري: انزين اسمعوني

منى: قولي يا أم العريف

جــــــوري: نحن لازم انعيش القصه عسب الاحداث اتكون حقيقيه واتمسنا واللي فهمته من ال outline مال البروجكت انها تبا قصة مغامرة اتناقش قضيه اف مجتمع الامارات بطريقه حلوة ومبتكره

منى ومها: صح

جـــــوري: عيل لقيتها!

اسمعووني عدل
.
.

(وخبرتهم بفكرتها)

منى ومها بصوت واحد: انتي اتخبلتي؟!!!

منى: منو بيخلينا انسوي جيه؟

مهـــا: مستحييل هليه يطيعون

وبعدين تعالي

نسيتي ابوج!!

مستحييييل يطيييع

جــــوري: بلاكم اشتطيتوا جذه!!

كل شي بيتم حسب الأصول وبناخذ اذن من الكليه

منى: جــوري انتي وايد تحلمين

جـــوري: والله اسمعوني اذا سوينا هالفكره اول شي بنضمن ال A لأنها فكره يديده وبنتعب فيها وثاني شي بنستانس يالخبايل مغامرة وفرصة انه نتلاقى فالصيف بليييز وافقوا

وع فكره اذا استانسوا ع فكرتنا اشدراج يمكن تتنفذ ونستوي مشاهييير يااااي

مهـــــا: صح انها فكرة مينوونه بس عيبتني

منى: وااايد تحلمون! انتوا اتخبلوا مستحيييل انروم انطبقها وبعدين ما اتخيل عمري اعيش هالتجربــــه ايييي!

جــــوري: يعني انا اللي أتخيل؟!!

أنا بيض ماعرف أفوّر كيف بشل مسؤولية بيت كامل؟!!!

بس التجربه محتاجه المغامرة

ولا تنسون نحن بنكون تحت وصايه واذا فشلت الخطه ما بنخسر شي وبس!

مهـــا: هزرج بيعطونا تصريح من الكليه؟

جـــوري: ياماما ايلينووه خبله واتمووت فالمغامرات وكل شي بيستوي حسب الاصول انتوا بس وافقوا

مها ومنى: خلاص عيل تـــــم

جــــوري وهي متشققه: كفكم!

طراااااخ

وساروا جـــوري ومهــا ومنى عند ايلين عسب يشرحولها الفكره

وفعـــلا مثل ما اتوقعت جـــوري

ايلين اتخبلت ع الفكره وقالت لهم ما يحاتون وهي بترتب السالفه مع اهاليهم

جـــــــــــوري: ياااي فرحانه فرحااانه

مهـــــا: انا بعد بس زايغه من ردت فعل اهليه

منى: انا مب زايغه من حد كثر من ردت فعل عبود أخويه

جـــوري: هذا عبود بعد مسوله رااااس مشاااكل

جـــوري: فديييت باباتي كيف بتحمل بعده ولا حارب بيتنقرش في امنووه يوم انا محد ههههههههههههههه

(وكل وحده منهن تمت اتفكر اف شي ((كلن يغني على ليلاه)) لووول)

وخلص الدوام وكل وحده ردت بيتها وهي متحرقصه من الخاطر

.
.
.
.

(تابـــع الجـــزء الأول)
فالبيت عالســاعه 7 المغرب
جــــوري يالسه اف حجرتها واترمس بنت عمهـــا غــــــلا وهي أكبر عن جــوري بسنتين وربيعتها الروح بالروح
جــــوري: والله مثل ما أقولج
غــــــــلا: انتي اتخبلتي؟
جــــــــوري: بلاكم كل ما قلت حق وحده الفكره اتقوللي اتخبلتي؟!!!!!!
غــــــلا: لأنها فكره مينونــه
جــــــــــوري: بس بتتنفذ صدقيني بس اهم شي غلاي بليييييز مابا حد يعرف بالسالفه دخيييلج ولا كل شي بيخترب دخييييلج غلاي
غــــــلا: اوف منج ومن أفكارج المينونه متى بتعقلين انتي متى بس ابا أعرف؟!
جــــوري: بعقل صدقيني بعقل عقب هالسالفه
غـــــــــلا: الله يعيني على خبالج
جــــوري وهي تسمع دق ع الباب : غـــــلا بعدين برمسج حد يدق عليه الباب
غـــــــــلا: اوكي بترياج
وعقب ما سكرت جـــوري عن بنت عمها فتحت الباب وشافت حـــــارب
جــــوري: هلا والله حرووبي
حـــــــارب: الحين هلا والله والصبح لابستني
جــــــــوري: والله سوري بس كنت مستعيله
حــــــارب: انزيين انا مب ياي عسب سواد عيونج ... أبويه يباج
ويمسكها من اذنها ويقول: انتي بتخبرج؟ شو مهببه فالكليه؟
جــــــوري غصت: أي أي عورتني ... مب مسويه شي
حــــــــارب: مب مسويه شي هااااا؟ سيري عند ابويه واصلنه فاكس من الكليه والـ Supervisor مالكم متصلبه
جـــــــــوري وهي ميته: هااااااا
حــــــارب: يلا انجلعي بسرررعه هو شكله مستعيل يبا يطلع
جــــــــوري: اوكي بس انته لاتي وياي
حـــــــارب: والله انا افخاطري ايي عسب اتشمت فيج بس المشكله طالبينج روحج
جــــوري وهي طالعه من الحجره: يكون أحسن
حـــــارب: ترى ابويــه فالمكتب مب فالحجره وشوي شوي عن اتخرطفين وتتكسريييين
جــــوري: زيييييييييييين . . .
وصلت جــــوري مكتب ابــوها اف ثواني وهي مي قادره تتنصخ (تتنفس) من السرعه ومن الارتباك
جـــوري وهي واقفه عن باب مكتب ابوها الخارجي اتقول افخاطرها ياترى انكشفت الخطه ولا لأ!! يارب لااااا دخيلك ياااارب ... أبا أعيش هالقصه
وشوي ولا باب المكتب يتبطـــل وتطلع اليســــا من داخل: انتي شو يسوي هني؟ روحي داخل بابا يريد انتي
جــــوري: طاع هاي معصبه عليه بعـــــد
اليســــــا وهي محرجه : يلا سيري بسرأه (بسرعه)
جــــوري: حشى جني اشتغل عندها...!
(اليســـا بشكارتهم من 10 سنين ومتعوده عليهم وايــــد واتحس عمرها الـ Boss فالبيت هههههههههههههه)
عادي بدخل شوفيها ... أبويه يحبني وأكيد ما بيعصب عليه وأنا بشرحله وجهة نظري هيه صــــح
ومر حــــارب وهو كاااشخ من الخاطر وريحته شاله البقعه: انتي بعدج ما دخلتي؟
يبــا يخرب عليهــــا فقال بصوت عالي: أبووووويـــــــــــــــــــــــــــه
جـــوري حطت ايديها ع حلجه عسب يسكت بس عقب مافات الفوت
ابــو جـــوري ظهر: انتوا شو تسوون هنـــه؟!
جـــوري: هــــــــــــاااا
أبوها: بلاج مصفره بابا ما تاكلين انتي؟
حــــارب: من سواد ويهها أكيد
الأبـــو: انته ما يخصــك وبعدين أظن طلبت جــوري مب جـــوري وهديتها المجانيه
جــــــــــوري نقعت من الضحــــك: ههههههههههههههههههههههه ... دوااااك
حـــارب وهو قافط: أصلا أنا كنت خاطف بظهر راشــــد ولد عمي بيمر عليه
الأبـــو: زين تسوي
وحــــط أبو جـــــوري ايده على جتف بنته الدلوعه جـــوري ودخلها المكتب وسكر الباب
الأبـــو: يلسي بنتي .. ها بابا شخبار الكليه وياج؟
جــــــوري: تمام .. تدري الحين وايد مضغوطين ونهاية السمستر
الأبـــــو: الله يقويج فديتج ... يلا نتريا النتيجه الطيبه
جـــــوري افخاطرها: شكله راضي عني بس باله مشغول
الأبــــو: ها بنتي بلاج؟
جــــوري: سلامتك بابا
الأبــــو: انزييييين ... اليوم اتصلوا فيني من كليتكم
جــــوري غصت
الأبـــــو: هاج يودي اشربي ماي هني هني ... انتي حالج مول مب عايبني شكلي خلاص بهون لازم اوديج المستشفى أسويج فحص شامل .. وايد ذويانه
جــــوري: لالا أنا بخير .. بس ما قلتلي اتهــون عن شووو بابا؟
الأبـــو: ترى اليوم اتصلوا فيني من الكليه ويبغون اذن عسب المعسكر الصيفي اللي بيسوونه للطلبه المتميزين
وانا كنت متردد بس هم قالولي انه بيكون تقريبا من 3 اسابيع لشهر
يعني بيبدا من اول شهر ستــــــه
جـــــوري وهي مستانسه: وانته شو رايـــك؟
أبــو جــوري وهو يدقق اف ملامحها الطفوليه وابتسامتها اللي لا تقاوم: انا كنت بسألج عن رايــج واف نفس الوقت اذا وافقت هذا معناه انه سفرتنا لازم تتأجل لشهر 7
جـــوري: محد خبرني عن السفر؟
أبــو جـــوري: ترى هاي كانت مفاجـأتنا أنا وامج
جــــــــــــوري: يـــــااااااااااااااااااي فديتكم والله
بالعكــــس باباتي شهر 7 أنسب حق السفر وفرصه بعد اتشرى حق الكليه من هناك
أبـــو جــوري: مزهبه عمرج انتي! ... صدقت يوم سميتج مصاريف!
(ههههههههههه أبو جوري دايمــا يسمي جــوري مصاريف واخوانها يسمونها مسؤولة الشؤون الماليه اف بيت بو حــــــــــامد)
للتوضيــــح:
( جـــوري عندها اخويين وهم بالترتيب حــــامد وهو العـــود وعمره 31 ويشتغل طيـــار ودومه مسافر والحينه عنده دورة في استراليا لمدة 6 شهور وباقيله 4 شهور وبيرد وعقبه حـــارب واللي سبق ورمسنا عنه وعمره 27 وعقبه جــواهر وهي معرســه من سنه ماخذه ولد خالتها حميـــد وعمرها 25 وآخر العنقــود جـــوري وعمرها 21 )
نرجـــع لأبطـــال قصتنـــا
جــــوري بدلع: باباتي عاد ما عندك الا انا خل أتشرى على كيفي
أبو جـــوري: واخوانج الباقيييين خلاص كنسلتيهم!
جــــــــــوري: هههههههههه بس هم خلاص راحت عليهم كبروا .. انزين باباتي هااا شو قلت؟
أبو جـــوري: الحين لازم سالفة المعسكر الصيفي هذا؟
جــــوري: باباتي هيه لازم وبعدين هم ما قالولك اني لازم اكتب عنه ريبورت وبيفيديني السنه اليايه
أبـو جـــوري: هيه ابويه قالولي بس وين انا اروم اصبر عنج شهر أهون عليج؟
جـــوري يت وحضنت ابوها: ابويه الا شهر واحــد وانا بتم عندك عقبها شهرين وبنسافر ويا بعض وكل شي
وحتى انته أباك اتخلص كل اشغالك اف هالشهر عشان تتفرغلي عقب ... ماباك تنشغل عني فالسفر!
أبــو جـــوري: خلاص عيل ... حكــم القــوي ... بس هناك كل شوي تتصليبي واتطمنيني عليج ولا ترى بكنسل كل شي
جـــــوري: افا عليك اكيييد بتصلبك وبلعوزك باتصالاتي
أبــو جـــوري: منكر بنات
جـــوري وابوها: ههههههههههههههههههههههه
أبـــو جـــوري: خلاص بابا أنا الحين بظهر اتاخرت عندي اجتماع وانتي مري على امج الحجره كانت اتقول جــوري ماشوفها مووووول زين ابويــه؟
جـــــوري: من عيوني حتى انا اشتقتلها موووووت
الأبـــو: بارك الله فيج بنتي يلا أنا ساير
جـــوري: تيك كير بابا وبترياك ع العشــا لا تتعشى برا
الأبـــــــــو: ان شــاء الله ما طلبتي
(خراااااطه .. دوم ات قول جي وترقد قبل لا يوصل ابوها ههههههههههههههه)

وطلعت جـــوري من عند ابــوها وسيده ع غرفــة أمها

جــــوري اتدق الباب: تك تك

أم حــامد وهي يالسه ع التسريحـــه تتعدل: منــو؟

جـــــوري: أنا

أم حـــامد: دشي ماما

جــــوري: له له له شو هالزين شو هالحلاه؟

أم حـــــامد: أي زين ... الزين كله عند جـــوري؟ وينج ماما ... ما اتبينين ... ما اتقولين عندي ام؟

جــــــوري: ماماتي سوري والله بس الكليه ماخذه كل وقتي

أم حـــامد: يلا ماباجي شي ع الاجازة وعقب بنشوف شو حجتج

جـــوري افخاطرها: اكيد ماما ما تدري عن المعسكر الله يستر.. بس اكيد بابا بيقولها

أم حــــامد: اف شـــو سرحانه جوجو؟

جـــوري: هاااا لا ماشي ... اممممم ليش كاشخه جي؟ وين بتسيرين؟

أم حــــــامد: بسير ويا حرمة عمج عرس قوم ال......ي بنتهم عهـــود بتعرس

جـــوري: الله وناسه عهـــود بتعرس

أم حــــامد: الله يفرحني فيج بعد ياااارب

جــــوري: اممم انزين ماماتي انا بسير عندي بروجكت وخبريني عقب شو العرس

ام حـــامد: ان شــاء الله .. وانا بعد شكله دريول قوم عمج وصـــل ...

.
.
.

طلعت جــوري من جنـــاح قوم أمهــــا وهي طاااايره من الوناسه

جـــــوري وهي تغني: والله وتحقق منايا ... حلمي اتحقق معايا هههههههههه

حـــارب وتوه راد من براا: بسم الله سكنهم في مساكنهم ... سيري سحي كشتج ... ولا ومحرفه الاغنيه على كيفها

بتخبرج انتي شو حياتج؟

جـــوري: ياربييييه مشكله اللي يغارون وبعدين انته قلت بتطلع شو يابك مرة ثانيه؟

حـــــارب: كيفي غيرت رايي ... وبعدين ييت أطمن .. هااا ان شــاء الله أبويه هزبج؟

جــــوري: ويييي بسم الله عليه ... ليش يهزبني؟!!! ثرني شو مسويه؟

حــــارب: عيل ليش متصلين من الكليه؟

جـــــوري: يبون اذن عسب المعسكر الصيفي

حــــــارب بكل ثقه: لا انا مب موافق

جــــــوري: طاع هذا! انته شفت ويهك فالمنظرة اول شي؟!!!

وااايد مصدق ويهك!

حــــارب: من حقي الصراحه

جـــوري وهي اتدز اخوها ع صوب: وخر شــوي مستعيله انا بسير أبشر منوووه ومهووووه!

حـــارب وهو يبا يخرب: الحين كله منوووه ومهوووه ماشي غـــلا ... نسيتي غـــــلا ... مصلحجيه

جــــوري: طاع هذا؟!!! غـــلا بنت عمي وحبيبتي وتوأم روحي لا تيلس تتفلسف ..

بس هالسالفه اتخص الكليه وغلا متخرجه افففف

حـــــامد: اهاااا ... انزين انا بسير اتأخرت على راشــــد ... صح تبين عشى من برا

جـــوري وفجأة اتحولت الى حمل وديـــع: الله صدق؟؟؟؟ حبيبي انته عيل أباا

وقبل ما اتكمــل جملتها قالها: ماك سبايسي من ماكدونالد

جــــوري: وحافظ بعــد وناسه انته

حـــارب: تراج ذليتينا كله هالوجبه وبس خخخخخخخخخخخخ حتى راشـــد بعد متعقد من غـــــــلا

جــــوري: وانته بلاك على غــــــــلا هااا؟ قوللي لا تستحي عااادي

حـــارب وهو ويهه اتلوّن مية لون: يلا انا اتأخرت باي

جــــوري وهي ناقعه ضحــــك: باي يالعاشق

اتطالعها حـــارب بنص عين وروح

.
.
.

كملت جـــوري دربها لين غرفتها ... الله خل اتصل اف مهــوووه اول لأنها متفائله شراتي وعقب منـــووووه لأني اخاف اتعكر مزاجي

.
.


توووت تووووت تووووت

ومع ثالث رنه ردت مهــــــــــــــــــــا : ألــو

جـــــــــــــوري: مهـــووووووووه باركيلي

مهـــــا: وانتي بعـــــد

جـــــوري: لا تقولييين؟! صدق؟

مهــــــا : هيه والله ... مب مصدقه

جــــوري: ولا انا .. انزين رمستي منووووه؟

مهــــا: اممممم اتصلتبها مساعه اتقول ابوها عادي وامها زعلانه والحين باقي عبـــود أخوها

جــــــــوري: يا عبــود هذا اللي يالس النا مثل العظمة فالبلعوم

مهــــا: هههههههههههه توأمها لازم

جــــــــــــوري: هيه والله وراها وراها ... حتى اف بطن امها ههههههههههه

جـــوري: اوكي حبيبتي بسكر عنج الحين وبدق حق منى وبشوف علومها

مهـــــــــــا: اوكي حبيبتي وطمنيني

جـــــــــــوري: اكيـــــد يلا شــاااو

مهــــــا: شـــاااااو

.
.
.

جـــوري افخاطرها: الحين بدق حق منوووه وان شــاء الله أهلها يكونون موافقين عسب تكمل فرحتي

توت توت توت

منى: ألـــو

جـــوري: هلا منى ... ها خبريني؟

منى: الحين أختيه نوال تقنع عبـــود

لحظه جوجو حد يدق الباب

جــــــوري: أوكي

جــوري ع الخط سمعت صوت منى وهي اتقول: واااااااااااااااااااااااااو شكرا نواااال

ردت منى لجوري: جوجو باركييييلي .. ماصدق وافقوا

جــــوري: مستحيييييل خطتنا نجحت لالا ماصدق

منـــى: انزين متى بيبدا المعسكر اتقوله وهي تضحك

جـــوري فهمت انه منى مب روحها فالحجره فقالت: بيبدى من اول شهر سته ... بخبرج التفاصيل باجر

منى: عيل اوكي

جـــوري: خلاص بخليج بباي

منى: بـــاي حبيبتي

.
.
.

جـــوري طرشت مســج حق مهـــــا اتخبرها انه كل شي اوكي

وردت عليها مهــــا: الحمدلله

.
.
.

جـــوري اف خاطرها: الحين اهل مها كلهم موافقين ومنى نفس الشي ... الا أنا أبويه الوحيد هو اللي يدري وحارب شكلها السالفه مب عايبتنه والله يستر من ردة فعل ماما

.
.
.
وتمت اتفكر شوي وعقب سارت تاخذ شــــور

اف هالأثنــــــاء كان حــــارب ويا راشـــد ولد عمــــه فالسيــاره بيمرون ع ماكدونالد

راشــــد: ها شو تبا اختك؟

حــــارب: كالعاده

راشـــد وهو يرمس الحرمه اللي تشتغل اف ماكدونالد: two mac spicy meal plz

الحرمه اللي اف ماكدونالد: second window plz

راشـــد: ثانكس

حـــارب: ليش طالب وجبتين؟

راشــــد: حق طبجة اختك (يقصدون غـــلا)

حـــــــــارب: والله هالهنتين فناتك .... كل شي نفس الشي!

لا والحبيبه مسجله تبا اتسير معسكر صيفي لمدة شهر ف بوظبي مادري العيـــن

راشــــد وهو متفاجىء: احلف؟

حـــارب: وانته بلاك مشتط؟

راشـــد: هاا لا ماشي! بس غريبه عمي موافق

حـــارب: عمك صح ما يروم يصبر عن جوري بس بعد ما يردلها طلب وأظن هذا جزء من بروجكت يسوونه

راشـــد: عاد فالصيف؟

حـــارب: عاد انته ما تدري منكر الكليه!

راشـــد: هيه والله يلا خل انوصل الأكل حق الهوانم قبل لا يبرد

(راشـــد من عمـــر حــارب يعني 27 وغـــلا عمرها 23 وخليفــه عمره 32 ومعرس ماخذ بنت خالته روضه وعندهم بنوته حلوة اسمها شـــوه وعمرها 3 سنين وآخر العنقود روبي وعمرها 13 مراهقه بالقـــو)

ويرن تيلفون راشـــد وكانوا البيت متصلين به: هلا بالغـــلا

جان يفز حـــارب من سمع طاريها وراشد حس فيه

جان يحطها ع الاسبيكر

غــــلا ع الطرف الثاني: تعال مر عليه وودني عند جــوري ... نبا نتعشى ويا بعض

راشـــد وهو يغلس ع اخته: لا ماروم

غـــــــلا: بلييييييييز رشوووود

راشــــد: دامج قلتي رشـــود ماشي .. أصغر عيالج اتقولينلي رشود

حـــارب ويدخل عمره فالسالفه: ياخي ذليت البنيه ما يسوى عليها ....

غــــلا: هيه حـــارب قوله بلييييز

حـــارب وهو متشقق: ماعليج منه خلاص اتزهبي الحين يايين

راشـــــد: سيارة ابوك وانا مادري

غــــلا: خلاص انا متلبسه

راشـــد: طاع هاي مزهبه عمرها ... طرطور انا مستوي

غــــــلا: حراااااام جـــوري بتروح عني ابا اودعها

راشـــــــــد: هاي جــوري مسويتلنا ازمه كلنا وانتبه على عمره يوم قال كلنا وبلعها

يلا انزين يوم بوصل بدقلج

غــــــــلا: يااااي ... اوكي باي طوط طوط طوط

راشــــد: حشى ما صدقت

وحـــارب اف عالم ثاني ... سرحـــان اف صــوت غــــلا

راشــــــــــد بحركة نذاااااله حط شريط حسين الجسمي اليديد ع اغنيه خريش وطول ع الاخر وهو مرتبش

انتبه حارب وفلع راشــــــد بدبة الماي

نقع راشـــد من الضحـــــك: ههههههههههههههههه دواك محد قالك تسرح

حــــــــارب: مب منك من اللي يعطيك ويه

.
.
.

واف هالأثنــــــاء كانت جـــوري توها طالعه من الحمام عزكم الله ولافه الفوده ع شعرها: اففف يوووعانه ... هذا حروبي قص عليه

جففت شعرها ولبست برمودا جينز ازرق فاتح وبدي فوشي واتعطرت استعدادا لاستقبال بنت عمها وحبيبتها غـــــــــلا

وشوي واتصلت اف حــــارب واول ما رد: حروووووووووووووووبي

حــــــارب: بسم الله الناس اتسلم اول .. صدق ما شي اخلاق مووول ... اتعلمي من بنت عمج الذوق

راشـــد اف خاطره: فديت شطانتها

جــــــــــوري: حـــروبي يوووعااااااانه

حــــارب: اشكثر وايد ولا شوي؟

جــــوري: واااايد وااااايد واااايد فوق ما تتصور

حــــــــارب: عيل ما بني خلاص

جـــــــــوري: اييييه حرام عليك

حـــــــارب: انزبببببببببببن .... خلاص يايين... الحين واقفين عند بيت عمج بناخذ غـــلا ويايين مسافة الطريج

جــــوري: خلاص أترياكم


.
.
.

راشـــد يدق حق غــــلا وقبل لا يرن ردت: بسم الله

يالسه فالتيلفون انتي!

غــــلا: ها ييتوا؟

راشــــــد: يلا تعالي من الباب الوراني مافيه ابوج يشوفني ويشغلني

غـــــــــــلا: اوكي

(هههههههههه ... أبوهم من يشوفهم يشغلهم ... سيروا ... هاتوا ... جابلوا العرب ... ومن هالسوالف اللي ما تخلص لوووووول وهم ماشالله ما تعيبهم هالمسؤوليات)


وخلال ثواني ظهرت

وركبت السياره: السلام عليكم

راشـــد : الله ع الادب

غــــــلا: الادب مب لك حق ولد عمي ههههههههههههههههه

راشــــــد: لا تخليني انزلج من السياره الحين

حـــارب: بتذل البنيه انته

غــــــلا: هيه والله قوله ...! مذله

راشــــــــد: انزين الحين انا مذله

غــــــــــلا: هيه ... انته ما اتشوف كيف حارب يرمس جوجو

راشــــــــــد: هههههههههههههههه لعلمج هذا اكبر مذله

حــارب قفط: لا تصدقينه

وشوي ولا هم واصلين

حـــارب لحظه بدق حق جوجو عسب تظهرلج

غــــلا: ما يحتاي يالسه ادقلها

حارب وراشد بصوت واحد: سحـّــار

.
.
.
غــــلا دخلت داخل وسلمت ع جـــــــــوري

جــــــوري: عيل وينه؟

غـــلا: منوه هوه؟

جـــــــــــوري بصوت عالي: الماكدونالد؟

حــارب : وراج

جــــــوري: بسم الله انته من وين طلعت ... يلا عطني اياه

حــــارب: يودي ... بسم الله مستقطعه

جـــوري: يوووعانه انزين افففف مذله مادانيييييك

أبا أعرف ليش ماكدونالد ما يسووون توصيل بدل مذلتك!

حــــارب: والله انتي مافيج أخلاق (دوم يقولها هالجمله هههههههه)

يلا انجلعوا من هنيه راشـــد ياي

جـــــوري: انزيييين

حـــــارب: وبعدين مستانسه ع عمرج لابسه هاللبس اللي ما يندرى وين راسه من ريله

جــــوري: هههههههههههه اتغار... عقب بتقول حق حرمتك تلبس نفسه

حـــارب بصوت واطي: حرمتي الا نفسج .. كله مطقمين (قصده غـــلا)

جـــوري: انته شو تخربط؟

حـــارب: يلا سيروا راشــــد ياي

جـــوري وغــــلا: انزيييييييييييييين

ودشـــــــــــــوا داخل

.
.
.

فالصالة الداخليه لغرفة جوري ....

كانوا جــوري وغـــلا فاجين التيلفزيون على 2 ويطالعون فيلم اسمــه 50 first dates

وياكلون ماكدونالد امممم يمي يمي

جـــــوري: غلووووه ... باجر لازم انسير نتشرى

غــــلا: حق الشـــو؟

جـــــوري: لا تستهبلين غلووووووه ... حق المعسكر

غــــلا: والله اتضحكيني يوم اتقولين معسكر جنه صدق الحين!

جـــــــــوري: ايييه اسكتي مب حد يسمعج ادريبج فضايح

غـــــــــــلا: انتي متأكده اترومين تبعدين عنا شهر كامل ف مكان انتي ما اتعرفينه؟!!!

وانتي تدرين لو اهلج دروا والله ما بيرحمونج

جـــــــوري: ايييه لا تخوفيني روحي زايغه ... ما اتوقعت السالفه تستوي جد

غــــــــلا: وانتي بس هذا هو ... اتسويين مغامراتج عقب اتقولين ماكنت ادري بيستوي جذه؟!!

جــــــــوري: اييييييييه لا تلعوزيني وتاكل بطاط

(هههههههههههه نكته هالبنيه)

غــــلا: شوي شوي عن اتغصين بلاج مستقطعه الأكل ما بيطير!

جـــوري اتهز راسها يعني اوكي

غــــــــلا: انزيييين ما قلتيلي ... انتي ومنوه ومهوه بتكونون ويا بعض طول الوقت؟

جــــوري: لا طبعــا كل وحده روحها وبنلتقي مثل السيلانيات كل جمعه هههههههههههه

غــــــــلا: انا مول مب متخيله اللي بيستوي

جـــــوري: لا تخافين الكليه بتختارلنا الانسب ... الحين يسوون اتصالاتهم ... وبعدين انا بشل اللابتوب وياي والموبايل طول الوقت اف جيبي ...

خذتلي موبايل كتكوت ما يبيّن وانشالله بنكون على اتصال طول الوقت

غـــــــــلا: انتي اتعرفين كم باقي عن المعسكر!

جــــــــــوري: امممم يعني تقريبــا اسبوع

غـــــــــلا: ومستانســه حضرتج؟

جــــــــوري: خلاص لا مفر ... المهم متى بنسير انسوي Shopping ؟

غـــــــــــلا: اممممم باجر الأربعــــا ... خلاص عيل ورى باجر ... الخميس الصبـــح

جــــــــوري: اوكي كوووول

بس تعالي؟!!!

شو نوعية اللبس اللي آخذه معايه؟

غــــــــلا: هههههههههههههههه ... بناخذلج لبس مال المهنده هههههههههههه

جـــــــــــوري: اتصدقين؟ يبالي

وتموا يضحكـــون وسالفه اتيب سالفه

وشوي واتصــــل راشــــــد اف غـــــــلا

غـــــلا: هلا راشـــــــد

راشــــــــد: يلا أنا ساير بتين ويايه ولا بتباتين؟

غـــــــلا: لا شـــو أبات!

جـــــــوري نطت: امبلا امبلا بليييز باتي بيتنا

غـــــلا: وكليتج يا حلوة ودوامي!

(غــــــلا تشتغــل اف نفس البنــــك اللي يشتغل فيه حـــارب بس اف فرع الشارجه وهو اف فرع دبي .. يعني ما يتلاقون .. وعلى فكره ... هو اللي موصي عليها ومختارلها مكان يكون منخش عسب ما تتعامل ويا الرايح والياي... هههههه يغار عليها ... وهي ما تدري ... تتحرى مشغلينها عسب سواد عيونها خخخخ)

جــــوري بوزت وقالت: افففففف

راشــــد: يلا عيل أنا برع

غــــــــلا: الحين يايه

وسلموا غـــلا وجـــوري على بعـــض على أمل انهم يلتقون الخميس الصبــــح ويتشرون أشيــاء حق جـــــوري عسب يتنفذ اللي افبالها والله يستر منــــه!
.
.
.
وردت جـــوري غرفتها وظهرتلها ثياب حق الكليه حق باجر واتغسلت ولبست بيجامتها وانخشت تحت اللحاف ورقدت على أمل انه ايي باجر بسرعه وتلتقي اف شلتها ويكملون باجي الخطط
.
.
.
(انتهى الجــــزء الأول)
.
.
.
ياترى شو سالفــة المعسكــر؟

وشو هي خطـــة جـــوري بالضبــــط؟! وليش هالخــوف كله؟!

وشو بيصير فالكليـــه فاليوم الثاني؟!

وهل أم جـــوري بتوافق على سالفــة المعسكــر؟!
.
.
.
ترقبـــونا فالجــــزء القـــادم

وبانتظـــار توقعـــاتكم وتحليلاتكــــــم
.
.
.
(ملاحظــــه: خبروني اذا تبوني أكمـــل القصـــه ولا لأ؟)

(الجـــــزء الثــــاني)
اف نفــس الوقت اللي رقدت فيه جـــوري واستسلمت لأحلامها
كان أبــو جـــوري توه راد البيت ويشوف أم جـــوري: هــــلا والله بأم عيالي
أم جــــــوري: هـــلا ببو حــامد
أبـو جــــوري: ماشالله توج راده من المعاريــس
أم جـــــوري: هيه والله اسميه كان عرررررس صدق ربشـــه .. عقبال حامد وحروب وجـــوري
أبــو جـــوري: آآآمين .. هيه صـــح على طاري جــــوري بغيت أخبرج بـ سالفـــه
أم جـــوري: خير ان شــاء الله؟
أبـــو جـــوري: الخير اف ويهــــج ... وخبرها سالفة المعكســــــر
ام جـــوري: وانته شقا اتوافق على شي مثل هذا؟؟
أبـــو جــوري: خلي البنت تستانس ... ما شفتيها شقا مستانسه ... الابتسامه شاقة الحلج وهذا غير انه محسوب من شغلها فالكليه
(مسااااكييين ما يدرون عن خطــة جــــوري)
أم جــــــوري: شو هالمنكــر بعد! يكرفونهم حتى فالصيف! متى بشوف بنيتيه وبيلس وياها؟!
أنا ما يخصنيه من ها كله !! تباني انفّد بنتيه؟!!!!
جيـه يايبينها ببلاش؟!
اودرها فالسيــح شهر كامل؟!!!! شو هالمنكر
بــو جــــوري: الله يهداج ... مب سايرين يلعبون هم ..
وبعدين الكليـــه مسؤوله عنهم
وانا بنفسي سألت عن كل شي وطمنوني يزاهم الله خير وما قصروا ...
وقالولي انه بنكون على اتصــال وياهم ... يعني ما بيسيرون مقطعه!
ام جــــــــــوري: وانا أتم آكل فوادي شهر كامل .. والله انه قلبي مب مطمن
(سبحـــان الله قلب الأم)
بو جــــوري: اطمني ... وانا باجر بنفسي بسير وبباشر الاجراءات وبحرّص عليهم .. بس عشان خاطري لا تنكدين عالبنيه ...
ام جـــوري وهي متضيجه: ومتى بيسيرون؟
بوجـــوري: الخميس مب هذا .. اللي عقبـــه
ام جـــــــــوري: ويديه! خل تتنفس البنيه من الكليه عنبوه ... والسفره شو بتسويبها؟
بو جـــوري: لا امممرررة لا تحاتين ... اجلت السفره وخليتها ع شهـــر سبعـــه .. هــا اطمنتي الحين؟
ام جـــــــــوري: والله انته وبنتك مرتبين كل شي وانا آخر من يعلم!
بو جـــوري: أفا عليج انتي بس! نحن انروم انسوي شي بلياج
( وابتسملها ابتسامه تشرح الخاطر ... اللي خلت ام جــوري ترتاح وتسكت)
أم جـــوري: ما ينرام لك
وساروا الحجره عسب يرقدون ويرتاحون من تعب يوم حافل
.
.
.
اليوم الثاني الصبــــــــح
جــــــــــوري وصلت الكليــــه من وقت على غير المعتــــاد
شلت شنطة اللابتوب وسيده ع الكلاس
دخلت الكــــلاس وكانت منى موجوده وكمن بنيه من اللي يداومون من وقت
كلهن بصوت واحــــــد: جـــــــــــــوري يايه من وقت؟!! مستحيــــل
جــــــــوري: أيهاااااا !!
اذا أتأخر ما يعيبكم .. واذا ايي من وقت ما يعيبكم !! مشاكل
منى: بالعكـــس وناســـه ... يلا تعالي يلسي
جــــوري: محد يفهمني كثرج
وشوي وتدخل مهــــــــــــــــــــــــا: صبــــــــــاح الخير
جـــوري ومنى: صبـــاح النـــور
البنات: لا اليوم شي مب طبيعي ... دوم حليلها منى اتم تترياكم ..
واليوم الثلاثي المرح مجتمعين قبل ما يبدى الكلاس بنص ساعه شي غريييب!
منــى: لا حــــــــول ... لا اله الا الله من عيونـكم
جـــــــوري: شكلهن بنات كلاسج منـــــوه ما بيخلونا نرمس
قومن خل انسير برا ونرمس ع راحتنا
مهـــــــــا: فرصه ... دوللي بعد بتتأخر اليــوم ... يعني الكلاس الأول فاضيييين
(دوللي مس من المسات اللي تدرسهم)
جـــــــــوري: ربشــــه!
.
.
.
(وطلعــن برا عند الكراسي الخارجيــه للمبنى)
جــــوري: شو شعوركــــن؟
منــى: انا بصراحه وايد متحرقصه ... البارحــه اللي كنتي اتقولينه كان مجرد حلم واليوم استوى واقـــع
مهــــــــا: انا بعدني مب مصدقه
جــــوري: ولا أنــــا
بس خلونا من هذا كله
نحن لازم نرســم الخطه من الحين وبأدق التفاصيـــل
وانكون قد المسؤوليـــــه... ترى هذا مب شي سهــــل ... وعسب نثبت لــ Elaine انه نحــــن مب سايرات نلعب
مهـــا: هيه صــــج
جــــــــوري: اوكي اسمعوني ...
اليــوم لازم انقرر جنسيــاتنا يوم بنـــكون هنــاك عسب انعرف شو ناخذ ويانا من ملابـــس ونتعــود ع الرمســـه
مهــــــا: انا أظن أنسب شي حقي اني أكون أثيوبيــــه
جــــوري: صـــح وانا بعــد أشوف جي ...
مهــــــا: ههههههههههههه شو قصدج؟!!!
جـــــــوري: خخخخخخخخخخخ انتي ادرى
منــى: وانا؟
جــــــوري: سيلانيه او هنديـــه؟!
منى: هنديــه اهـــون
جــــوري: خلاص وانا بعـــــد
جــــوري: انزين من وين ناخذ الثيــاب؟
منى: أنا أعرف محـــل اف عيمـــان ... بتحصلون فيه كل اللي تبونه
مهـــا: عيــل اوكي
جـــــوري: خلاص عيل فالويكينـــــد بنلتقي وبنسير رباعه وبنشترى
امممممممممممممممم
صح ما خبرتكن؟!
منى ومهــــا: شــــو؟
جـــــــــوري: اللغه اللي بنتكلم فيها هي الانجليزي لأنه ماشالله علينــا مانعرف لا هندي ولا أثيوبي
ف من اليوم بندرب نرمس انجليزي مكسر وعربي مكســــــر
مهـــا: ما أتخيـــل هههههههههههه
ضحكـــن ويا بعض: ههههههههههههههه
ورجعـــن الكلاس

(أظـــن يا قراء عرفتوا بطلات قصتنـــا شو بيسوون ... اف هالشهـــر ... كل وحــده منهن بتسير بيت ناس ما اتعرفهم واف امارة بعيده عن محــل سكنها بحيث ما يصادفن حد من معارفهن ... وهذا باتفاق الكليه مع مكتب خدم .. وبتقدم نفسها على أساس انها خدامه مؤقته الين ما يحصلون خدامه دايمه من المكتب ... طبعــا هالشي مب صعب خاصه مع مشكلة هروب الخادمات ... فكل أسرة اتعاني من هالمشكله ... بتضطر تقبل أي وحده الين ما توصل خدامتها ... والهــدف من هالشي هو معايشة معاناة الخدم فالبيــوت وكتابة ما يتعرضون له في حياتهم اليوميه وهذا غير المقالب اللي بتستويلهن كونهن مواطنات يعيشن هالتجربه .. خاصه انه مكتب الخدم وباتفاق مع الكليه بيعطي كل وحده منهن ورقه تفيد انها خاليه من الامراض وانها تجيد اعمال المنزل وانها مكمله دراستها وترطن انجليزي بس ضروفها الصعبه حدتها للقيام بمثل هالعمـــل... يعني خادمات ما يتفوتن صح ولا لا؟! طبعـــا هالشي ســـــر ومحد يعرفه وأتمنى انكم ما اتخبرون حـــد .. وعــــــد؟!)

يمكـــن هالشي فيه خروج عن القانون .. بس صدقوني يستاهل المخاطره

والله يعين بطلاتنـــا عاللي بيواجهنه اف هالشهــــر!

يلا نرجــــــــــــع لقصتنـــــــــــا

خلص اليوم الدراسي وكل وحده من بطلاتنا ردت بيتهــــا بعد يوم شــاق وممتع اف نفس الوقت
.
.
.
جــــوري وهي اتصف سيارتها فالباركينج المخصص لهــا فالبيت: يااي ما أتخيل انه الحلم بيتحقق ولأول مرة بعيش تجربه يديده وبعيش اف مكان ماعرفه وأحلى شي اني بعيش فالعين .. ياااااااااي ... اشكثر احب هالمدينه خاصه من عقب القصص اللي اقراها

وردت سيتها على ورى وغمضت عيونها وهي تحلم بهالمغامرة الغريبه من نوعها

وشوي ولا حـــارب يدخل سيارته فالباركينج ويشوف سيارة جوري ومستغرب انها شغاله يتحراها ناسيتنها كالعاده: لا حووول ويا هالبينيه مادري وين مخها

تنزل من السياره وتنسى السويج داخل!!!

ونزل من سياره وهومتأفف ويوم يتقرب من السياره يشوف حد داخل وتم يجرب راسه من الجامه لأنها مخفيه بس كان يبين انه حد داخل وكان يبا يتأكد وهو يقول افخاطره: طاع هاي!!!

قلن الاماكن راقده فالسياره !!

لا وشكلها مستانسه بعد !!

الا ازيغهـــــــا وجان يسير صوبها ويدق ع الجامه بالقو

جااان اتفز جوري وتفتح الباب: ايييييييييييييييييييييييييييه زيغتني حرااام عليك والله بمووووت

حارب وهو ناقع ضحك ع شكلها: انتي بتخبرج؟

ماعندج حجره ترقدين فيها؟!

وااايد عايبنج شكلج جي؟! جنج سيلانيه مب مسحيه شعرها

جـــوري افخاطرها: هههههههههههههه هيه والله .. أيام وبستوي صدق سيلانيه .. لا صدق بستوي هنديه وتضحك بصوت عالي ههههههههههههههههههههههههههه

حارب وهو مستغرب: بسم الله عليج!

شو يضحكج؟!!

جـــــوري وهي تنتبه لأخوها الفضولي: اففففف ماشي ماشي انته ماعندك شغله غيري!!!

ياخي عرس و جابل حرمتك

حـــارب: بصراحه كنت افكر فالموضوع بس غيرت رايي! لازم اطفربج عدل وعقب بفكر اعرس

جــــوري وهي تطلع من سيارتها: حشى بلاهم شباب العايله مضربين عن الزواج الا خليفه احسنكم كلكم

حـــارب وهو يمشي وياها جدا الفله: خل نستانس اف حياتنا قبل

جـــــــــوري: كل هذا وما استانستوا؟!!!!

حامد 24 ساعه مسافر ويتحرى عمره صغير وانته وراشد دقيتوا 27 وبعدكم!!

حـــارب: الحين انتي شو حارنج؟!!!

جـــوري وهي تتطالعه وهي مستنكره سؤاله: اللي حارني اني ابا أكشخ ...!

أبا أفصل فساتين ...! أبا أتخقق في اخواني!

حــــارب وهو يطالعها من فوق لتحت: بس هاللي هامنج؟! تكشخين

صدق انج سطحيه وما عندج سالفه

جــــوري وهي مب مهتمه: سطحيه سطحيه عادي المهم استانس
ودخلوا داخل الفله وهم يتناقرون

أم حــامد يالسه فالصاله: ما شالله يايين ويا بعض اليوم

حارب وجوري يحبون امهم على راسها

جـــــوري: هذا حارب يلعوزني

حـــــارب وهو يطالعها بنص عين: مادري منو اللي راقد فالسياره جان ما ييتج جان تميتي لي العصر

أم حامد: صدق جوجو؟ راقده فالسياره؟

جــــــــوري: انتي بعد اتصدقين ولدج؟! يقص عليج

حــــــارب: هيه صح

أم حـــامد وهي تدري بجوري لأنه مب اول مرة اتسويها وفيها ضحكه: انزين يلا سيروا بدلوا ملابسكم وصلوا عسب تتغدون

جــــــوري: انا مابا شبعانه

حـــارب: بس انا صدق يوووعان ... حطولي الغدا الحين لأني مصلي فالدوام

أم حـــامد: من عيوني

ودخلوا حارب وجوري غرفهم

جــــــــوري وهي اتدور على عمرها فالحجره .... يااااااااااااااااااااااااااي

وأخيرا بيتحقق الحلم

بس أحس بطني يعورني مب متخيله مووووووول

يلا ليش أفكر هالكثر؟!
الحين بصلي وبرقد وعقب برمس حــامد اتولهت عليه موت

وفعلا صلت العصــر وتمت تدعي ربها انه ايسر امورها ويصبرها على بعد أهلها وعقب ما خلصت ربعت سيادتها ولبست بيجامتها وانخشت تحت اللحاف وعلى طول رقدت من التعب
.
.

فالطرف الثاني

غــــــلا توها راده من الدوام ويالسه تتغدى اف غرفة الطعام ... بس سرحانه وما تاكل شي

وتدخل عليها أمها (أم خليفه)

أم خليفه: بلاج فديتج؟ ليش ما تاكلين؟

غــــــلا وتوها تنتبه لأمها: هااااا؟! لا ماشي

أم خليفه: مب عوايدج اتمدين البوز شبرين

غــــــلا وهي تتذكر انها مب مخبره امها انه جـــوري بتسير شهر كامل المعسكر: افكر اف جــــوري بنت عمي

أم خليفه: رب ماشر؟ بلاها جــوري؟ أحيدج البارحه عندها

غـــــــــلا: مافيها الا كل خير بس بتسير عني شهر كامل

أم خليفه: أحيدها بتخلص الدوام هالاسبوع وانتي كنتي مستانسه شو الطاري الحين؟

وخبرت غــــــلا أمها عن معسكر جـــوري وانها بتم شهر كامل وكان راشد يسمعهم ويسوي عمره مب منتبه وهو منتبه على كل حرف

أم خليفه: حليلها ... حتى فالاجازة يكرفونها؟! ما تسوى عليهم هالشهاده

غــــلا اف خاطرها: أصلا جوري هي اللي تبا هالشي

أم خليفه: عيل شو رايج انه عندي لج خبر يفرحج

غــــــــلا بدون نفس: ماظن

أم خليفه: تدرين انه شهر 7 بنسافر ويا قوم عمج وبتكونين 24 ساعه ويا جوري

غـــــــلا وهي مب مصدقه: والله؟ صدق؟

يااااااااااااااااااااااي

الله يبشرج بالخير يا ويه الخير

عيل جوري ما خبرتني؟!

أم خليفه وهي مبتسمه بويهها السمح البشوش: أصلا هاي مفاجأتنا لكم ويمكن جوري بعدها ما تدري

غـــــــــلا وهي اتنش واتبوس أمها على خدها: فديييييييتج يا أحلى أم فالدنيــــــــــــــــــا

أم خليفه: يالله اشكثر اتحبين جـــوري

غـــــــــلا: وأحبكم كلكم بعــــد

أم خليفه: يالله عسى ما يفرقكم الرب ويرزقكم الرياييل اللي يستاهلونكم

غـــــــــلا اتنش وهي مستانسه: انا بسير الحجره بريّح شوي

أم خليفه: برايج فديتج

راشــــد وهو يشوف غـــــلا مستانسه: شوي شوي عن تتخرطفين

هالكثر مستانسه عسب السفر؟

غـــــــــلا وهي متشققه: هييييييييه ... ما تتخيل كيف أحب انكون انا وجوري رباعه وخص فالسفر

راشـــــــــد وهو بعد مستانس بس ما يبا ايبيّن: الله يعيننا عليكم

غــــــــــلا وهي مطنشه وسارت حجرتها

وطاحت ع الشبريه وهي اتقول: آآآآآآآآآآآه روووعه ... يعني الصيف بيكون روعه هالسنه

(لأنه قوم غــــلا دوم يسافرون مع أهل أمهم ونفس الشي أهل جـــوري يسافرون مع خوالهم ونادرا ما يجتمعون جوري وغلا فالسفر ... ولكن هالمرة التخطيط يا على مزاج غــــلا وأكيد على مزاج جوري يوم بتعرف)

وقامت اتدق حق جوري اتبشرها بس للأسف جـــوري اف عالم ثاني ويا أحلامها وتيلفونها ع السايلنت

غــــــلا وهي محبطه: اففففف أكيد راقده ... بدقلها عقب

وحطت راسها تبا ترقد ... بس وينها ووين الرقاد ... الأخت صدق متحرقصه لوووووول

وسارت عند أختها روبي اتشوفها شو تسوي

(للتذكير: روبي آخر العنقود وعمرها 13 مراهقــه من الخاطر وعليها صرعات عجيبه وكل يوم لها لوك غير شكل بس دمها خفيف وقلبها طيب وماخلت مجله فنيه الا وشرتها ... اتعرف أخبار كل الفنانين العرب والغرب و24 ساعه حاطه الهيدفون ع راسها خخخخخخخ)

غــــــــــــلا وهي اتدق الباب: روبي؟ رووووبي؟

حشى وينها؟

وشوي وينفتح الباب وتطلع روبي بلبسها الغريب

غـــــــــلا: بسم الله شو لابسه وبعدين شلي الهيدفون من راسج واسمعيني

روبي: افففف شو تبين لا تخربين علي عند تمارين رقص

غـــــــــلا: انتي ما تستحين على ويهج؟!

لو أبوي يسمعج بيسفرج

روبي: آآآآآآآآه ياليته يسفرني عسب أروح أقابل نجوم هوليوووود ويمكن أستوي مشهووورة مثلهم

غــــــــــلا: طاع هاي!

صدق مراهقه ... لو سفرج ابوي تتحرينه بيوديج أمريكا!

أقصاها عزبة يدتج ويحبسج ويا البوش والهوش

روبي وهي شكلها متقززة: Oh My God! كلامج يحطم أحلامي

غـــــــــــــلا: الله والاحلام عاد

روبي: غلا أنا محترمتنج لأنج أكبر عني ولا تنسين انج في حدود غرفتي

غـــــــــــــلا: من حلات غرفتج! ماخليتي لون الا وحطيتيه! خخخخخخخخخخخخخ

روبي: ياماما هاي الموضه اشعرفج انتي!

غــــــــــــــلا: وييييييع أي موضه؟!!! عنقاااااش

روبي: ياربيييه كيفي كيفي ... محد يفهمني الا جوري ...!

غــــــــــــــلا: تراها الا خبله مثلج

روبي: انزين جان ما خبرتها

غــــــــــــــلا بكل ثقه: ما بتصدقج
وبعدين لا تغيرين السالفه ... شو مسويه اف شعرج؟؟؟؟؟ ولا هذا لبس ينلبس؟؟؟

وعييييييييييه

روبي: بلاه شعري؟ حلوووو يجنن

وتوه راشــــــد ظاهر من حجرته وخطف صوبهم والا يشوف روبي وفج عينه: بسم الله!! سكنهم في مساكنهم!

أحيد الجنانوه فالليل! شو مطلعنهم هالحزة؟!

روبي وهي معصبه: محد يقدر هالجمال وهالدلع

راشــــد: أمحـــق دلع ... سيري غيري اللي عليج وامسحي هالصبغ من ويهج ! الحين بييج خليفه وبيلعن خيرج

(اخوهم خليفه سبق وذكرت انه معرس وهو شوي شديد بعكس راشد اللي كول وشبابي)

روبي وهي زايغه: اففف من هالبعبع

سار عنهم راشــــــــــد وفيه ضحك على أخته المراهقه اللي كل يوم ويايتنهم بصرعه يديده << الله يهديها

غــــــــــــلا: عرفتي ان بنسافر ويا قوم عمي؟

روبي: هيه دريت

غــــــــــــلا حشى ينيه ! كله منخشه فالحجره وكل الأخبار عندها

روبي: أعوذ بالله من عينج

غــــــلا وهي اتلف بتسير عنها

روبي: لحظه

غــــــــــــــلا: خير Miss Teenager! ؟

روبي وهي اتسوي عمرها طيبه: ما بتظهرين ويا جــــــوري اليوم؟

غـــــــــــــلا: واذا؟

روبي: يعني افهميها أبا أيي وياكم

غــــــــــــــلا: نعم نعم؟؟

روبي: بليييييييييز ... من زمان ما شفت جوري واشتقت لها وأبا اتشرى بعد

غـــــــــــــــــلا: اففففف ... الحين انا أطلع ويا ربيعتي .. انتي ليش رزة فيس؟!!!

تتحريننا كبرج؟!!

اطلعي ويا ورد وود

(ود وورد توأم وأعمارهم 14 وشكلهم وايد كيوت ... وهم بنات أصغر أعمامهم واسمه مايد ودارس برا ومتزوج عن حب ومب وايد عود عمره 37 ووايد سوالف وكل حد يحبه)

روبي: هاك اليوم طلعت وياهم ... بس جوري من زمان ما شفتها وأكيد عندكم سوالف حلوة

غـــــلا: اففف انزين؟!

روبي: انزين

غــــــــلا: انجلعي .. عموما اذا بتين مابا تلبسين هالخرابيط واتفشليننا

روبي: بتذلنا هاي! اففف

غـــــــــــلا: ما سمعت؟! عيدي

روبي: لا ماشي اوكي على أمرج

وسارت غـــــــــلا حجرتها

وتمت روبي تتحرطم على اختها

وردت غرفتها وشغلت الهيدفون وتمت ترقص كالعاده
.
.
.
يتبـــــــــــــــع

(تابــــع الجـــزء الثــــاني)


وفالطرف الثاني

جــــــوري فتحت عيونها وكانت الساعه 6 المغرب واتحس بكسل فضييييع ولفت ع تيلفونها ولقت 4 missed calls وحده من غـــلا و2 من منى والرابعه من اختها جواهر

جــــــوري بكسل دخلت ريولها فالشبشب الفرو الوردي واتوجهت للحمام ... اتغسلت واتمسحت وطلعت عسب اتصلي المغرب

وعقب ماخلصت صلاتها تمت تدعي كالعاده وحست عقبها براحه ونشاط

وسارت تتصل اف جــواهر بس ما ردت

جــــــوري: خل اتصل اف منوووووه عيل شكلها متحرقصه داقتلي مرتين

ويرن التيلفون

توت توت تو

وقبل ما اتخلص ثالث رنه ردت منى: ألو

جــــــــــوري: أهلييييين

منى: انتي وينج؟ من الصبح أدقلج

جـــــــــوري: كنت راقده

منى: امممممممممم اسمعيني

انا اليوم بسير بتشرى حق المعسكر

جــــــــوري: اليوم؟ انتي قلتي الخميس؟!

منى: ترى عبود أخويه قاللي ما بيعطيني السياره باجر فبنتهز الفرصه اليوم وبسير وهذا غير انه باجر عندنا عزيمه وما بقدر اطلع

جـــــــــوري: ياهي حاله!

عيل أنا شو أسوي؟!

منى: شوفي انا باخذلي وباخذلكم وياي شو رايج؟

جـــــــــوري: هزرج؟

منى: هيه أحسن وعشان ما ننكشف

جـــوري: انزين أهلج ما سألوج ليش تبين تاخذين ملابس هنديه؟

منى: ترى قلتهم انه بيكون معسكر وفيه حفلات وبنمثل يعني اخرررررررط

جــــــــــوري: ههههههههههه صدق انج مب سهله

عموما انتي لا تكثرين من الثياب لأنه نحن بنلبس Uniform وهالملابس بس حق اجازاتنا يوم بنتلاقى اوكي يا عسل؟

منى: زين يوم خبرتيني ... بس من وين بنيب الـ Uniform ؟

جـــــــــوري: مع اني أتوقع انه يوم بنسير هناك بيعطوننا Uniform الا انه ما بنخاطر وانا طرشت اليسا بشكارتنا اتسير اتفصل لنا وقلتلها عشان الكليه

منى: وصدقت؟

جــــــــــوري: جيه ما اتعرفينها اليسوه الوغده؟ تمت تتحرطم واتقول اونه انته واجد مشكل ههههههههههههه

منى: انزين ما بتخبر؟

جــــــــــوري: لا ماظن وان خبرت ... أنتي تراج عطيتيني الفكره ... وبقولهم عدنا تمثيليه

جـــــوري ومنى بصوت واحد: هههههههههههههههههه

جـــــوري: المهم حبيبتي انا بخليج واول ما اتردين خبريني شو خذتي اوكي؟

منى: اوكيك .. يلا بباي

جــــــــــــوري: باي

.
.
.

سكرت جــــــوري عن منى وهي اتحس انها مستاااانسه من الخاطر

وقالت بتنزل تحت واتشوف اهلها شوي وعقب بتدق لغـــــــــــــلا

وكالعاده لازم تربع عالدري ما اتعرف تنزل مثل الناس ومن كثر ما هي مستانسه قررت انها تستغنى عن الدري وتتزحلق ع الدرابزين ويوم وصلت تحت ماشي بريك وجان اتطيح عويهها!

بس حست انها ماطاحت ع الارض

حد ماسكنها وشوي شوي رفعت راسها والا اتشوف عمها مايــــــــــــد

وحذاله راشــــــــــد ولد عمها وهي حضرتها نازله بالبجامه وطايحه بعد!

يا سلااااااااااااام

فضااايح من الخاطر

ومن القفطه تمت تتطالعهم

(يالخبله اربعي فوق )

وفجأة انتبهت وشردت ههههههههههههههههههههههههههههههههه

وحارب شافها: بلاج بلاج؟

جان يطالعها بنص عين: لا تقولين ؟

جـــوري: محد خبرني انه راشـــــد فالصاله؟


حــــــــــارب: اشدراني بج كنتي راقده

اعوذ بالله منج من بنيه ... ما تستحين مووووليه

جـــــوري وهي قافطه: اففففف وانا اشدراني انه تحت وبعدين الا هو راشد

حـــــارب: هيه تراه أصغر عيالج عادي

جـــــوري طنشته ودشت حجرتها وهي صدق مفتشله ... وهذي مب أول مرة يستويبها جذي ... بس هالمرة غير لأنه شكلها كان صدق يضحك وهي بتطيح ع ويهها

الله ستر

وتحت

العم مايد: هههههههههههههههههه أسميها من بنيه هههههههههههههههه والله اتروعت عليها

حـــارب سمعهم وهو نازل: هزبتها

مايــــد: حرام عليك ياريال روحها كانت قافطه وما تدري وين اتشل بعمرها

حــــارب: عمي هاي مب أول مرة وبعدين لو استوابها شي! مادري متى بتعقل

راشــــد يسمعهم وهو اف عالم ثاني يتذكر ويه جــوري الطفولي وشكلها المضحك وعلى ويهه ابتسامه (يالله فديييتها وفديت شطانتها)

حـــارب: حوووووووه

راشــــــــد: بسم الله بلاك نقزتني

حـــــارب: نحن وين وانته وين .. يلا اشتل عمي مايد فالسياره

انا بسير آخذ تيلفوني نسيته فالحجرة وبييك

راشـــــــد: اوكي لا تبطي

وركب حارب فوق وشاف جـوري فالمطبخ التحضيري فوق ومندمجه اتسوي Hot chocolate

حــارب وهو ساير عندها: لا والله؟! مستانسه حضرتج واتسوين Hot chocolate ... انا لو منج ما بطلع حجرتي من عقب سواد الويه

جــــوري وهي تطالعه بلا مبالاه: عادي الحين شو صار؟ خلاص نسوا وانا بعد نسيت ... Be cool ياخي .. بلاك جذه معقد ؟

حـــارب وهو رافع حياته مستغرب من برود هالانسانه واف نفس الوقت يحبها وما يتخيل انه يتم شهر بلياها: اوكي يا miss cool انا ساير

جــــوري وهي تشرب من الـ Hot chocolate : وين ساير بهالكشخه كلها .. الصراحه مارووووووووم

حــــارب وهو متشقق .. موته ولا حد يمدحه خاصه جوري لأنها ما تمدحه الا اذا كان صدق عايبنها وتم يدور: ها شو رايج؟

جـــوري: صدقت ويهك بس الصراحه شي!

(حارب كان لابس كندورة بيج وسفره حمرة وكان صدق طالع رهيب وجذاب خاصه مع بشرته الحنطيه ورقبته الطويله والعريضه وهو بعد طويــل طالع على أبوه طوله 181 ووايد يهتم بجسمه وفعـــلا كان يمتلك جسم متناسق)

حـــارب: شو رايج اف ريحتي؟

جـــــــــوري وهي تتقرب منه: روووعه أصلا ريحتك شاله البقعه ....

حـــــارب: احم احم عشان اتعرفين ذوق أخوج

جــــــــوري بكل ثقه : أصلا انته ما تشتري شي بدون لا تشاورني ... كلك من السفره لين نعالك ذوقي

حـــارب ويطالعها بنص عين

جــوري وهي تتطالعه: صدق بعد شووو

حـــارب واونه مب مهتم: أصلا القالب غالب ... وانا لو مب مزيون جان كشختج ما نفعتني وع العموم مشكووووورة

جـــوري: العفــــــــــــــو

حــــــــــارب: يلا اتأخرت باي

جـــــوري وهي اتطالع أخوها: باي بس ما قلتلي وين ساير؟

حـــــــارب: عرس واحد من ربعنــــــــــــــــــا

جــــــوري: ic اممممم اوكي باي

وافخاطرها اتقول: فديييتك والله ... الله يحفظك من العين ويخليك لي يا أخويه العزيز

وفجاة اتذكرت اخوها حامد وفكرت اتدقله

ودخلت حجرتها ودقتله

توووووووووووت توووووووووووووت توووووووووووووت

وجان اييها صوته: الو

جــوري: فدييييييييييييتك حمووووووووووووود

حــامد وهو مستانس يسمع صوت أخته: هلاااا بالشيوووخ هلااااا

جـــوري: زعلانه منك

حــــــامد: افاااااا ليش الحلو زعلان؟؟

جــــوري: انته ادرى بعمرك ..؟ ليش ما تتصل ولا تسأل

حـــــــامد: حقج علي ياعسل بس والله مب محصل وقت ... تدرين هاي دورة وطول الوقت تدريبات

جــــــوري: الله يعينك ... انزين اشتقتلك

حــــــــامد: فديت اللي يشتاقونلي ... حتى انا اشتقتلكم والله

جـــــــــوري: تشتاقلك العافيه .. اتنه مرتاح؟ مب ناقصنك شي؟

حــــــــــــامد: مب ناقصني الا شوفكم .... انتوا شخباركم وشو مسويين؟

جــــــــوري تمت اتسولف وخبرته عن المعسكر وانها بتغيب عن البيت شهر وهو بعد تم يوصيها على عمرها جنه أبوها ... لأنه يعتبر نفسه مسؤول عنها بسبب فارق السن بينهم

جـــوري: أوكي حمووودي بخليك الحين شكلك كنت راقد

حـــامد وهو يسولف بشطانه: عقب ما حشرتيني افتكرتي فرقادي هههههههههههه

جــوري واونها زعلانه: مب منك! من اللي يسال عنك

حــامد: فديييتج انا يا كتكوتتي ... انا مب الا لو راقد بنش ... أنا لو بموت بعدني بييييج وعقب بموت

جـــوري وقلبها انقبض من طاري الموت: بسم الله عليك فال الله ولا فالك

حــامد وهو مستانس من خوف اخته عليه: ويلوموني فيج؟!

جـــوري وهي مستانسه: امممممممممم ... يلا بخليك ... خسرنا بابا وايد خخخخخخخخ

حـــــــامد: ههههههههه انا ما يخصني كله منج

جـــــوري: عادي عادي مافي شي يغلى عليك ... لا تحاتي ... مسؤولة الشؤون لماليه اتطمنك

حـــــــامد: هههههههههههه مال عمك ما يهمك ... محد بيفلس ابوي غيرج ... المهم ديري بالج على عمرج وسلميلي عليهم كلهم

جــــوري: سلامن يبلغ

حـــامد: فداعة الله

جـــــوري: الله يحفظك

وسكرت عن أخوها وهي مستانسه انها سمعت صوته ومتضايجه انه مب وياهم فالبيت وتمت تدعي انه الله يوفقه ويرده لهم بالسلامه

.
.
.


ورن تيلفونها وكانت غــــــــــــــلا وقالت افخاطرها: هههههه يوم المكالمات العالمي اليوم

وردت بشغف: ألوووو

غـــــــــــــلا: لا والله؟ وينج انتي؟

جــــــوري: توني بدقلج بس اتصلت لحامد من زمان مب مرمستنه

غـــــــــــــلا: امممممممممم اوكي سامحتج ... وشخباره؟

جــــــــــوري: بخير بس مشتاقتله وااايد

غــــــــــــلا: الله يرده بالسلامه ان شـاء الله

جــــــــــــوري: آآآآآآآآآآآمين

غــــــــــــــلا: عندي لج مفاجأة

جــــــــــــــوري: ياااااااااي ... يلا قولي

غـــــــــــــــلا: كم تدفعين؟

جـــــوري: يلا عاااااد عن المذله

غـــــــــــلا: المشكله ما اتهونين ... تدرين انه هالصيف بنسافر رباعه؟

جــــــــــــوري وهي فاجه ثمها مب مستوعبه: هااااااااا؟

غـــــــــــلا: مثل ما سمعتي ... بيتنيا وبيتكم ويمكن قوم عمي مايد بعد

جـــــــــــــوري: يااااااااااااااااااااي ونااااااااااااااسه أحلى خبر

شو هالصيف الحافل؟

بتخبل

غــــــــــــــلا: هيه والله مستاااانسه

وتمت جوري اتخبر غــــــــلا عن التجهيزات وانه منى بتاخذ الملابس اللي بيحتايونها واتفقوا انهم يسيرون يتسوقون باجر الصبج عسب يتشرون الأشيــا الباقيه

وسكرت جـــوري عن غـــــــــــلا

وسارت جناح أمها وأبوها

ودقت الباب وياها صوت أمها: تعالي جوجو

جوري وهي اتطل براسها: وكيف عرفتي انها جوجو؟

الأم: عيل شو خانتي أمج وما أحسج بج؟

جـــــوري وهي تدخل الغرفه: فديييييتج .... انا يووووعانه

ألأم: تراج ما كلتي شي من ييتي من الكليه ... يلا انزلي تحت خلي زينه اتحطلج العشــــا ... امسوينلج أكلتج المفضله لازانيـــــا بالفطر

(زينــه هي الطباخه وهي هنديه ومعاهم عشرة عمر هي وريلها فرحان وهو الدريول)

جـــوري: امممممم يمي يمي وانتي؟

الأم: انا بسير أزور حرمة فالمستشفى

جــــــوري وهي اتحيس حلجها ومب عايبنها انها بتيلس روحها فالبيت: اممممم اوكي

هيه صح ماما

الأم: لبيه غناتي

جـــــــــوري: باجر الصبــــج بسير ويا غـــــلا بنت عمي أتشرى حق المعسكر

الام وشكلها متضايج من طاري المعسكر: زين برايج

ظهرت جوري من قسم أمها وابوها ونزلت تحت وطلبت من زينه اتحطلها العشــــــــا ويلست تتعشى وهي اتفكر فاللي يترياها

وعقب ما خلصت عشاها

سارت صوب المغاسل وشافت عمرها فالمنظره وتمت تتخيل عمرها وهي بشكاره ونقعت ضحــــــــــك

وجان اتيها اليســــــــــــــا من ورى واتشوف المكان جان فيه حد غير جوري وماشافت حد: انته شنو في؟ مجنونه؟ ليش يزحك؟

نقزت جـــــوري: انا المينونه ولا انتي الينيه؟ من وين طلعتيلي عووذ بالله

اليســــــــــا: يلا سير نوووم مافي جرجر واجد

جـــوري وهي تطلع من غرفة الطعام: طاع هاي! والله مشاكل هالاليســـــا! ليكون تتحرى عمرها اليســـــــــــا صدق هههههههههههههههههه

وركبت الدري وهي اتغني أغنيه لاليســــــــــــا (أحلى دنيـــــــــــــــــــــا)

لين ما وصلت حجرتها ...

كانت الساعه 10

صدق كانت ملاااانه ... ففكرت تدخل النت

وشبكت ودخلت المسنجر ولقت بنت عمها روبي اون لاين

ورمستها شوي وعقب دخلت المنتــــــدى اتشوف اذا نزلوا بارت يديد من القصـــة اللي اتابعها

وفعـــــلا ماخاب ظنها ...

كانت الكاتبه منزلة بارت يديد

وكان رااااااااااااائــــع وتمت جـــوري مندمجه وهي تقرى وعاشت عالم ثاني ...

آآآآآآآآآآآآآه ونااااااسه

وأخيرا بسير العين وبشوف كيف حياتهم ... ياااي

يعني بكون بارت من أحداث قصه

(ههههههههه الحمدلله والشكر .... تتحرى العين مدينه القصص والروايات)

وسكرت لابتوبها والأحلام تاخذها لعالم ثاني واستسلمت للنوم

(هههههههههههه ... اللي ما اتعرفونه ... ان جـــوري مدمنة قصص رومانسيه ... ودوم تقراهن وصدق اتعيش الأحداث وصادف انه معظم القصص اللي تقراهن تستوي أحداثها اف دار الزين ... فدايما كانت تتمنى انها اتعيش هناك ولو ليوم واحد واتشوف نمط حياتهم اللي راسمتنه بصورة ورديه اف مخيلتها ... واتحقق حلمها وكلها اسبوع وبتنتقل للعين وبتعيش فيها بدل اليوم شهر!)

.
.
.

بس هل يا ترى القصص اللي تقراها بتطابق الواقع؟

وهل بتتحمل اتعيش حياة مختلفه عن حياتها 180 درجه؟

وهل بتتحمل تبتعد عن أهلها هالفتره كلها؟

كل هالاحداث بنتعرف عليها فالأجـــزاء اليايـــه



ترقبونــــــــــــــــــا

.
.
.


(قراءه ممتعــــــه )


.
.
.


بانتظــــــــــــار تعليقاتكــــم

وجان اتلوم ابكم السمووووووووووووحه وربي وربي نسيت الموضوع

من زمااان ما حدرت ها الموضوع السموحه منكم


اي نووو ما ينفع اي عذر بس وربي السموحه


وفالكم طيب انا بنزل البارت الى عقبه

بس بغيت اعطيكم خبر انه القصه هب كامله يعني

لين بارت ووقفو القصه لانه الكاتبه للحين

ماكملت كتابتها انا روحي ابا اكملها

ورمست كاتبت القصه وهي قالت بتحاول اتكمل

بس ما وعدتني وانا مارمت ااحن عليها لانه كل انسان وضروفه

وحليلها ميبي مشغوله وما اتروم بس قالت بتحاول

وانا عن نفسى اي بارت يوصلني اكيد بحطه

وانا متاخره عليكم بكم بارت يعني هي ما وقفت اهنا

السموحه الغلط منيه

وانشالله احينه بنزل البارت الثالث

(الجـــــــــــــزء الثالث)



من بعد سكـــون الليل ... بدت خيوط الشمس تتغلغل وتنثر أشعتها وتنور الأرض وبدى يوم يديد ويحمـــل في طياته أحداث ومواقف لأبطـــال قصتنـــــــــــــــا

فتحت جـــــوري عيونها على صوت المنبه وهو يرن ع الساعه 9 ... ونشت وهي متفائله بيومها واتحس ان الدنيــــــا كلها مستانسه معاها

دخلت الحمام وخذت شــــور وأول ما طلعت مسكت تيلفونها عسب تتصل اف بنت عمها غــــــلا

وتم يرن وايـــــد ومحد رد

جـــــوري اف خاطرها: ياربيييييه أكيد بعدها راقده

وشوي ويرن تيلفون جـــوري وكانت غـــــــــــلا فابتسمت جـــوري وردت

غـــــــــــــلا: صبـــــــاح الجـــــوري

جــــــــــــوري: صبـــــاح الغــــــــلا ... وينج يوم أتصلبج؟

غـــــــــــلا: ما بغيت أخسرج لوووووووووووول

جـــــــــــوري: لا والله ! العبي غيرها ... المهم متى بنظهر؟

غـــــــــــــلا: الحلوين مستعيلين

جـــــــــــــوري: أكيييييييد .... الا ما قلتيلي ... روبي بتي ويانا؟

غـــــــــــــلا: بعد يبالها سؤال أكيد بتي ... اونه مشتاقه حق جوجو

جــــــــوري: هههههههههه ما عليج منها لوتيه ... المهم اتزهبوا الحين اوكي ... وما أوصيج مب يزل لسانج جدام روبي ... تراج اتعرفينها أكثر عني ... ثواني والا الخبر منتشر في كل نواحي الامارات ويمكن فالعالم بعد! خخخخخخخخ

غـــــــــــــــلا: ههههههههههه لا توصين حريص ... يلا عيل سي يو

جــــــــــــوري: سي يو


جـــــوري وهي واقفه جدام الكبت: ياربيييـــه شو ألبس؟!

طلعتلها بدله صيفيه بيضـــه ووايد ناعمه وفيها شرايـــط بلون أزرق فاتح وظهرتلها عباه واسكارف أبيض وفيه خطوط زرقــــــا ودقت حق اليســــا من الانتر كول

اليســـــــــــا بصوت مزعج: ألووو

جــــوري افخاطرها بسم الله من صوتها وجان اتقول: اليسا تعالي الحجره بسرعه

اليســــا: جين


وكانت اليســــــــــا وعطتها الملابس عسب تكويهم وهي سارت اترتب عمرها واتجفف شعرها المبلول

جـــوري وهي واقفه مجامله المنظرة ولأول مرة اتفكر بجديه: ياربييييه معقوله اللي سويته؟

الحين انا أسير مكان واهلي ما يدرونبي؟! والمشكله مادري شو يترياني؟!

وشو بسوي اف هالشهر وانا ماعرف شي اف شغل البيت

صدق اني مخبل مثل ما اتقول غــــــلا

وتمت اتفكـــــــر وايد وعقب قالت: خلاص بتوكل على الله ... والله ما بيخيب رجاي

جففت شعرها ... وجحلت عيونها العسليات وامتزج سواد الكحل بعسل قرنيتها اللي خلى لعيونها سحر خاص

ومسكت قلم عيون لونه أزرق ومدته على طرف جفونها وكانت آيه فالجمال
ولمعت شفايفها بجلوس ولمسات خفيفه من البلاش وكانت جاهزة ... وخذت ملابسها من عند الباب واتلبست وسمعت دق ع الباب

جــــوري: منوووه؟

حــــــــــارب: الشيخ حـــارب

جــــــــوري: ويت


جان يطالعها بنظرات متفحصه: وين ماشالله من صباح الله خير؟!!!

جــــــوري وهي تلبس الصندل الابيض: بسير أتشرى حق المعسكر

حــــــارب: وكل هالكشخه عسب تتشرين؟! انا قلت يمكن غيروا نظام الاعراس وخلوهن الصبح

جــــوري وهي تتطالعه ومب عايبنها: افففف يعني أطلع وانا مبهدله؟!

حـــــــــارب: مب مبهدله بس مب جي عاد!

جـــــــوري: بالعكس انا وايد شكلي بسيط ... شوف البنات شو يسون بعمارهن؟!

حـــــــارب: وانا أشلي فيهن؟! مب ملزوم بهن! أنا ملزوم بج انتي

جـــــــــــوري: يا حروبي يا حبيبي ... عادي ... وبعدين انته يوم بتعرس أفكارك بتتغير وحرمتك بعد بتسوي شراتي وأكثر

حـــــــارب: اتهبى الا هي! ماشي ... ما تتكشخ الا حق الشيخ حارب

جــــــــوري: ياويلي عاللي يغارون من الحين

(جــوري مب وايد ملتزمه بحجابها ... وأهلها ما غصبوها بهالشي ... عطوها الحريه انها تقتنع بالشي ... وهي مع هالحريه الا انها عارفه حدودها وما تتجاوزها ... وحتى يوم تكشخ ما اتكون اوفر ... كشخه بسيطه واف نفس الوقت أنيقه ... بس لأنها كانت وايد جميله فحتى لو ما اتحط شي افويهها كانت تلفت وهالشي اللي يخلي حارب دوم يغار ولكنه يعرف انه أخته مالها ذنب)

ولبست جوري عباتها ولفت الاسكارف وشلت شنطتها البيضه وتيلفونها وقالت لحارب: يلا ببــــــــــــــأي يا حلو

حــــــــارب: ويا منووو بتسيرين؟

(سؤال غبي وهو حس بعد بهالشي .. لأنه معروف انه جوري اكيد بتسير ويا غــــــلا ... بس يمكن هو يحب يسمع اسمها .. لووووول)

جــــــــوري: أكيد ويا غـــــلا وروبي بعد

حـــــــــارب: أهااااا ... لا تتأخرون

جـــــــوري وهي مستعيله: ان شاء الله

ومشت لقسم امها وأبوها ولقتهم يالسين فالصاله: صبـــــــــــــــــــاح الخير

أبو جــــــوري وامها بصوت واحد: صبـــــــــــــــاح النــــــــــــــــــور

أبو جــــــــوري: هـــا وين من الصبــــح؟

جـــــوري: بسير أتشرى حق المعسكـــــــر

أم جــــوري: هيه .. هي البارحــه مخبرتني

أبو جــــــــوري: ويا منو بتسيرين؟

جـــــــــوري: ويا غـــلا وروبي بعــــــد

أم جــــــــوري: بس ما وصيج جـــوري لا تطولن ... من اتخلصن حايتكن اممررره على طول اتردن البيت

جـــــــــوري وهي متعوده على هالنصايح: ان شــــاء الله من عيوني

وعقب افترت على أبوها وتتطالعه

أبوهــــــا وهو يدري انها تبا بيزات: ههههههههههههههههه .... يالمصاريف!

جـــــــوري: فديتك يا أحلى بنـــــــــك

أبو جـــــوري: يلا اتدلين دربج سيري وخذي اللي يسدج

جــــوري: فدييييتك .. شكرررا وسارت طيران ع الغرفه وسحبت فلوس من التجوري

وطلعت من الغرفه وهي تعطيهم flying kiss واتقولهم: يلا باي

أبو وأم جــــوري: مع السلامه

أم جـــــــــوري: لا تسرعين ماما

جــــوري وهي ع الدري وصوتها بدى يتلاشى: اوكي اوكي

ومرت على غــــلا وروبي وساروا مول الامارات

جـــوري: أحس بنشاط فظيــــــــــــع

غـــــــــــلا: حتى أنا ... أحس يومنـــا بيكون حلـــو

روبي: جوجو انتي اتفائليني وايـــــــد ... اليوم بتتشرن حق السفر؟

جــــوري: امممممم ... أحس بعده! أنا بتشرى حق المعسكر

روبي: so coool .. يستوي تاخذيني معاج؟!

غــــــــــلا: طاع ويهج انتي! جــوري مب سايره تلعب سايره ويا الكليه

روبي: وانا بعد ما بلعب I'll support her ...!

غــــــــــلا: الله والـsupport عاد! اسكتي اسكتي

جـــوري: هههههههههههههه ... فديتج روبي ... ياليت لو أقدر آخذج بس ما يستوي

روبي: هيه والله انتي كلامج عســـل مب هاي! (تقصد غـــلا)

غــــلا وهي معصبه: وهاي مالها اســــم؟!

جــــوري: أيهــــــــاااا بس لا تتناقرون! حشى

غــــلا وهي تتحرطم: شو اللي خلاني أييب هالياهل وياي!

روبي: مب ياهل انزين! خلاص كبرت

غــــلا: صـــح واضــــح

جـــوري وهي تبا اتغير جــو السياره اللي بدى يتكهرب: يلا خل نفتح الـ FM ع الخليجيه وانشوف شو حاطين

وكانت أغنية عبدالكريم (من بين الناس)

(كنت حاطــه الرابـــط عسب اتعيشون الجــو بس حذفتــــه عقب ما دريت انه ممنوعــه الأغاني فالمنتـــــــــدى)

كلمـــاتهـــا,,,

من بين الناس حبيتك من بين النـــــــــــاس
وبكـــل احســاس اغليتك وبكــل احســاس

حبـــك جرى بدمي
نســاني كل همي
خلا حيــــــاتي غير

من بين كــل النـــاس
.
.
.


وارتبشن صدق ع الأغنيـــه ... لأنه غـــلا وجـــوري من زمان مب سامعينها ... فذكرتهن الأغنيه بمواقف وأيام حلوة

بس روبي ما عيبتها الأغنيه ... أونه مب ستايلها

روبي: أوف حطـــن ســـوا ماحب الخليجيه!

غـــــــــــلا: اييييييي! انتي مول ما عندج ذوق

وتمــن على هالحـــال الين ما وصلــن امارات مول ... ولأنه يوم الخميس ... فالباركنات كانت مزحومه نوعا ما ... بس لقولهن باركينج شيوخي على قولة جــــوري

جـــــــوري وهي مستانسه: يااااي ... حصلنا باركينج شيوخي اممرره مجابل المدخل

غـــــلا: فديتنـــا والله ... شكله اليوم صدق بيكون حلــــو

وبركنوا السيـــاره وتمن شوي فالسيــارة يضبطن الشيله والكحل وعقب نزلن واتوجهــن للمول

ولما دخلوا المول حسوا انه كل حد يطالعهن

عرب واجانب ...! استغربوا

جــــوري لغـــلا: لهالدرجـــه شكلنا ملفت كل حد يطالعنا؟!

غـــلا باستغراب: انا روحي مستغربه أحس فيني شي غلــــــط

جـــــوري: اميييي طالعي شقايل يطالعون

.
.
.


ولفن هنتيناتهن على روبي عسب يتأكدن اذا كانت وراهن ولا نسنها ف مكان وجان يشهقووووووون بصوت عالي:

روووووبي؟!!!!


.
.
.

يا ترى شو شافن؟!

والناس ليش كانوا يطالعونهم فالمول؟!

ووين كانت روبي اف هالوقت؟!

.
.
.

يتبـــــــــــــــــــــــــــع

(تـــــابــع الجــــزء الثالــث)


فالمــــــــول


غـــــــلا وهي تسحـــب روبي واتوديها الحمام: امشي فضحتينا

وجـــوري مب رايمه اتيود عمرها من الضحــــــــك: هههههههههههههههههههههه ... واي بطني ماروم أمشي اتريوووني

ولين ما وصلوا صوت الحمامات عزكم الله

هههههههههههههههههههههههه

الحبيبه روبي قبل ما ينزلون من السيـــاره وهم يالسات يضبطن عمارهن ... هي بعد اتقلد وتبا اتضبط عمرها ...

والاضـــاءه فالسيـــاه مب لين هناك ... خاصه فالباركنات حتى لو كان الصبــــح ... فشلت علبــة البلاش (احمر الخدود) وحطت منه ... ولسوء الحـــــظ حطت وايــــد واستوت شرات المهرج وهي ما تدري هههههههههههههههههههههههه ... ويوم نزلوا جـــوري وغـــلا ما انتبهولها لأنها كانت وراهم ... عسب جي كل حد يطالعهم باستغراب

غـــــــــلا لروبي: الله يبحصج ههههههههههههه شوفي شكلج ... شو مسويه بعمرج؟! حسبي الله عليج

روبي وهي معصبـــه: أنا شدرااااااني كلتوووووني وشوي يوم اتشوف عمرها تنقع ضحـــــــــــــــــك

ونقعوا كلهم من الضحــــــــــــــك: ههههههههههههههههههههههههههههههههه

ويت غـــــلا ومسكت روبي وسحبتها وغسلت ويهها وروبي اتقاوم: اتريي يا متوحشــــه أنا روحي بنظفه

غـــــــلا: بعدني بترياااج اتنظفينه واتهببين شي ثاني؟!!

وجــــوري صدق ميته ضحـــــــــك وعيونها تدمع من الموقف

جــــوري لغــــلا: هزرج بيتذكرونا؟!

غـــــــــــــلا: ماشي الا نحبس هالسلعوه فالحمام وعقب ما انخلص انمر ناخذها ... حسبي الله على ابليسها فشلتنا ... حتى عيال الحمرا اتضحكوا علينــــــــا وأنا أتحراهم منبهرين اف جمالنا الفتان

جـــوري وهي خلاص مب رايمه اتيود عمرها: ههههههههههههههههههه حتى انا اتحريتهم وايد معجبين خخخخخخخخخخخخخ

روبي وعقب ما نشفت ويهها تمت تتطالعهم وجنها مب مسويه شي ولا جنها ساس المشكله كلها: يلا ما تبون اتسوون shopping ؟

وخطفت تتجدمهن

جــــوري وغــــلا يطالعن بعــــض وبصوت واحد وهم يلحقنها: طاع هاي؟!!!

وعقب تموا يلفلفون فالمحــــلات

روبي خذتلها كمن بدله حــق السفـــر طبعــا على استايلها الغريب وخذت حق ود وورد شراتها عسب يطقمن فالسفـــر

غــــلا وهي تتطنز على روبي: الحين تتحرينهن بيلبسن نفس لبسج العنقاش؟

روبي بكل ثقـــه: أكيــــــد ... هذا ستايلنا

جـــــوري وهي اتراوي غــــلا جاكيت طويـــل أحمر: شووووو رايـــج اف هذا؟ رهيب صـــح؟

غــــلا: وااااااااااااو عجييييييب

وكانت تبا تاخذ نفسه عسب يطقمن ... بس للأسف كان باقي واحد بس وخذته جــــوري

بس هم خذوا وايـــد أشيـــاء روعه يرومون يطقمون ابها فالسفـــــــــــــر

جـــــــوري: آآآآخ تعبت

غـــــــلا: حتى أنا

روبي: بس أنا بعدني ما تعبت

غـــــلا: ينيه ما تنلامين!

جــــوري: أنا اللي خذته كله حق السفــر ونسيت المعسكر!

غــــــــلا: شوفي انتي ما بتحتايين وايـــد لبس حق المعسكـــر لأنج مب سايره هناك تكشخين! وتعرضين أزيـــاء واظن فاهمه قصدي

روبي وهي ما تدري عن شي: لا بالعكـــس .. أصلا هاي فرصتها عسب تكشخ وتلبس لبس معسكرات وكشاااافه ... ياااي ... قومي جـــوري بنقيلج لبس على ذوقي

غــــــــــلا: اووف انتي اسكتي ما يخصج! من حلات ذوقج الحين

جـــــــــوري: هههههههههههههههههه .... شكـــرا روبي

روبي: والله كيفكــــم كنت أبا أعرض عليكم مساعداتي ترى مب كل يوم انا available !

غــــــــــــلا: طاع هاي! مصدقه ويهها ... الله لاييب اليوم اللي نحتاجلج فيه

جــــــــــــوري: اففف بسكم ...! يلا بنسير كمن محـــل باخذلي بيجامات وجينزات وكمن بدي وعقب خلاص بنرد

روبي وغـــــــــــلا: أوكيك

وتموا يفترووووون وما خلوا شي الا وخذوه

كانت الســــاعه 1 الظهــــــــــر

جـــــــوري: ما صلينا؟!

غـــــــــــــلا: يلا بنسير المسيد بنصلي

وســـاروا يصلون ومن عقبها طلعوا من المـــــــــــول

وشوي والا يــرن تيلفون روبي وكانت ود متصله

ود: رووووووبي

روبي: ودووووه

ود: انتي وينج؟!

روبي: انا فالدرب راده البيت من امارات مول

ود قالت حق روبي انه ابوها اللي هو عمهم مايــد عازمنهن ع الغـــدى وعقب ع السينمــــــــــا

رووووبي: ياااااااااااااي .. بس ويت بخبرهن

وخبرتهن روبي عن الطلعه ومع انه جــوري وغـــلا كانن تعبانات الا انهن ما بيفوتن طلعــه حلوة ويا عمهن مايــــــــــــد .... لأنهن يموتن فيه

روبي: خلاص اوكي ودوووه

ورد: أنا ورد ودووووه روحت ... المهم كونن جاهزات ع الساعه 2 ونص بنكون عندكن
(نكته هالتوأم دومهمن يتبادلن الأدوار .. لأنهن يتشابهن اف كل شي حتى فالصـــوت ما عدا انه ورد شوي خجوله وود مشاغبه وجريئــه .. بس يوم هن ساكتات ما ينعرفن مووووول)

روبي: اوكي ... تعالولنا اف بيت عمي ســـــالم بنكون هنـــاك (يعني اف بيت جوري)

ورد: اوكي سي يو

روبي: سي يو

(للتوضيـــح: أبو خليفـــه اسمه سعـــود وهو الأخو العــود وعقبه ايي أبو جــوري أو بو حـــامد مثل ما يسمونه واسمه ســـالم وعقبـــه اليـــازي وعمرها 40 ومتزوجـــه وعايشــه برع مع ريلها لأنه سفير وعندها 4 عيال (ولدين وبنتين) وما يردون البــلاد الا فالمناسبـــات والاعيـــــاد بس دومهم على اتصــال باهلهم وآخر العنقـــود مايــــد ومثل ما ذكرنا عمره 37 وعنده التوأم الشقي ود وورد)

ووصلوا البيـــــت

الباركنـــات كانت فاضيــــه الا من سيـــارة جـــــوري وسيـــارة حــــامد اللي دوم موجوده بحكـــم سفره

جــــوري وهي تطلع من السيــاره بتعب: أحس اني منهده مالي خلق لشي!

غــــــلا: اففف حتى أنا

جــــوري: طالعي! البيت مهجور كل حد طالع مافي حد الا نحن وسيارة حـــامد فديتـــــه

وجان اتسير صوب موتــر اخوهـــــا وتمت تتأمله : فديييييتك حمووودي .. اتولهت عليك متى بترد؟!
وتمت تتذكــر يوم حـــامد قبل كمن شهر بغى ياخذله سيــارة يديده وتم يشاورها وياخذ رايهـــــــا وطبعــا جوري على طول نطت وقالتله: خذلك رنــج سبورت بلييييييز

جان يضحــــك حــامد: هههههههههههههه وانتي بلاج مشتطه؟! انا اللي بسوقها ولا انتي؟!

جــــــوري: احم احم ... انته بتسوقها بس أكيد بتحوطني فيها

حـــامد: فااالج طيب ... وباخذها الرنج بس لعيونج ...

جـــــــوري: فدييييتك .. بس خذها بيضــــــا عسب تطلع رهيبـــــــــه

حــــــامد: اممممم بيضــا بيضــــا ليش لأ

وطلع السيـــاره من الوكاله وفعـــلا كانت رهيبـــــــه بس ما اتهنى فيها وايـــد ... طلعتله هالدوره وسافر

وتمت جـــوري مغمضه عيونها وهي تتخيل هالموقف وغـــلا اترمسها وهي مب حاســــه

غـــــــــــلا وهي اتحرك ايديها جدام جـــوري: حــــــــــوووووه !

جـــوري وتوها انتبهت: هاااااااا

غــــــــــلا: تو الناس! وينج ... قومي خل اندش ... بسج سرحاااان! حرقتنــا الشمس

جـــــــــوري: اففففف يا هادمة اللذات يلا انزين

ودشوا الفيـــــــلا وركبوا فوق صوب قســـــــم جــــــــــوري

طبعـــــــا تتسائلون وينهــا روبي؟؟!

ههههههههههههه الحبيبه اتجدمتهم وسارت وبدلت (ماخذه راحتها هههههههههههه)

يوم وصلوا الصاله الفوقانيه شافوا روبي منسدحه ع بطنها وتاكل جبس (جيتوس الحـــار) يمي يمي ومجابله التيلفزيون

غـــــــــلا: طاع هاي! وين تتحرين عمرج! اف هاواي! يمكن حـــارب يطلع ويشوفج جي! ما تستحييين!

روبي: اففففففف ترى سيارة حـــارب مب موجوده! من وين بيطلع يعني من الفانوس السحري؟! وبعدين عادي بيت عمي شو المشكله؟

جـــــوري وهي تتطالع غـــلا: ههههههههههه صدقها بيت عمها وفعلا طلعت ذكيه حروووبي محد فالبيت يعني عادي .... وبعدين اللي يقول يعني روبي تتحجب جدام حارب خخخخخخخخخخ

غـــــــــلا: خخخخخخخخ أدريبها فاصخه الحيـــــا ... بس عاد مب جي لابسه شورت ومستانسه على عمرها

ودشوا جـــوري وغـــــلا الحجره وطلعت غـــلا راسها من الباب وقالت لروبي: يلا نشي اتلبسي بنطلع ويا عمي مــــايد ولا يمكن هونتي .. ترى أحسن

نطت روبي: اووبس! هيه صــــح

وتمت تتحرطم: اف أحلامج أهون!

وسارت اتبدل

وبدلوا ملابسهـــم ونزلوا تحـــت يتريون عمهـــــم مايــــد

روبي: يااااي وناااسه بيتكم فاضي مافيه حـــــد

جــــوري: هيه أشوفهم! شكلهم ما صدقوا أطلع من هنيه وهم يشردون

غــــلا وهي اتغايض جوري : بسهم ارحميهم! يبون يرتاحون منج

جـــوري وهي فاجه عيونها وهاي أحلى حركه اتسويها اتبينها طفوليه: يرتاحون مني أنا؟!!! لا والله

غــــــلا: هيه انتي! خل يتنفسون ...

جـــوري وهي مفوله على بنت عمها: ثرني يالسه ع جبودهم وانا مادري؟!

غــــــــلا وهي مستانسه انها غايضت جــوري لأنه دوم جــوري اتغايضبها: يمكن اشدراج

وصدق فولت جـــوري ع غـــلا وعرفت انها تبا تحرق أعصابها ونشت تربــع وراها وغــــلا اتصررررخ: آآآآي الحقوووني والله أسولف والله سوري

وجوري تلحقها وهي اتفر عليها المخدات الصغيره مال اليلسه: الحين سوري هااااا؟! من الصبـــــح اتغايضيبي

وتموا جي وجان اتي روبي وتلحقهم واتفرهم بالمخدات وهي ما تدري شو السالفه بس حشرن مع الناس عيـــد ههههههههههههههه

واعتفس البيت فوق تحت ... المخدات اف صوب والعبي اف والكشه اف صوب ههههه وهم بعدهم ما تعبوا ونسوا السالفه الأصليه وتموا بس يتحاذفون بالمخدات وحشرتهم واصله آخر الدنيـــــــا واليســـا اتيهم وعلى ويهها صدمـــــه جنه الا حد ماكل حلالها: شنووووو هاااادااااا؟!!!!

كلش كلش كرااااب أنا يسوي تنديييف (اونه خربتن كل شي وانا منظفتنه خخخخخ ... على فكره .. تراها خراطه ... البشاكير الثانيين مرتبين مب هي ... بس هي مشرفه عليهم خخخخخ)


يوم شافنها مفوله شوي صخـــن وعقب تمن يتطالعن بعـــض وفجـــأه نقعــن من الضحــــــــــك: هههههههههههههههههههههههههههههه وجان يكملونها وفرن اليســـا بالمخدات وهي اتزاعج ومعصبــــه وهن مستانسات ع شكلها وجان تطلع من الصاله وهي طالعه وتتحرطم: والله أخبر ماما .. مجنون واااجد مشكل .. هادا جوجو سيم سيم باجا سقييير ( اونه جوجو مثل اليهال خخخخخخخخ)

وجـــــان ايشوفونها حـــارب وراشـــد وهم رادييين من بــرا وشكلها ينقع من الضحــــك

راشــــد لحارب: بلاها ماما تريزا معصبـــه اليوم ههههههههههههههههههه

حارب: خخخخخخخخخ علمي علمك قوم خل انسير انطفربها

(راشـــد دوم يسمي اليســـا ماما تريزا لأنها مسويه عمرها مسؤوله عن كل شي .. وفعلا هي مسؤوله عن كل شي ... وهي تتأمر ع البشاكير يعني رئيسة الخدم ... وهم فالبيت وايد متعودين عليها .. وصــح انها وايــد تتحرطم عليهم الا انها اتموت فيهــــم وما تبــا اتودرهم ... وكل مرة اتسافر واترد عندهم مرة ثانيه ... وأم جــوري وابوها وايد يحترمونها ... وعادي يهزبون جـــوري يوم اتطفربها هههههههههههههههه .. لأنها مهما كان كبيره فالســـن وعشرة عمر وياهم)

راشـــد: يلا غايتـــــــه

وساروا عندها

وقبل لا يرمســـون هي رمست: هروب (يعني حــروب) سير جوف هزا جوجو وقلا وهزا سقييير روبي كلش كلش مافي respect أنا وكلش كربان ... وانا يسوي ترتيب

راشـــد وحـــارب فيهم ضحكــه بس ميودين عمارهم وقالولها انهم بيسيرون يهزبونهن

وقربوا من الصاله ويسمعون حشره غريبه وصراخ زاااغوا اتحروا شي مستوي فالبنــات وربعــوا داخل الصاله بدون لا يهودون

ولا يشوفون منظهر غريييييب

كل وحده بكشتها والمخدات اف كل صوب وفجـــوا عيونهم مستغربين!

جـــوري اتيبست! ونفس الشي غـــــلا وحتى روبي! وتمن يتطالعن بعــــض ويوم انتبهن انهن بليا شيله ربعـــن فوق الدري وطاحن ع بعض ونشن وكملن دربهم ههههه ودشن الحجره وقفلن على عمارهن الباب وهن مب رايمات يتنصخن من السرعه وشافن بعض وكأنهن يشوفن بعض لأول مرة وضحكـــن ع أشكالهن ههههههههههههههههه

جــــوري: ابييييه ياويلي من حروب

غــلا وروبي: ياويلنا نحن!

تحت فالصالــه

حـــارب لراشــد: هااااييل اتخبلن!

راشــــد: طاع شو مسويات فالصاله! حسبي الله على ابليس!

حـــارب: من جيه اليسووه معصبه! بس ان ما راويتهن

وشوي ويندق الجرس الداخلي ويهـــوّد عمهم مايــــد وبناته ود وورد: هــــــود

حـــــارب وراشـــد: هــــدا اقرررب عمي مرحبــا الساع

ويتخاشمون ويا عمهم

وعمهم يتطالع الصاله ومستغرب: شو عندكم حرب؟!

حــــارب وهو مفتشل ويتطالع راشـــد .. جان راشــد يرمس: والله هالبنات مادري استخفن مادري شو ياهن

مايــــد: ع طاري البنــات وينهن ... أبا أظهرهن ... بنسير نتغدى برع وعقب بنسير السينمــــــا

حـــارب وحس انها فرصته عسب يأدب أخته وبنات عمه ع هالتصرفات المينونه: عمي اسمحلي انا مب مرخص جوري .. لأني أبغي أددبها شوي عسب هاللي مسوتنه

وراشـــــد بعد قال: وأنا بعد مب مرخص غـــــــلا ورووبي! هاييل مب ويه حد يظهرهن!

الحين بنزلهن يرتبن الصاله!

مـــــايد: أفاااا ... وانا ياي ومتعني! ... بس تدرون هههههههههههههه زين اتسوون فيهن بس شوي شوي ... تراهن مدلعات مب ويه كرااااف

حــــارب: ههههههههههههه أفا عليك عمي ... لا تواخذنــــــا .. واستانسوا فالطلعه

ود وورد: اووووووووف

راشــــد يطالع التوأم وهو رافــع حياته: الحين منوه فيكن ورد ومنو ود؟

ورد وود يطالعن بعض: ســـــــــــــر! لازم روحك تكتشف

راشــــد وهو يتطالعهن: أسميني لو أبات أتطالعكن من اليوم لي باجر بعدني ما بفرق امبينكن

حــــارب: ودوم ماشالله مطقمات فاللبس!

حـــارب لعمه: وانته ياعمي الله يهداك امسمنهن بأسمامي متقاربـــه ود وورد ..! وايد عليك يوم حذفت (الراء) خخخخخخخخخخخخخخ

عمــــــــــه: ههههههههههههه ... فديت بناتي محد يغلط عليهن لو سمحتوا!

ورد وورد: باباتي! خلاص ما نبا نطلع بدون بنات عمنـــــا مب شي!

مايــــد: أفاااااا وانا ماســـد يعني؟!

مـــايد يوجــه كلامه لعيال أخوه: زين جيه؟! خربتوا علينـــــا الطلعه؟!

راشـــــــد: ماعليه خل يتأدبون ولكم مني وعــــد بطلعه أحلى عنها ... شو قلتن؟

ود الشيطانه: يااااااااااااااااااي أحلى شي بس مب اتقص علينا؟!

راشـــــد وهو يتطالعها بنص عين: هاللحيـــه مب سادتنج؟!

ود: اشدراني بكم؟! عليكم حركاااات أحيانا

راشــــــد: أفا بس أفا وانا بوسنيـــده ... بس عيل! عرفتج انتي ودووه الشيطانه لأنه ورد هاديه

وجان تحمر ورد أكثر وانخشت ورى أبوها

مــــايد: يــلا عيــــل نسير ... يلا بناتي ... وانتوا رشود! حروب! شوي شوي ع البنــات ترى ما أرضى عليهن! مب معناته سكت عنكم يعني تستقوون عليهن؟! ياويلكم!

حـــارب: هههههههههههههه ما نلومك بو البنـــات

مايــــد وقو يطالعه بنص عين: لا والله! جني الا مب تارس عينــــــك!

حـــارب وهو يتقرب ويبوس عمه على راســـه: أفا عليك عمي .. انته الخير والبركه ههههههه

مايـــــد: ههههههههه ما يون الا بالعيــن الحمــــــرا ... يلا فداعة الله

ود وورد: باي وسلموا ع البنات

حـــارب وراشـــد: يبلــــغ

وسكروا الباب وقفلوه وتموا يتطالعون بعض بنظرات شيطانيه

حــــــــارب: واهاهاهاهاها

راشــــد: نياهاهاهاهاهاها

حــارب: الحين بنراويهن العين الحمـــرا ملعونات الصير

راشــــد: خخخخخخخخخخ جنك سبيتنا

حـــارب: هههههههههههه بدون قصــــد

وركبوا فوق متوجهين لغرفــة جــوري

.
.
.



ياترى على شــو ناوين حــارب وراشــــد؟

وشو بيكون موقف البنات يوم بيعرفن انه الطلعه ويا عمهن اتكنسلت؟

واحداث كثيره اترقبوها فالجـــزء الرابـــــــع

فالى الملتقى

.
.
.

(الجــــــــــــــزء الرابــــــــــــع)



من بعـــد ماركبــوا راشـــد وحـــارب القســـم الفوقاني

حـــــارب لراشــد: انته اترياني هنيه

راشــــد : أوكي

حـــــارب وهو يدق الباب ع غرفــة جــوري: جـــوري؟! جـــوري؟

فالحجــــــره

روبي: جـــوري الحقي أخوج يدق الباب

جـــوري: أبيييييه! اونه نحن راقدين

حــــارب من ورى الباب: ترى أسمعكن افتحي بالزين أحسنلج

جـــــوري وهي تتسحب شوي شوي: هااااا شو تبــــــا؟

حـــــارب: عمي مــأيـــــد وصــل يلا نزلن (وهو فيه ضحـــك)

جـــوري وهيه مستانسه: يلااااااا نشوا عمي مايــد وصـــل يااااااي ...

غـــــلا: عباتي تحت!

جـــــــوري: حتى عباتي

غــــلا: روبي انتي عادي تطلعين جيه! سيري ييبي عبيننا من تحت

روبي: أوكيك

وانفتح البــــاب وطلعت روبي

وجان يزخها راشـــــــــــــــد وسكر حلجها عن اتصرخ لأنه روبي من اتصرخ خلااااااص مايتم حد فالفريج ما يسمعها

روبي وهي اتقاوم: امممممم ايييه رشوووود (ويرد يسكر حلجها)

فالحجـــره

غــــــــــلا: هاي بلاها اتأخرت! أكيد سوتها ونستنا ... نذااله فيها (مايدرون انها مخطوفه خخخخخخخخخخ)

جـــــــوري: خلاص أنا بنزل وبقول حق حارب اييب عبيننا

وطلعت من الحجره ونزلت من ع الدري شوي شوي عسب تتأكد اذا راشـــد موجود ولا لأ ...

وماشافت حد فالصاله اللي تحت وكملت وشلت عباتها وعباة غـــلا وردت ركبت فوق

ودخلت الحجره: يلا غـــلا اتلبسي بسرررعه .. اتأخرنا على عمي مايـــــــــد

وظهرن من الحجره وهن مستانسات وأول ما نزلن شافن روبي تحت يالسه اتنظف وراشــــد واقف اف آخر الدري .. أول ما شافوه فكروا يردون فوق .. وتوهم يلفون والا يشوفون حارب واقف اف أخر الدري من فوق ... وتمن محكورات فالنص ههههههههههه

جــــوري: اييييه نبا نظهر!

حـــــارب: ماشي ظهره!

جــــوري: والله عمي مايـــــد بيظهرنا واتأخرنا وايــــد

حــــــارب: ههاي! خلاص اتكنسلت الطلعه! لأنكن ما تستاهلن حد يفتكر فيكن ويظهركن!

يلاااا جدامي هنتيناتكن ... أبا الصاله اترد نفس ماكانت!

غـــــلا: افففف والله حرااااام شو هاااااا ما نرووووم تعبانات

راشــــد: الحين تعبانات! يوم سويتن كل ها ماكنتن تعبانات

روبي من تحت: يلااااااا انزلن! ما بشتغل روحي!

افففف ليتني ماييت وياكن!

راشـــــد ويحمّر لها عيونه: بس يلا بلا كلام زايـــد ... مابا أسمع ولا نفس! يلا بسرعه كل وحده اتشوف شغلها

جــــوري: انزين عندنا بدل البشكــاره 3 غير اليســووووه!!!

حـــــارب: هيه صح ... وأساميهن جـــوري وغـــــلا وروبي! واليســـوه على قولتج شيختكن!

جــــــوري: حروووب!

حــــأرب: يلا بلا دلـــع ماصخ

وفعــــلا سارن غـلا وجـــوري يبدلن ملابسهن ويلبسن شي يناسب الشغـــــل

وتمن ينظفن الصاله وهن يتحرطمن وحــــارب وراشـــد ناقعين ضحــــك عليهم وكل شوي ايأشرون على مكان انه وصخ ويحتاي تنظيف

جــــوري: والله بخبر أمايه

حــــارب: خبرج عتيج! أمج ولا تدري عنج ... سايره تتغــــدا ويا سالــــم ريلها

جــــوري: براااويك انته ورشود

راشـــــد وهو حده مستانس: ما تفورين دله يا بنت العــــم!

جــــوري بتحـــدي: بنشوف!

جـــوري وهي اترمس غـــــلا: غلوووه الحقي استويت بشكاره صدق!

غــــــــــلا: جنه الله يبا يدربج من الحين على هالشغـــل!

تتحرين السالفه هينه انتي!

هاي صــاله وحده وعفستنا عفاس! وين بيت كامل!

أنا من رايي تتراجعين عن قرارج!

جــــوري: شو أتراجع ما أتراجع! خلاص الحين راحت علي! (اذا فات الفوت ما ينفع الصوت اهىء اهىء اهىء)

غــــلا وهي منقهره: الحين انتي عقب اسبوع بتستوين بشكاره! بس انا ياربيييه شو
يخصني! اففففففف

جـــوري: لازم اتحسين ابمعاناتي! وبعدين لا تغلطين! شو بشكاره! ريلج بشكار انزين!

غــــلا: هذا الصدق بعد شووووو

حــــارب: روبي خـــلاص انتي افراج تعالي يلسي!

غـــــلا: يا سلاااااام واشمعنى روبي؟!

حــــــارب: والله روبي تنظف من قبلكن .. وبعدين هي أصغر عنكــــن ... وانتن ساس البـــــلا ... ولا هالبراءه (وهو يأشر على ويهها) وين اتعرف اتسوي هالمصايب كلها؟!

غـــلا وهي خلاص واصله حدها: أمحــــق براءه!

روبي وهي مستانسه لأنهم عفوا عنها: اشتغلي اشتغلي! الله وأخيرا الله راواني فيج يوم

راشـــد وهو يضرب روبي على راسها: جب انتي! نحن بس اللي نتأمر ! لا تخليني أضمج وياهن الحين!

روبي: اففف انزييييييين

غــــلا: تستاهلين

وعقب ما خلصوا وتقريبا ردت الصاله نفس قبل

كل وحده منهن فرّت عمرها ع القنفـــــه ....

جــــــوري: آآآآآآآآآآه خلااااص انتهيت

غــــلا: أبا أرقــــــــــــــــد

جـــــــــوري: أحس اني يوعانه

غــــــــــــلا: حتى أنا

حــــــارب وهو مستانس على عمره واف نفس الوقت كاسرات خاطره بس يستاهلن: مع اني مب راضي عن مستوى الشغـــل وايـــد بس يلا مجهود تشكرن عليه

غـــــلا وجـــوري وهن معصبات وحسن انهن عطنه ويه وايد ... جان ينشن ويفرن عليه مخده وعلى طوووول ركبن فوق ودخلن قسم جــوري وقفلن الباب

حـــــارب وهو منصـــدم: مقواهن!

راشـــــــد: ههههههههههههه .... حرااااااام أحس اشتغلن شغل اليهـــد

حــــارب: ههههههههههه ... خل يتسنعن شوي

واتصــــل حـــارب اف بيتزا هت وسوالهن طلبيـــه مكافاة ع الشغـــــل اللي اشتغلنه

ويوم وصلت الطلبيه شلها وحطها عند باب قسم جـــوري ودق الباب ونزل تحت ... وعقب طلع ويا راشـــــد المسيد عسب يصلون العصـــــر ويخلصون أشغالهم

اف حجـــرة جـــوري

غــــلا يالسة اتنشف شعرها من عقب السبوح واترمس جـــوري اللي بعدها تسبح من ورى الباب: جــــوري؟

جــــوري وهي غرقانه بالماي والصابون: نعــــــــــم

غــــــــــــــلا: نعامه ترفس اللي ما يحبوننا ... توني سمعت دق ع الباب

جــــوري: لا تفجييييين لو شو ماصار!

غــــــــــــلا: بس الدق كان محترم

جـــــــــوري: لا ما عليج ...! هالبيت خدعه .. لا يغرج!

غـــــــــــلا: جوجو .. يالسه أشم ريحة مارجريتا امممممم يمي يمي

جـــــــــوري: من وين؟! الظاهر اليوع مأثر عليج!

غـــــــــــــلا: والله صدق!

وجان اتسير واتفج الباب وتتفاجأ بالبيتزا مع السلطه والبيبسي!

واتصرخ: يااااااااااااااي .. الحقي جوجو

جوجو وهي لابسه الروب وتوها طالعه من الحمام: بلاج بسم ال... (وقبل لا تكمل شافت البيتزا)

جـــوري: يا ويلي ويلاااااااه يوووووعااااااانه

غــــلا وهي اتشل البيتزا للصاله الداخليه: هزرج منو اللي يابه؟

جــــوري: علمي علمج .. بس أظن هذيل حروب ورشود ... أكيد حسوا بالذنب

وسارت جـــوري اتصلي العصــــــــــر وجففت شعرها وانتقلت للصاله ... وتمن
يتغدن ... ويتطالعن تيلفزيون ... وماحسن بعمارهن من التعب ورقدن على وضعياتهن وأشكالهن اتفطس من الضحـــــك

وصّل بوجوري أم جـــوري البيت وســار يكمل أشغاله

ويوم دخلت الصــاله حست البيت هادي ... كأنه مافيه حد

أم جـــوري: ويديه! وينهم؟! ليكون خطفوا عيالي؟!

وتوها بتركب الدري والا اتشوف اليســـا جدامها ... وكالعاده عطتها تقرير مفصــــل عن كل شي صــار

أم جــــوري: هذا كله استوى وانا محـــد؟!

اليســــا: Yes ماما

أم جـــــوري: ويه يا فضيحتيه! امشغلين غــلا وروبي!

وجوجو ما تقهر الشغـــل

يا ويلي عليكن!

وهـــذا حـــارب حاط راســه براس هالبنيـــات !!

(وتمت تتحرطم وهي تركب الدري لين ما وصلت الصاله الفوقانيه .. وجان اتشوف البلي اشتيشن شغال وروبي راقده حذاله وشكلها يضحك ويعور القلب اف نفس الوقت لأنه حجمها ضئيل شوي)

أم جـــوري وهي تتقرب من روبي وتمسح ع شعرها واتقول افخاطرها: الحين هاي الصغيرونه ويه شغــل!

وعدلتها اف رقدتها ومشت صوب غرفة جـــوري وحصلت الباب مفتوح ودشت وهي تسمــع التيلفزيون شغال ويوم سارت صوبه والا اتشوف غـــــلا منسدحه ع القنفه ورايحه اف سابع ونومه وجـــــوري نصها فوق ونصها تحت وبعد مب داريه بعمرها

وسارت وسكرت التيلفزيون وعدلت جـــوري ولحفتهن وظهرت عنهن

واتقول افخاطرها: ويه فديتهن ..الا أهزبهم رشود وحروب ... هاييل بنات ما يقهرن الشغـــــل

(ام جـــوري وايـــد حنونه ... وخاصه ع البنات ... لأنها اتعرف انهن مخلوقات رقيقه ... ومحتايات للدلع .. بينما الشباب يسدون عمارهم ... وهالشي غريب .. لأنه المتعارف عليه ان الأم اتميل للشبــاب أكثر والأبو للبنات ... بس اف هالعايله الوضع مختلف خاصه مع ام جـــوري)

ومشت أم جـــوري لين حجرتها عسب اتريــح شوي ... وأول ما دخلت شافت صورة جماعيه تجمعهم كلهم يوم كانوا اف سويســرا وبالتحديــد في جنيف قبل 3 سنين ...

وتمت تتأمل عيالها وريلها ... وتحمد ربها ان الله رزقها بزوج مـثـــل ســـالم ... وعيال ينرفع بهم الراس ...

وقالت افخاطرها: الحين اتطمنت على جواهر ... يالله اتبلغني اف حــامد وجوري وحــارب وأشوفهم مستانسين

وتمت تتأمل صورة حـــامد بجرها وأول فرحتها: يالله فديتك شكثر اشتقتلك ... يلا هانت شهر وبنيك انشالله ... عقب ما اتخلص جوجو من المعسكر

(جــــوري ما كانت اتعرف انهم بيسيرون أول شي أستراليــــا عسب يشوفون حــــامد اللي صدق اشتاقوله ... لو كانت تدري ... كانت بتطير من الوناسه ... حتى حــامد روحه مايدري ... أحسن خلوها مفاجأة)

وعلى هالأفكار حطت راسها شوي ورقــــدت


يتبـــــــــــــــع

--------------------------------------------------------------------------------

(تـــــابــــع الجــــــــزء الرابـــــــع )


وع أذان المغــرب نشـــت جــوري بكل كسل وهي كارهه عمرها واتشوف المكان مب مرتب واتذكرت انها رقدت بلا حاسيه بس استغربت: منوه لحفني؟!

يمكـــن غــــلا نشت ولحفتني ...

وسارت الحمــام تتغســل واتمسحت وطلعت وشافت روبي فالحجره جان اتدق على يبهتها مثل اللي ناسي شي: أوه! انتي وينـــج؟! نسيناج

روبي بكشتها: عند البطون تعمى العيـــون

جـــوري وهي تلوي على روبي: ويه فديت الكتاكيت يزعلون بعـــد ههههههههههههههه

روبي وما صدقت انه حد يلوي عليها وتمت لازقه اف جــوري

جــــوري وهي اتنش عن روبي : شكلج ما صدقتي هههههههههههه

روبي: خخخخخخخخخخخخخخ الصراحه لا

نشت روبي تتغسل وسارت جــوري اتوعي غـــلا عسب اتصلي ... وعقب ما خلصن من الصــــلاه طلعن فالصاله اللي فوق ودقن ع البشكــاره عسب اترتب الحجره


فالصــاله الفوقانيــه

جـــوري: بسير أتطالع ماماتي اذا يت ولا لأ ... اشتقتلها

وسارت جـــوري عند أمها ويلست شوي وياها وتمت تتشكالها وعقب ردن الصاله عند غـــلا وروبي ... وتمت أم جـــوري تاخذ بخاطرهن وتتوعد اف حارب وراشد ... ههههههه (يا ويلكم يا رشود ويا حروب!)

وعقب يا الدريول وشــل غـــلا وروبي البيت

وتمن جــــوري وأمها فالصاله اللي الفـــوق

أم جـــوري: هاا ماما ما قلتيلي شو اشتريتي اليوم؟

جـــوري بحماااس: هيه صـــح تعالي براويج (وتسحب امها من أيدها عسب اتوديها الحجره)

وتوهن بينشن عسب يدخلن حجرة جــوري جان يسمعن صــوت جــــواهر: مرحبـــــا ... أنا ييييت!

جـوري وهي اتنط صوب اختها : ياااااااااااي! ما قلتي انج بتين؟!

جـــواهر: الصراحه ماكنت مخططه ايي ... بس حميـــد اتصلوبــه من الدوام فقلت خل أييكم

ام جـــوري: هيه زين اتسوين

جــــوري وهي تسحب امها وأختها العوده: يلااااا تعالوا براويكم شو خذت اليوم

وتمت جـــوري اتراويهن الأشيـــا اللي خذتها ... وكانت ماخذه لأمها طقم فيه ساعه رجاليــه لأبوها ونسائيه لأمها ومجموعه عطور ومغلفتنهن مع بعــض بمناسبــة عيد زواجهم

جـــوري وهي تلوي على أمها: Happy Anniversarry day يا أحلى أم فالدنيـــــا

أم جـــوري: وي فدييييت روحج ...! الحين انتي سايره تتشرين لنا ولا تتشرين حق عمرج!
جـــوري: جيه انا عندي حد أغلى عنكم؟! وبعدين هذا من مصروفي ... يعني مب ماخذه هداياكم اببيزاتكم ههههههههههههههههههههه

أم جــــوري وجواهر يضحكــن على جـــوري وخفة دمها

(ترى جـــوري بعدها ما تشتغل وطبيعي مصروفها من أبوها ... فكان يضحّك انها ماخذتلهم هدايا بفلوسهم ههههههههههه)

وعقــب طلعت جـــوري بوكـــس لونـــه ذهبي وتغليفه يجنن وعطته اختها وهي اتبوسها على خدها: سوري لأني ما بكون موجوده اف عيد ميلادج

(لأنه عيد ميلاد جــواهر بيصادف 10/6 وجــوري بتكون فالمعسكر)

جـــواهر وهي متلومه: فديتج جوجو .. والله ما يحتاي .. انتي ما بتكونين موجوده ...

جــــوري: لا منو يقول؟! جيه كل يوم عيد ميلادج؟! الا مرة فالسنـــه .. بس هاااا ... خشيلي شوي من الكيك

جــواهر: ما عليج انتي ... أول ما اتردين بناخذ كيكه عوده وكليها كلها

وتمن يسولفن عن المعسكر وعن السفـــر بس بدون ذكر المكان لأنه مفاجأة وما خلن شي الا وسولفن به

وعقب ما رتبن أغراض جـــوري نزلن تحت

وفجــــأة يدق جرس البــــاب

ويدخلون بوكيــــــــــــــــــــه عوووووووود لونـــه بنفسجي فاتح مع درجات الوردي ... فعـــــلا كان البوكيـــه كبير ... طول الباب ... واف داخله علبتين .. علبه فيها طقـــم ألماس .. والعلبه الثانيه فيها قلم رجــالي فاخر مع البزم والمحفظـــه من ماركــة كارتيير

جـــــــــوري: وااااااااو Fantastic

أم جـــوري: ويه ماشالله .. محلاااااه الـــورد ... ونفس اللون اللي أحبـــــه ولفت تسأل الخدامه عن اللي يايب الورد بس ما حصلتها... وجان تاخذ البطاقه وقرتها

أمايــه الحبيبه ... أبويـــه الغالي

يوم زواج سعيـــــــد

كنت أتمنى اكون بينكـــــــم بس للأسف

لكــن قلبي وياكم

اشتقتلكم قد الجنــــــه ! << هالعباره كان دوم حامد يقولها يوم كان صغير عسب يفهم أمه ابوه انه يحبهم واااايد ... وكل حد فالعايله الحين يعرف انه هاي جملة حــامد

ابنكــم المخلص / حـــــــــــامد الـ.......


وتمت أم جـــوري تحضن البطاقه واتبوسها: ويه فديتـــــــك يا غناة أمك

حتى اف غربتك ما نسيتنا وتمت اتصيح

جـــوري وجــواهر تمن يصيحـــن ويا أمهن

وعلى هالمنظـــر دخــــل أبو جـــوري: ماشالله ورد وحاله ... (وانتبه لهن) ويه جــواهر عندنا .. يا مرحبا يا مرحبــا

وسارت جــواهر اتوايــه أبوها

أبو جـــوري: بلاه ويهج؟! (ويلتفت لهم) بلاكن؟! منووووه مصيح حرمتيه يعترف أحسنله

ومن عقب تعليقه ضحكـــوا كلهم

وخبروا بو جــوري عن هديــة حامد ... وحس بحنين لولده العـــود وسنــده فالحياة

وجان يتصلوبه ورمسوه كلهم ويوم سكــروا عنه لوى عليهم بو جـــوري وقال: فديتكـــم يا عيالي وفديتج يا أم عيالي

جـــوري: باباه شو رايــك اف ذوقي؟

بو جـــوري: ياويلي ويلاه ... أحلى ذوق فالشرق الأوســــط ... وخذ الســاعه ولبسها ... يا سلاااام صدق ازقرت

جـــوري وهي نافخه ريشها: طبعا طبعا

ويرن تيلفون جـــواهر وكان ريلها وطلعت برا عسب اترمسه وعقب ردت: يلا يا جماعه انسير الميلس اللي برا

بو جــوري وأم جــوري مستغربين ويتطالعون بعض أما جــوري المشاغبه فكانت حاسه انها مفاجأة جـــواهر وريلها لأمها وأبوها فكانت تبتسم

أم جـــوري: وين انسير يا أمييييييه؟

جـــواهر وهي تسحبهم: يوم بتوصلون بتعرفون

(كانت فلة بو حـــامد عـــوده وفخمـــه وتصميمها شوي ياي على الطراز الأسباني ... وشكله غير عن البيوت المتعارف عليهـــا ... بو جــوري طالب التصميم مخصوص من استشاري أسباني ووصى أخته اليـــازي عليه بحكــــم انها عايشــه اف أسبانيـــا وهي بعــد ذوقها لا يعلى عليـــه ... ومن وصل التصميم بدوا فالبنى ... وفعــلا كانت الفيـــلا تحفــه فنيــــه ... الاضاءات كانت موزعـــه بطريقــه جدا رائعــه على كافــة أنحـــاء البيت مما يضيف لمســه خاصه ويكون ديكور في حد ذاته ... وكان فيه مساحه واسعــــه بين الفيــلا والمدخــل الرئيسي ... واستغلوا هالمساحه أحسن استغلال وخلوها ممر مغطى بأحجار متباينة الحجم واللون مما يعطي الممر سحــر خاص وخاصه فالليل وانعكاس ضوء القمر ... أما حديقــه البيت فكانت جنـــــه وتصميمها غريب ... لأن الأرض ماكانت مستويه ... تتكون من كــــذا طابق وكل طابق كان جنــــه خضـــرا وفيه من أنواع الـــورود اللي يعجـــز الكلام عن وصفه ... وبين كل نوع ونوع ممرات مائيه واف مركــز الحديقـــــه شلال كبير وهو أساس تدفق الماي فالممرات المائيـــــه ... واتطل على هالحديقـــه صاله زجاجيــــــــه فيها حــــوض سباحـــــه وصالة أيروبيك و Body Build... طبعا الآيروبيك حق جــوري وجــواهر يوم كانت موجوده فالبيت ومازالت تستخدمها وحتى أم جـــوري ... لأنها وبالرغــم من سنها الا انها محافظــه على نظارتها ... اما صالة كمال الاجسام فكان من حق الشباب وخاصه حــــارب المهووس بجسمــــه ... وكل هالشرح عسب نوصل للميلس الخارجي الفخـــــم واللي صمم بطريقـــه جدا ارستقراطيـــه نظرا ان بو جــوري رجـــل أعمــال معروف ... وله الكثير من المعارف والزوار من كبار الشخصيــات اللي كان يستقبلهم اف هالميلس وهو نفس الميلس اللي يحمل مفاجأة جــواهر وزوجهــا حميـــــد)

المهــــم سحبت جـــواهر أمها وأبوها للميلس الخارجي

ويوم دخلوا اتفاجئوا بالمكــــان وكان حميـــد هناك يترياهم

حميـــــد وهو يتقرب منهم: كل سنه وكل حـــول انشالله (ويبوسهم على روسهم)

بو جـــوري: ما تقصــر يا ولدي فيـــك الخير

أم جــــوري: وي يعلني ماخلا منكم

(المكـــان اتحـــول لحفله حقيقيه ... وكان المتكفل بالتنظيم جــواهر وريلها بمساعدة حارب ... اللي كان يهرب العمال عسب يشتغلون ... بدون ما يكشفهم بو جـــوري أو جـــوري (وكالة الرويتر) هههههههههههه ... وحتى يوم شغّــل جــوري وغـــلا وروبي وخلاهن ينظفن الصاله ... لأنه بغى يضمن انهن يتمن فالفيـــلا عسب لا يمرن صوب الميلس ويكشفن المفاجأة هههههههههه خاصه انه العمال كانوا خلاص يشطبون ع الشغــل ... يعني لا يادبهن ولا شي! وراشد مشترك فالجريمه بعــــد ... والحمدلله ما استوت أي عزيمه اف هالفتره ولا خططهم كانت بتفشل ... و كل شي عدا على خير)

وطبعـــــا كاميرا جــوري شغاله ... لا تنسون انها طالبة الاعلام ... وكاميرتها معاها 24 ساعه

وما خلت شي ما صورته ... وخلت كل حد فيهم يقول كلمته بهالمناسبـــه السعيده

أم جــوري لجواهر: عيل اتقولينلي ريلي زاقرينه الدوام هاااا؟!

جــــواهر وهي اتحب راس امها: شسوي بعد ... ما بغيت المفاجأة تخترب

حميــــــــــد: ههههه .. أفا بس أفا ... حرمتي أنا تجذب! ما يطيـــع زينــج

واتي جــواهر وتضرب ريلها ضربه خفيفه على ظهره: والله ما بغيتنا ننكشف ويخترب علينا كل شي

جــــوري وهي اتسوي عمرها اتصيح: حروب السبال! الحين خليتنا انظف الصاله واتعبنا بس عسب ما تنكشف ... مجرررررم

حـــارب: ههههه اتعيشين وتاكلين غيرها

وساروا كلهم صوب البوفيه عسب يتعشون والسوالف تاخذهم ...

جـــوري اف خاطرها: ياويييلي ! الخميس الياي ما بكون وياهم 

صدق اني خبله

بوجــوري وجنه انتبه على بنته: ها بابا ... بلاهم الحلوين ما ياكلون؟

جـــوري بدلع: أفكــر انه الخميس الياي ما بكون وياكم

بو جــوري: ههههه خلاص مب مشكله ... بنكنسل المعسكر وتمي ويانا .. كم جــوري عندنا؟!

جــوري افخاطرها يالييت: لا بابا خلاص ... كلها شهر وبردلكم

بو جــوري وهو يبوس بنته على راسها: فديتــــج (ولوى عليها)

حـــارب وهو يكوك أمــــه على أخته: امااااايه ... شوفي بنتج! كلت عليج الجــــو

اممرررة ...! حطت ريلج تحت باطها

أم جــــوري: أنا أمها وراضيــــــه .... بسك لا تتحرش ابها ... روحها بتودرنا شهر كامل

حــــارب وهــو يتذكر المعسكر وصدق مزاجه اتعكر: اففف الحينه بتنقرش فمنووووه يوم جوري مب موجوده!

وخذ حــارب كاميرا جـــوري وتم يصورها وهي اترمس أبوها ويقول اف خاطره: فديييتج يا جوجو ... محد يسواج ... ع كثر ما تأذيني ما أصبر عنج

وعقب الحفله الروعــــــه طلعوا من الميلس ... جواهر ردت بيتها ويا ريلها ... وأم جوري وأبوها ساروا قسمهم وهم صدق مستانسين

(على فكره ... اليوم الظهر .. بو جــوري كان عازم أم جـــوري على الغـــدى اف مينــاء السلام بمناسبة عيد زواجهم الـ 32 ... عسب جي ما كانوا موجودين فالبيت الظهر يوم استوت الأحداث اللي بالي بالكم ههههههه )

وحـــارب رد ظهــر من البيت مرة ثانيـــه ... ههههه لازم يوم الخميس ... مايروم ييلس فالبيت ...

أما جـــوري فردت غرفتها وهي مستانسه واف نفس الوقت اتفكر فاللي يترياها فالايام اليايه

بدلت ملابسها ولبست بيجامتها وانخشت تحت اللحاف واستسلمت للنوم مثل الأطفـــال ونست تتصل اف منى ربيعتها عسب تتخبرها عن اللي اشترته ... وكل همها اتنام عسب اتسافر لأحلامها الورديــــــــه


وانتهى الخميــــس بكل أحداثـــه

وما بقى غير أيام معدوده وبتودع جوري أهلها عسب اتعيش أحلامها اللي راودتها سنين

يا ترى شو تحملج الأيام يا جــوري؟!

وشو المفاجآت اللي تترياج؟

.
.
.


ويا يوم الجمعـــــه ... وماكان فيه شي مميز ... جــوري كانت تستعد حق الكليه .. واتخلص الريبورتات المطلوبه منها ... وأم جـــوري كانت مسيره على أهلها ... وبو جـــوري كالعاده اف أشغاله اللي أبــدا ما اتخلــص لا اف ويكينــد ولا غيره ... وحــارب بعــد ما ظهر من البيت الا حق صــلاة اليمعــه ومن عقبهــا يلس يخلص أشغال البنـــك ع اللابتـــوب والبيت كان جــدا هادي ... وانتهى اليــــوم

ومن عقبهـــــا مر الاسبـــوع مثــل البرق ... مابين الدوامات والبيت والمشاوير اليوميـــه

ويــا يوم الأربعـــــــا وهو آخر يوم دراسي فالكليــه ويصادف 31/5 ... وكان فعـــلا يوم متعب لجـــوري وكل البنات فالكليــه من مختلف التخصصـــات ... كل وحــده فيهن اتشطب على الريبورتات ... اتضيف وتحــذف ومن هالســوالف اللي ما اتخلــص ...

ويــا وقت البريــك ع الســـاعه 2 الظهــــر

جــــوري كانت فعــــلا واصله حدها وشكلها يبين حجم الارهــاق اللي فيها .. الهالات الســودا حــول عينهــا من التعب ... وعيونها مافيها ولا نقطه كحــل ... وويهها شاحــب وحتى انها كانت لابســه سبورت عسب اتكون عمليه أكثر ...

جـــوري وهي اتطــرش آخر ريبورت بالايميل للمس: آآآآآآآه وأخيرا!

منــى كانت مخلصه قبلها بشوي: هااا خلصتي؟!

جــــوري: افففف ما بغيت والله أحس اني منتهيــــــــه ع الآخر

ومهــا خلصت؟

منــى: هيه خلصــت وسارت المسيــد اتصلي

جـــوري مثل اللي توها اتذكرت: شيت! ما صليت!
وســـارت صوب الحمامات اللي تابعــه لمبناهم واتيددت استعدادا للصـــلاه

وردت الكلاس

جـــوري: ماروم أسير المسيـــد بصلي فالكلاس

منى وبحـــركــه معاونه فرشتلها السيــاده واتوجهت جــوري لربهــا اتصلي ومن عقبها تشكره على انها سلمت المطلوب منهــا وتدعيه انها يوفقها هي وربيعاتها فاللي بيسونه

وعقــب ما خلصت ســارت عند ربيعتها منى

منى بابتسامه حنونــه كعادتها: تقبــل الله

جــــوري وردت عليها الابتســأمه: منا ومنكــم صالح الأعمـــال فديتج

ويلسن شوي يتناقشن اف موضوع سيرة العيـــن خاصه انه مابقى عليها غير يوم واحــد بس!

وشوي وانضمت لهن مهـــــا وكانت شاريتلهن من ال shop اللي فالكليــه كاكاو

وعقب ما خلصـــن قررن يسيرن عند المس ايلين عسب يتفقون على الترتيبات الأخيره

وخبرتهن المس انهن لازم يكونن بــاجر الســاعه 10 الصبـــح فالكليـــه ومن عقبهــا بيتحرك الباص جـــدا دار الزيـــــــن

وتمت اتطمنهن .. وقالتلهن انها بتكون وياهن فالرحله ... وخبرتهن انها مضبطه كل شي مع المكتب ... والمكتب حصلوا 3 من أحسن العوايــل اللي دوم يتعاملون وياهم بحيث انهن ما يتمرمطن ... وتعدي هالسالفه على خير ...

ووصتهن انه كل وحده فيهن اتشل لابتوبها واتدسه عدل ... وتكتب كل يوم ريبورت عن كل الأحداث اللي واجهتها اف يومهــــــا ... وخبرتهن انها موجوده اف أي لحظــه يحسن انهن محتايين للعون .. وعطتهن رقمهــا الخاص في حال بغــن أي مساعده ... وقالتلهن انها بتجتمع فيهن كل جمعـــه وهو يوم اجازتهن ما عــدا أول جمعــه .. عسب اتكون معاهن خطوة بخطوة واتوفرلهن الدعــم الكافي

ومن عقــب هالرمســه وهالتوجيهــات من ايلين حســن البنات براحــــــه ... واتوكلن على ربهــــــن وردن الكلاس

جــــوري وهي تتنهـــد: أحس انها ريحتني بكلامها وايــــد

منى: هيه والله .. ع كثر ماكنت أبغضها الا اني أحترمها الحيـــــن

مهــــا: الحمدلله كل شي أوكي لين الحيــــــن

جــــوري: انتن رتبتن قشاركن؟!

منى: أنا تقريبــا مخلصه

مهــــا: انا يبالي آخذلي كمن شي وعقب بسكر الشنطــــه

جـــوري: وانا بعـــــد كل شي زاهب ... بس حاسه انه بطني يعورني هههههههه

منى: هههههههههه لا تخوفيني جــوري

مهــــــــا: أتمنى انه نسكــن حذال بعــض

جــــوري: يمكــن ليش لأ .. بس حتى لو ما سكنــــا حذال بعض مب مشكله ... تيلفوناتنا ما بتنقطع طول الوقت ...

ايييه صـــح!!

لا تنســون الجراجه مال التيلفون ولا مال اللاب توب!

منى: شيييت! زين انج ذكرتينيّ!

صـــح ملابسكـــن عندي خذتلكن لبس حلـــو ههههههههههههه

جــــوري: الله يستر من اللي ماخذتنه منوووه ههههههههههههههههه

منى: انزين عادي مال مهنده ... وبعدين نحن ها بنلبسه كل جمعه يوم اوننا ظاهرين من البيت وعقب بنسير عند ايلين الفندق وبنبدل .. يعني مال كمن دقيقه

مهــــــــــا: هههههههههه أحس يضحــــــك

جـــوري: هيه صـــح يبتلكــن ال uniform ... كل وحـــده 2

منى ومهـــا: ثاااانكس

منى: ذكرينا انشله قبل نهايــة الدوام

جـــوري: أوكيـــــك

.
.
.

وانتهى الدوام بالنسبــه للبنات كلهن وسلمن على بعـــض وكل وحده اتوصي الثانيه انها ما تقطــع فالاجازة .. واللي تلوي على ربيعتها ... واللي اتصيح ... واللي حالتها حاله ... وكل وحــده ظاهره من الكلاس وهي شاله أغراضها الشخصيه وكومة فايلات لأنه الاجــازة خلاص بدت .. والكلاس لازم يفضى ... عسب يستقبل بنات يداد السمستر اليــاي ... كحال كل سنــــه دراسيـــه

فالكلاســات كأنها محطـــات تستقبل واتودع وهاي هي طبيعــــة الحيـــاة

لكــن الوضــع مختلف مع شلتنا الحلوة ,,, فبيبدى لهن دوام ثاني بــاجر ... لكن هن متحمســـات وان شــاء الله يكون حماسهن اف محلـــــه

وردن بيوتهن على أمل انهن يتلاقن باجر فالكليه

وانتهى يوم أنهى معاه رحلة دراسيــه شاقه وسمستر حافل بمواقف كثيره لكل البنات ... منها مواقف حلوة ومنها مواقف محرجـــه ... وفي منهـــا الحزينــــه

لكــن مع بدايــة الاجـــازة الصيفيه ... النكـــــد ما يكون له وجـــود ... والابتســـامه ترتسم على معظـــم الويوه .. والكل يستعــــد لصيــف حافل

وكل عـــام دراسي وانتوا بخيــــــــــر

.
.
.


ارقبـــوا الجـــــــــزء القادم


السموحه بسير ارقد احينه فمان لله وانشالله باجر من انش بحط البارت الياي

(الجـــــــــــــزء الخــــامس)

مزيـــج من المشـــــــــــــاعر.......!



مر يــوم الأربعــــــــــاء بسرعـــه ... ما بين تجهيزات جـــوري ودمـــوع أمهـــــا ... وتوصيــات أبوهـــــــا واخوهـــا حــــارب ...

العصـــر من عقب الكليــــــه مرت جــــوري ع بيت يدتهــا من أمهـــــا (يــدوه ســـلامـــه) وسلمت عليها وعلى خـــوالها اللي ما وقفوا توصيـــات وودعتهـــم وردت البيت عسب اتكمـــل تجهيزاتهــا

(اللي ما اتعرفونـــه انه أم جـــوري من هــل دبي ,,, وأبوهــا من هــل الشــارجــه ,,, وعندها يده وحــده من أمهــــا وهي يدوه ســلامـــه ,,, حرمــه طيبـــه وسوالفهــــا ما ينمـــل منهــــا وهي كبيره فالســـن ,,, فعســب جي جـــوري سارتلها لي البيت اتسلــم عليهــا احتراما لكبر سنهــــا ,,, ما بغتها اتعب عمرهــــا واتصك درب لي الشــارجــــه خـــص انها ساكنــه اف آخر دبي فالبرشـــــــا ,,, وبالصدفــه شافت خوالها الـ 4 هنـــاك متولفين فسلمت عليهــــم بالمــره ,,, أما خالتهــا الوحيــده واللي تصير ام حميــــد فهي متوفيــــه من 5 سنين بسبب المرض الخبيث وما عندهـــا غير حميـــد اللي ماخـــذ جــواهر)

ع الســــاعه 8 المســـــــــــــا ... كانت جـــوري اتسكـــر جناطهـــا ... ومن عقبهـــــا نزلت تحت واتفاجأت بعمامها الاثنين وحريمهم وعيالهم ... وأختها وريلها ... وكانوا كلهم ياييـــن عســب ييلســون وياها ويشبعــون منهـــا قبــل ما اتغيب عنهـــم شهــــر كـــامل

حتى أخوهـــا حــامد بعد اتصلبها وتم يوصيها على عمرها وسوالها جــــو شوي لأنها غصبــا عنها كانت شوي متضايقـــه ومن عقب ما اتطمــــن عليها سكــر عنهــــــا

جـــوري وهي بينهـــم كانت اتحـــس انها اتحبهـــم وايـــــد واتحــس انها فعـــلا محظوظــه بهالأهــــــــل واتقول اف خــاطرهــــــا: آآآه ... يااارب صبرني على فراقهـــم ... هـــاي أول مرة أفارق فيها أهليـــه هالمـــده كلهـــــــا وغصبـــا عنهــا دمعــت عيونهــــــا

ولاحظهـــا راشـــــد وحتى أمهـــــا اللي من شافتها جيه قامت ولوت عليهـــا وصاحت وياها وصيحت كل الحرمات (الحرمات عاد ما يصدقن حد يصيــح على طول يشغلن الونان وهات يا صيـــاح لوول)

وراشـــد قلبه انقبض من شوفتهــا جيه وتم يقول اف خاطره: آآآه لو أعرف اشفيج يا جـــوري ... أحس انج شايله هم ... وعيونج اتقول كــلام وايـــــد ... الله يصبرني على فراقـــج

كان راشـــد متأثر وايـــد لأنه جـــوري أكثر وحـــده من البنات يشوفها متفائله... دايمـــا ابتسامتها مرسومه على شفايفها ... ودايمــا متعــود على شطانتهــا اللي صدق مفتقدنها اف هاليلســــه ... فجـــوري اليــوم غير عن جــــوري اللي يعرفهــــــا ... وحــاول ينسّي عمره ... ويشل هالأفكـــار اللي تدور اف راســــه وقال: خـــل أستمتع اف هاللحظــــات وأجحل عيوني بشوفهـــــا ولاحق ع الأفكــــــار اللي ما منهـــا فايــــده!

وعقـــب سهــره ولا أروع ... قضتهــا جــــوري مع أهلهــــا ... ودعتهــم بابتســـامه حنــونــــه كأنهــا اتعبر فيهـــا عن مدى امتنانها لحضورهـــم ومدى سعادتها اف وسطهـــم وانها ما بتخيب أملهم فيهـــا ,,, وفعـــلا ,,, هـــــاي هيه جـــــــوري الحقيقيه ... اللي ما اتخلي الحــزن يسيطر عليها أكثر من مجــرد لحظـــات ... ردت لها حيويتهــــا ... ورد لهــا اشراقهـــا الدايـــم ...

فهي حست انهــــا لازم اتخــوض هالتجربــــه ,,, ولو شو ما اتكـــون ... لازم تجتازهـــــا ... هالفرص ما تتكرر ... وقالت اف خاطرها: الانســـان اللي يمتلك أهل مثل أهليه وأصدقاء مثل صديقاتي والأهــم من كل هــذا اللي يمتلك ايمــــان ويحس انه الله وياه دايمـــا ,,, يقدر يسوي وايــد أشيــاء ويتخطى كل الصعــــاب وأنا ان شـــاء الله بستمتع اف كل لحظـــه اف هالمغامرة ... وعقب ما تخلص المــده برجــــع لأحضـــان أسرتي ومن عقبهـــا ما بفارقهــم لو شو ما يصيـــر!

على هالأهـــــــــداف والأمنيـــــــــــات نامت جـــــــــــوري على سريرهــــا اللي من عقب هالليله بيفتقــدها وساعات قليلــــــه تفصلها عن تحقيق حلمهـــــا

.
.
.

لكـــــــن في عيـــون جافاها النــــوم اف هالليلــــــه وكل تفكيرها اف جــــوري

هالعيـــون الســاهره كانت عيــــون راشــــــــــــــــد ولد عمهـــــــــا ,,, اللي من انولــدت وهي اتشوفــه جدامهـــــا ,,, كبرت تحت أنظاره وصــارت من جـــوري (البطبط) مثل ما كان يسميهــا اف طفولتها لأنهــا كانت مربربــــه وفيهـــا غزوز الى لوحــه جماليــه يعجــز الخيــال عن وصفهـــا!
فبين يوم وليلــــه اتفتحــت هالــورده الجـــوريــه ,,, واتحـولت من طفلـــه الى أنثى ساحرة الجمــــال ,,, واحتفضت بمسحــه من طفولتها وهاللي يعطي نظراتها براءه ويخليك غصبـــا عنك تنشــد لها وتتطالعهـــــــا

فكــانت جـــوري مزيــج من الطفوله والغنــــج الأنثــــــوي

كان يقول اف خــاطــره: فيه وايـــد بنات حلوات ,,, وفيهن اللي يكونن صارخــات فالجمـــال ,,, لكــن مب كــل جمـــال يدش الخــاطر ويفزله القلب ,,, ولا كــل عيــون فيهــــا هالسحـــر وهالبراءه ,,, ولا كـــل شخصيـــه يجتمـــع فيها الجد والمرح والشقاوه والحب والرومانسيـــــــــه


كـــل هالمزيـــج ما اجتمع الا فيـــج يا جــــوري ,,, انتي خذتي من كل أحسن أحسنه ,,, واجتمع فيج وتزيّن واكتمل باحلى الوصوف

وتنهــــــد بعمــق وقو يقول: آآآآه يـــا جـــوري لو تدرين باللي فالخـــــــــــــاطر ,,, صـــدق عمي يوم سمــاج جــــوري ,,, اسم ع مسمى ,,, كامله والكامل الله

هالخــواطر كانت اتجـــول اف خــاطر راشـــــد وهو يتجلب في فراشــــه

واتذكـــر حزتهـــا قصيــده للشــاعر (أنــور المشيري) بعنــوان ,,,

الــــــــــــــورد


لا تقـــول انــك شبيـه الـــــــــــــــورد لا
قــول ان الــــــــورد ماخــذ من حــــلاك
انت أحـلى حتى من كلمـــــة حـــــــــــلا
انت حتى الــــــــــورد يتمنى رضــــــاك
لك تفــز الــروح واتنــادي: هـــــــــــلا
سيّـــد احســـــاسي عسى كلّي فــــــداك
هـزّ زينـــــك عــرش قلبي واعتــــــــلا
مستــواك ومنهــو يوصـــل مستــواك؟!
شـــــوق قلبٍ يحترق لجلك غـــــــــــلا
ما يهمّـــه لو يرمّـــــد من غــــــــــلاك
شــوف شخــصٍ حـبّ عينــك وابتــــلا
يمشي في دربــــك ولو دربـــك هـــلاك
لي عيـــونٍ ما تـرى غيرك مــــــــــــلا
كنّ زيــن النـاس سبحــــــــانه عطـــاك
لو تغيب! النــــور عن وجهي ســـــــلا
وانطفــــا .. لين أستمـــده من ضيــــاك

وقــال: آآآه ,,, أسميــــك ييت ع العـــوق يا أنـــور ,,, صح لســــانك ولا هنت

هــــاي كانت نظــرة راشـــد لبنت عمـــــه جـــوري اللي أكيـــد حُبها اف قلبـــه خلاها اتصير ف عيونـــه أحلى وأحلى (الحب يخلينــا انشوف اللي انحبهــم بصورة ملاك)

وتــــذكر راشــــد دموعهــــــــــا وهي اف وسطهم الليله الماضيــه وحس بألم يعتصــر قلبــه: ليتـــه فيني ولا فيــج يالغـــــلا ,,, الدمـــوع ما انخلقت لج ,,, انتي انولدتي عشــان تبتسمين وبس ,,, خلي الدمـــوع لغيرج يا فرحــة دنيـــأي

راشـــــــــــد طـــول عمـــره ويا حــــارب ولكــــــن شخصيتــــه تختلف عن حـــارب 180 درجـــه ,,, ويمكــن هالشي اللي جمعهــــم انهم غير عن بعــــض (الاختلاف يولد التجـــاذب)

اللي ما يعرفهــم يظــن انهم نسخــه طبق الأصـــــل ,,, لكــن اللي يتقرب منهـــم يشوف مــدى الفرق بين الاثنيــــن ويقــدر يميز سمــات كل شخصيــه على حـــده

ف راشــــــــد انســـان رومانسي وايــــــد واحســاسه مرهــــف ,,, صــح انه راعي ســوالف بس مب مثــل حـــارب ,,, حـــارب منطلق أكثر وفيــه استعــداد انه يعبر عن اللي افخـــاطره ويظهــر مشاعره ويمكــن لاحظتـــوا اف مواقفــه مع غــــلا أو حتى يوم يرمس عنها أو تنذكر جدامــــه ,,, فهــو ما يكبت نفســه وهاللي يخليــه مفضــوح بالنسبــه لغيره ,,, على عكــــــس راشــــــــــد اللي متولـــع بجـــوري ومحـــد يدري عنــــه حتى أقــرب النــاس له بسبب طبيعتــه الكتومــــــــــه ,,, بس اتظــل هاي شخصيتــــه وسمــه من سماتــــه

راشــــــــد اللي ما تكلمنـــا عنــه وايــــد ,,, وما اتسعت له سطــور القصـــه فالبدايــــه ,,, يــا اليوم عسب يعبر عن نفســــــه

راشـــــــد شخصيــه تستحـــق الوقوف عندهــــا فهــو يمتلك سمـــات نادر ما يمتلكها اللي اف مثـــل عمره ,,, فهـــو صبــور جـــدا وهــــادي لدرجــه اتخلي الناس ينعتونــه بالبرود ,,, بس هالشي ما يهــــزه أبـــدا ,,, فهــو عــارف نفســه من البدايــــه ,,, وواثـــق بقدراتـــــــه ومعتــد بنفســــــه ,,, بــروده هــو ستـــــار رجـــولي يميزه عن غيره ,,, فهــــو حـليـــم لأبعــد الحــــدود وحلمــه هو مصـــدر احترام النــاس له ولكـــن مثل ما يقولون دايمـــا (احــــذر الحليـــم اذا غضـــب) فيتحـــول من جبـــل الجليـــد الى بركان ثائر (الله لا اييب هاليوم ان شــاء الله)

اللي يكلـــم راشــــد ويتعمـــق اف شخصيتـــه يعطيــه أكبر عن سنـــــه ,,, فهــو أبعــد ما يكــون عن التهـــور ,,, ولازم يكــون عنده سبب للشي اللي بيســـويـــه ,,, يعني مستحيـــــل يدخــل مغامرات ما يعرف عواقبهــــــا (على عكـــس جــــوري)

سبحــــــان الله

راشــــــــد هو دايمـــــــا الملجــــأ لحـــارب ,,, فحــارب يوم يتضايج ما يلقى حــد ممكــن يفهمــه كثر راشــــد ,,, فهـــو يسمعــــه ويعطيــه الفرصــه انه يفضفض عن اللي اف خـــاطره ومن عقبهــا يوفرلــه الحلول ,,, والأهـــم من كــل هــذا فهــو صريـــح ,,, ما يتواني أبـــدا عن توبيــخ ربيعـــه في حــــال شافه يغلط ومثــل ما يقول المثــــل (صديقــك من صدَقَك لا من صدّقـــك) وانت نعـــم الصديــق يا راشـــد!

راشـــــد وحـــارب ثنائي رائــــــع يكملون بعــــض ,,, ففي نقص الأول كمال للثاني ,,, وفي نقــص الثاني كمــال للأول ,,, ثنائي المـــاء والنــــــــــار ,,, الهـــدوء والفوضى ,,, الحلم والغضب ,,, الرويّه والتهـــور

نصفـــان كلاهمـــا يكتمـــــل بالآخر

راشـــــد خريـــج جامعـــة ملبورن ,,, درس قانون وأول ما رد كانت وظيفتـــه جاهـــزة فالنيــابـــه بمنصــب يستحقــه عن جداره من بعــد سنوات الغربـــه ,,, على عكـــس حـــارب اللي فضـــل انه يكمـــل دراستــه فالبــــلاد عسب يكون قريب من أهله يعوضهــم غيــاب حــــامد المستمر كونــه طيـــــار ,,, فالتحـــق بالجامعـــه الامريكيـــه فالشارجـــــه واتخصص فالـ Banking وهذا هو يشغــل منصب كبير اف واحــد من أرقى البنـــوك على الرغــــم من صغـــر سنــــه

فكــانت هالسنوات الـ 5 اللي قضاهن راشــــد فالغربــــه هي الفتره الوحيـــده اللي ابتعـــد فيهــــا عن البـــــــــــلاد وعن صديــق عمــره حـــارب ,,, وهالخمس سنوات هي اللي حـــولت جــوري من طفلـــه الى أنثى ,,, اتفاجأ فيهــــا راشــــد وفز لها قلبــــــه يوم رد البـــــــــــــــلاد

هـــــاي كانت مشـــاعر راشـــــــــــد ,,, ولكــــن فالمقابـــل شو هي مشـــاعر جـــــوري تجــــاهـــك يا راشــــــــد؟

وهل هي حســـت بحبــــك ولا كتمـــانك حجب عنهــــــا مشــاعرك الفياضـــــه؟!

وأذن الفيـــر وراشـــــــد بعــده مجافنــه النــوم

كيف ينـــــــــام وهاي آخر ليلـــه اتضــم فيهــا هالمدينـــــه الانســـانه اللي عشقهــــا بكل احساســه!

صـــح انها اف بيت وهو بيت ,,, لكـــن اتضمهــــم مدينــــه وحــــده ,,, يشمون نفــس الهـــــوا ,,, وهاللي كـــان يصبر راشـــــــــد على بعــــد جــــوري ,,, فهـــو كل ما يتطــالع القمــــر يحس بقرب محبوبتــه ,,, ف هالقمــــر اللي ينير ليله ,,, ينير ليلها بعــــد ,,, والأرض اللي تضمه تضمهــــــــــا ,,, والهـــوا اللي يشمـــه اتشمـــه ,,, لكـــــن مب من بعــد هالليلـــه!!

مسكيــن حالك يا راشـــــــد ,,, حتى ما عنـــدك حــد اتفضفضله ,,, الله يصبرك اف هالشهـــــــــــــر

ونش راشــــــــد عسب يتمســــح ويسير المسيـــد يصلي وأول ما ظهــر من حجرتـــه شاف أبـــوه اف ويهـــه وقال: صبـــحك الله بالخير أبويــــه

الأبـــو: بالنــور والسرور ,,, بارك الله فيـــــــــك ,,, يلا خــل نلحق ع الصـــلاه

وســـاروا المسيــــد بخطوات يحفهــا الرحمــــــن وفي أجـــــواء روحــانيــــه رائعــــه ,,, قلوبهــم خاشعــه وألسنتهــم لا تكــف عن ذكــر الخــالق

وصلــوا المسيـــد وثواني ويقيــم الامام ويبدون الصـــــــــــلاه

ومن عقــب الصـــلاه يلس راشـــد يدعي ربـــه انه يصبره ويحفـــظ بنت عمـــــه واتكــــون من نصيبـــــــه وحــس براحــــــه من عقب الدعـــاء كيف ما يحس بالراحـــه وهو دعى خــالق الكـــون (اني قريب اجيب دعوة الداعي اذا دعاني) سبحــانك يارب

كان بو راشـــــد يقرى قرآن ومن عقــب ما خلص التفت حق ولده

راشــــــد لأبـــوه: تقبـــل الله

الأبـــو وابتسامة رضى ما اتفارق محيــاه: منا ومنكم صالح الأعمال يا ولدي

ونشـــوا يــردون البيت

ودخــــــــــل راشـــــــد غرفتـــه وهو يحس باحساس حلـــو واستسلم للنـــوم ... أما بو راشــــــد فســـار يتريـــق ويقرى الجريــده ومن عقبهـــا بيطلع عسب يبــاشر أشغالـــه
.
.

وهاي هي الليلــه تنقضي ,,, ويطــــل الصبـــــــــــاح على شــارقــة الجمــــال ويضيف لهــا سحرا فوق سحـــرهــــــا

وماهي الا ثـــوان ويرن المنبــــه على الســـاعه الـ 8

وبحــركــه عفويــه اتسويها جـــوري دايمـــا ,,, مدت ايدها وسكرت المنبــــه وردت اتكمـــل أحلامهــــــا بعمـــق ونست انها لازم اتنش لأنه في حلم لازم يتحقق بس مب فالرقــاد ,,, حلـــم انولــد اف أرض الواقـــع

فالصــاله الفوقانيــــه

كانت أم جــــوري واعيــــه على غير العــاده ,,, من صلت الفير ماياها رقـــاد وهي اتفكــر اف جـــــوري وتمت تدعي ربهــــا انه يحفـــــظ لها بنتها الصغيره ويردهــــا بالســـلامـــــه ,,, وعقب نشت اتشــوف بنتهــــا

وتمت اتــدق البـــاب وجـــوري خبر خير ,,, ماشي رد ,,, لأنهــا رقــدت اف وقت متأخر وهي اتفكـــر اف مليــون فكــره

وأصـــلا جـــوري رقادهــا ثجيـــل ,,, فما بالكم انها راقده اف وقت متأخر والبارحــه كان صدق يوم حــافل بالنسبــه لها ,,, فكــانت مب حاســه بالدنيـــا

وعلى صـــوت أم جـــوري وهي اتوعي بنتها الكسولـــه ,,, ظهــر حــارب من قسمــه وهو لابس وزار وفانيله: بسم الله بلاج أمايه؟!

أم جـــوري: أختـــك مب طايعــه اتنش واتأخر الوقت

حــارب: ما عليـــج انتي سيري ,,, أنا بوعيهـــــا

وفعــــلا ,,, ثواني وجـــوري فاتحـــه البــاب وشكلها يكســـر الخــاطر ,,, شعرهـــا نصــه عويههـــا وبيجامتهــــا مجلوبــه هههههههه (شكلها داشــه مصارعه وهي راقده) وتتطالعه بنظرات بريئـــــه

حـــارب وهو متلوم فيهــا: صبـــاح الخير يالــورد

جـــوري وتوها مستوعبــــه انه الصبــح ووو تمت اتجلب اف مخهـــا وفجــأه اتذكرت المعسكـــر!

وبحركــه سريعــه دشت الحجره وسكــرت البــاب بقــو ع ويــه حـــارب المسكين بدون حتى ما اتصبّـــــح عليه!

(هههههههههه ,, خيرن تفعـــل ,, شرّن تلقى)

وحــارب واقف مكانه مستغرب منها ,,, توها تتدلع وتتطالعه وفجــــأه نطت,,, سكنهــم في مســاكنهم! لا شكلها البنيه صدق استخفــت وتوه بيلف الا ويشــوفها ردت تفتـــح باب حجرتهــــــا بحركــه سريعـــــه وجان اتفر عليه ملابسهـــــا وبصوت كله ترجي: حرووبي ,,, بليييز بسرعه خل البشكاره تكويلي ملابسي! اتأخرت

أنا بسير آخذ شــــور وانته بعــد اتلبس ,,, يلا بلاك واقف؟!

ودشت حجرتها مرة ثانيه

(حــارب هو اللي كان بيوصــل جــوري الكليـــه ,,, لأنها طبعــا ما بتسير بسيارتهــــا وهي بتغيب هالمــده كلهـــا)

وتــوه حــارب يستــوعب هالكـــم الهايــل من الأوامـــر اللي أطلقتها جـــوري اف لمح البصــر وســار يزقر البشكــأره ومن عقبهــا دش ياخذ شــور ويتلبس عسب يوصــل ست الحســن والجمـــال عن تتأخر وتستوي سالفـــــه

وجـــوري كانت صدق مرتبشـــــــــه ومب عارفه بشو تبدى ,,, وقررت اتدش تاخذ شــور سريـــع وأثناء الشـــور بتفكــر

(صدق يوله هالبنت ,,, كله متحمســه وبس!)

.
.
.


يتبـــــــــــــــــــــــــــــع

(تـــابــــــع الجــــزء الخــــامس)


اف هالأثنــــــــــــاء

كانت غـــــلا فالسيـــارة ويا راشـــــد متوجهين صوب دار الخــــل ,,, أقصـــد صوب بيت عمهــــم على حسب أوامر الأخت غــــلا ,,, لأنها تبــا اتودع جــــوري واتكون وياها لي آخر لحظــــــه ,,, وطبعــا راشـــد ماصدق خبر وعلى طول نفذ لها اللي تبــاه عسب يجحل عينـــه اف غناتـــه قبل لا اتودرهم ونسى انه مب راقـــــد الا من عقب صــلاة الفير ,,, بس عشـــان عين تكرم ألف عيــن!


فالطرف الثاني

جــــــوري مرتبشـــــه من الخــاطر

كل شـــوي حد يدقلها

مره منــى ومرة مهــــــا واتسكــر عن مهـــا اترد منى اتدق وهي مب عارفــه شو اتســوي ابعمرهــــــا ,,, بس آخر شي انفجرت فيهن وقالتلهن: بس خلاص محد يتصلبي! يوم بخلص روحي بدقلكن وسكــرت عنهن!

واتقــول افخاطرها: حشرني! ماين الا بالعيــن الحمره

وبدت اتنظم أفكـــارها

ولبست بنطلون جينز مع توب أســـود وحطت ميك أب وايـــد خفيف ورفعــت شعرهــا بكليب أســـود ناعـــم وبطبيعة شعرها الناعم نزلن كمن خصله من الكليب وانسدلن على ويهها وكانت قمــه فالنعـــومــــه

تمت اف نص الحجــره اتفكـــر (الحين هذا وقتــه يا جــوري ,,, يلا بســج اتأخرتي)

وانتبهت على عمرهــــا وقالت اف خاطرها: ياربيــه شبلاني اليوم؟! احس اني مب صاحيــــه

اتعطرت واتذكرت ان عباتها عند البشكــــاره ما يابتهــــا

فظهرت من الحجــره ودقت ع الانتركول بس للأسف محد رد ,,, فاضطرت تنزل تحت واتيب عباتها وهي تتحرطم: ياربييييه يا اليســوه؟! ألاقيها من وين ولا من وين؟!!

وهي نازله ما انتبهت لغــــلا وراشــــد اللي يالسين تحت وكملت دربها لغرفــة الكــوي

وراشـــــد فاج ثمــــه وغــــلا قالت: أبيـــه بنت عمي استخفت حتى ما شافتنـــا!

وراشـــد سوى عمره مب مهتــــم بس دقات قلبه طبــول ويقول اف خاطره: أسميج ناويه عليه يا بنت العـــم ,,, كم بعيش انا ,,, ليتني ما طاوعت غـــــلا ,,, الحين عقب ما شفتها كيف بفارقها؟

وجـــان يرمس غــــــلا وهو يتصنــع البرود: الحين مزعزعتنا من صبــاح الله خير ,,, وداشين ع الناس جذه

غـــلا تتطالعه وهي مستنكره: أي نــاس؟!

أيــه رشــــود (واتحط ايدها على يبهته) انته صــاحي؟!

ها بيت عمي ســالم اذا كنت ناسي!

ومن شـــوي حرمــة عمي كانت عندنـــــا وشافتنـــا واستانست!

بلاك استخفيت؟!

راشـــــد: خلاص انزين! ما تسوى عليه هالجمله كلتيني بقشوري

وف هاللحظـــه جــوري كانت طالعــه من غرفــة الكوي ولابســه عباتها وحاطه شيلتها على جتفهــــــــا وتوها بتركب الدري والا اتلف واتشوف بنت عمها

جـــان عيونها تدمـــع وهي اتسير صوب بنت عمها: غلوووووووووه

(ويلوون ع بعــض شرات السيلانيـــات هههههههههههه)

ومن فرحتهــا بغــــلا حتى ما انتبهت لراشــــــــــد اللي كــان فيه حفوز مب طبيعي ومب عارف وين يشل بعمره ,,, يعرف انه وجوده غلــط لأن جــوري كاشفــه عن شعرهـــا واف نفــس الوقت ريوله مب مطاوعتنــه انه يودر المكــان وجـــوري موجوده فيه ,,, وتم منزل راســـه عسب يمنــع نفســه يشوفهـــا ويسترق النظرات غصبــا عنـــه ,,, هو نفســه ما يرضى عليهــــــا بس يحبها ياناس ومب قادر يتحمـــــل أكثر!

وتوهـــا جـــوري اتفيجت تسأل غــــلا اللي هي الثانيـــه مب داريـــه عن شي ونست أخوها المسكين: ما قلتيلي غـــلا ويا منوه يايـــه؟!

وتوهــــا غــــلا تتذكر: ويييييييي جــــوري لبسي شيلتـــج راشـــــــــــد وراج (ههههه لا والله تو الناس! )

وراشـــد كان يبا يصفعهــــــا لأنها خربت عليه هاللحظــات الحلــوة والنادره وهو يتأمل هالمخلوقه اللي سرقت روحـــه منــــه!

جـــــوري لفت بسرعـــه واتشوف راشــــد بنظرات ذعــــر وجــان تشرد للصاله الثانيــــه وعدلت شيلتهـــــا وغـــلا وياها وعقب ردت للصـــاله اللي فيهـــا راشـــــد

واتجدمت منــه بكــل هدوء ولا جنها توها كانت مثل المخبــل جدامه: صبـــاح الخير رشــــود

راشـــــد اف خاطره ياويلي حالي رشــود بعـــــد: صبــــاح الجــــــوري ,,, هاااا شو هباتـــج؟!

(جـــوري متعوده اتسمي راشـــد رشـــود مثل ما اتقول حق حـــارب حروب ,,, بس اليوم راشـــد مب طبيعي ,,, يسمع منها كل حرف كأنه يسمعه لأول مرة)

جــــوري بعــد تفكير: اممممممم مادري والله ,,, مستانسه ومب مستانسه ,,, بس يلا شي يديد

وعقب لفت ع الســاعه وكانت 9 وربـــــع وجان تشهـــق: أبيييييه ماشي وقت خـــل الحــــق وسحبت غـــلا وياها عسب تركب فوق وهي اتقـــول: عن اذنــك راشــــد

راشــــــد: أفــــا عليــــج

وتـــم يالس وهو سرحـــان شوي ويلعب اف تيلفونـــــه وجــان ينزل حـــارب اف هاللحظــــه: له له له ,,, شو هالصبـــــح الحلــو من أوله؟! بوسنيــــده اف بيتنــــا؟!

راشــــد وهو مستانس من ترحيب ولد عمــــه كأنه يتريــا حد يرفــع من معنوياته شوي: هههههههه هـــــلا وغــــلا بــو فــــلاح ,,, هاي غـــلا الله يهداها موعتني من الصبـــح أونهــا تبا اتكــون ويا جـــوري فاللحظــات الأخيره لوووول

وحـــارب يلتفت لا اراديـــا وكأنه يدور غـــلا: عيـــل وينهـــــا؟

راشـــد فوق عند أختــــــك أظن فالحجره يرتبن الأغراض

حــــارب: هاي بعدها؟! تراها اتأخرت وبيروحون عنهــــا!

وعلى هالرمســــــه كانت اليســـا نازله من الدري وهي شالــه شنطـــة جــــوري ووراها البشكــاره الثانيه كوكي وشاله شنطه ثانيــــه ومن عقبهن نزلن غــــلا وجـــوري وأم جــــوري وأبوهــــــــــــا

ونش راشــــد يسلم على عمـــــــــه: صبحـــك الله بالخير عمي

بو حـــامد: صبحــك الله بالنور والســرور ولـــدي ,,, شكلها غــــــلا ما خلتك ترقـــد واليــــوم اجازتــــك

راشــــد: لا أفا عليـــك عمي ,,, كم جــــوري عندنــــــا (قالها بكــل تلقائيـــه)

ابتسمله بوحـــامد وحتى أم حـــامد وكانوا يشوفونه بفخـــــر ,,, فعــلا راشــــد ريـــال ولا كــل الرياييل

بوحــــــــامد: ما تقصــر يا ولدي فيـــــك الخير

أم حــــــامد: ترى راشــــد ولدنــــا وهذا بيتــه متى ما بغى ايينـــا حياه الله

استحى راشـــد من حرمــة عمـــه اللي يعزها شرات أمــه وماقد شاف منها الا كـــل خير

حـــــارب وهو يدق راشـــد ع أيــده: طبعـــا انتـــه مستانس؟! منـــو قدك؟ الشــواب راضييين عنـــــك

أم حـــــــامد: خل ولد عمـــــك اف حالــــه لا تطفربــــه

جـــوري وهي متملله: بتمــون وايـــد على هالحـــال ,,, تراني اتأخرت!

حروبي!

مادريتبـــك هالكثر مذلـــه؟!

كـــــــــل ها عسب طلبت منـــك اتوصلني؟

حــــارب: طاع هـــأي! أولا انتي ما طلبتي أوصلـــج! أنـــا اللي قلتلـــج ,,, وثانيـــا وهو الأهـــــم ,,, أنا متزهب من زمـــان وانتي داقــه سوالف ويا بنت عمـــــــج

جــــــوري وهي تتهرب كالعاده وما تبــا تعترف انها الغلطانه: انزين عيـــل يلا سرينــــــــا

جــــوري: هيه صــــــح ,,, غــــــــلا بتي وياي لين الكليـــــه

حــــــارب: فالكــن طيب يلا جدامي!

وشوي ويتذكـــر انه بينزل جـــوري وبيتم روحـــه فالسيـــاره ويا غـــــلا وحس انه شكلهم بيكون غلـــــــط واف نفس الوقت حسها فرصــه نازلتنله من السمــــــا

وجنــــه راشـــــــد قرى أفكــــاره وحب يتدارك الموضوع: خـــلاص عيــل أنا بعـــد بيي

واتطالعــه حـــارب بنظرة ماعرفها راشـــد اذا كانت نظــرة امتنان ولا امتعاض بس اف كل الأحـــوال طنش حـــارب وكل تفكيره منحصر اف شي واحــــد بس هو انه بيتم ويا جــــوري لآخر لحظــــــه وخطف يتجدمهم لسيــارتــــه البورش كايين الســـودا وفتح الدبـــــه عسب يحطون فيهن أغراض جــــوري

بو حــــامد وأم حـــامد مشــوا لين الكراجات عسب يوصلون جـــوري وهم يوصونها على عمرهـــا وكل شوي يسئلونها اذا نست شي ولا لأ ,,, وحرّصـــوا عليهــا أول ما توصـــل اتدقلهم اتطمنهم ,,, وهي اتهــــز راسهـــا اشــــاره على انهـــا موافقه على كلامهـــــم

وسلموا عليهـــــــا ودمعت عيون جـــوري لأنهـــا اتأثرت يوم شافت امها اتصيــــح ولوت عليها وعقب لوت على أبوها حبيبها ,,, واليســـا بعــــد كانت واقفه وياهم واتصيــــح ,,, (تراها عادّه عمرها من العايلــه الكريمــه هههههه) ولوت على جـــوري وقالتها ما اتسوي مشـــاكل فالمعسكـــر هههههه وضحكــت جــوري على كلامهـــا وحست لحظتها انها بتشتــاق حتى لأليســــــا اللي دوم تتناقر وياها ,,, وعقب ركبت ورى أخوهــــا حـــارب واتحركت السيـــاره وابتعـــدت عن حــــدود البيت وهي شاله روح البيت معاها ,,, جــو السيـــاره كان يعمه الهــــدوء ,,, كانت جـــوري اتمش دموعهــــــا ,,, وكان راشـــد يراقبهـــا من المنظره بدون ما اتحـــس

(اتعمـــد راشـــد يوصلهــم بسيــارتـــه ,,, عسب يشـــم ريحتهـــا فيها ويتــم يتذكرهــــا وحلف ما يغســـل السيـــاره شهـــر كامـــل عسب اتم آثار حبيبتــــه عالقــه فيهــــا ولا حتى بيخلي حــد ييلس المكـــان اللي يلست فيه جــــوري)

حتى حــــارب اللي دومه يستهبــــل كان هـــادي هالمرة على غير عوايــــده وسرحـــان يطالع الشـــــارع ,,, وحس لحظتها راشـــد كيف حـــارب متعلق بختــــه واستانس من هالشي ,,, فهي تستاهل انه الكـــون كلــه يحبهـــا ولكنــه بعــد يغـــار ,,, يباها حقــه وبس! (هههههه هاي هي أنانيــة الحب)

كانت الســاعه 10 الا ثلث ,,, وتيلفون جـــوري ما سكت مول ,,, كل شـــوي حد يتصلبها ويسألها وينهــــا وهاللي خلاها تتنرفز بزيــاده وكرهت عمرها فاللحظــه اللي فكـــرت فيها اف هالخطـــــــــــــه المينونــــــــــه!

راشــــــــد حس بهالتوتر فحب يغير مزاجهــــا ويضيف جـــو ثاني ع السيـــأره وهاي فرصتــــه يمكن اتحس فيه ,,, فدوّر فالـــدرج وظهر سي دي منوعــات هو مســونــه ومختــــار أكثر الأغاني اللي يحبهــــــــــــــــا ,,, وشغـــــــل السي دي على أغنيــــة ,,,


(أوعـــدني) للفنـــان عـــادل محمــــــــــــود ,,, وبدى لحــن الأغنيـــــه يمــلى أجـــواء السيـــاره ويكســر جدار الصمت ,,, وبعدهـــا بدت كلمـــات الأغنيـــه تتغلغل لمسامعهم وتحرك أحاسيسهــــم ,,,

وسرحوا كل اللي فالسيـــاره بكلمــات الأغنيــــه اللي اتشــــد أي شخـــــص ,,,

أوعـــــــدني عني ما تغيب
تبقى هنـــــــــا جنبي قريب
محتـــــــــاج أنا مثلك حبيب
يفهــــم عيوني وضحكتي <<< (عنــد هالمقطــــع بالذات ,,, رفعــت جـــوري راسهــــا بحركــه تلقائيـــه والتقت عيونهـــا بعيون راشــــد من المرايـــــه وحست بشي غريب ولكنهـــا ابتسمت ممتنــــــه لأنه يحــاول قد ما يقدر يغير مودهـــم أما راشـــــد فكــان أشبـــه بشخــص سكــران ,,, يحس انه عاشــق حتى الثمــاله ,,, يعشــق كل شي فيهـــــــــــــــــا)

ونزلت عيونهــــا وهي اتعيش عالم ثاني من السرحــــان والأغنيــه بعدهـــا تصدح فالسيـــاره بكــل رومانسيــه وحالميـــه


فيـــــــك انته حلمي من زمــــان
وانته الهــــــــوى وأدفى حنــان
تلقى معاك روحي الامـــــــــــان
يا أحلى بشـــــــــــــر في دنيتي


وحــدك أبيــــــــــــــــــــــــــــــك
والله أبيـــــــــك أبيــــــــــــــــــــــــــــك
بس تكفى طمني عليـــــــــــــــــــــــــــــــــك

مابي احــد احد يشغــل عينيــــــــــــــــــــــك
مابي احـــد يشغــل عينيك
وأمــــــوت أنا من غيرتي !!!!!!!!

(عنــد هالمقطــــع اتنهـــد راشـــد وحس فيه حـــارب بس سكت ,,, فعـــلا راشــــد يحب جــوري حب جنوني ,,, وأكثر شي يتمنــاه انهــا اتكون لــه وله روحـــه بدون ماحد يشاركـــه فيهــــــــا ,,, فهــو يحس انه هو الأحــق ابهـــــا ومحــد غيره)

وكلمــات الأغنيــه مازالت مستمره ,,, وجـــــــوري اف عالـــم ثاني محد يدريبــه غير رب العالميـــن


خذني معــــــــاك يا أحلى ملاك
خلني أنـــا أحيـــــــا بغـــــــلاك

حياتي من دونك هـــــــــــــلاك
وحـــــــــــــــدك حبيبي وجنتي


فالكليـــــــــــــــــه

منى لمهـــــا: جــوجــو اتأخرت وايـــد ,,, باقي عشــر دقايق وبيتحرك الباص

مهــــا: هيه والله ,,, خل نتصلبهــــــا

منى: لا مافيـّــــه ,,, اليوم شكلها معصبـــــــه

مهـــا: انزين بنتريــا شوي وان ما يت أنا بدقلهــــــا

منى: أوكي

.
.

اف هالأثنـــــــــــــــاء

كانت جـــوري توهـــا واصلــه المدينـــه الجامعيـــــــه

وجـــان تلتفت على غـــــلا ,,, وغـــلا بعد حست ابها والتفتت اف نفس اللحظـــه

جـــوري: أحبـــج غلــوه وبشتاقلج واااايــــــــــــد

واتقربت جــوري من غـــلا ولوت عليهــــا واشتغل الونان

عـــاد حــارب الحين اشتغــل التغليس عنــده: ايهــــااااا!

بسكـــن يالسيلانيــات!

اللي يقول بتهاجر الحين؟!

الا هي العيــــــن فرة حصــــــا (يقول هالكلام بس من ورى خاطره عسب يهون عليهن السالفه ,,, هو روحــه مضايج أكثر عنهن)

حــــارب لغــــلا: متى ما بغيتي اتشوفين هالسلعــوة بناخذج أنا وراشــــد العين (طبعــا كان يمزح ,,, لأنه حتى لو ساروا العيــن ما بيشوفونهـــا فهي على حسب علمهم بتكون فالمعسكـــر)

بس غـــلا بسذاجـــه وبدون ما اتحس من الفرحــه قالت: فديتك حــارب صــدق؟

وحـــارب قفـــــط وتم قلبــه يدق من جملتهــــا وتم يرددها اف بالــه (فديـتــك حــارب فديتـــك حـــارب فديتــك........ آآآآآه)

راشـــد اتدارك الموضوع وحس باحراج من تصرف أختـــه: ان شـــاء الله ان شـــاء الله ,,, يلا الحيــن لا تأخرين بنت عمـــــــج (يقولها من ورى خاطره ,, ولو الــود وده اتــم وياهم على طـــول ,, بلا معسكــر بلا كــلام فاضي)

وجـــوري لراشــــد: مشكـــور راشـــــد تعبنـــاك

راشــــد وهو متشقق: أفا عليـــج ,,, تعبج راحــــه يالجــــوري

جــــوري: تسلم ,,, ماوصيـــــك على حــــروبي وغلـــوووه

راشـــــد افخاطره: آآآآه منج يا جــوري ,,, وأنـــا ما بتوصين حـــد عليــه؟! ولا مالي غلا اف قلبج؟!

راشـــــد لجــوري: ولا يهمـــج ف عيوني ,,, وطمنينـــا عليج لا تنسين

جــــوري: ان شــــــــاء الله

واف هاللحظــــه دخلت سيـــأرة راشـــــــــد من بوابــة الكليــــه واتجهت صوب موقف الباصات وين ما كانن منى ومهـــا واقفات

منى لمهــــــــــا: مهـــووه الحقي طالعي هالبــورش محلاها

مهــــا: هيه والله يســـد رقمهــــــا

وشوي بركنت السيـــاره قريب منهن

منى: يا ويـــل حاليــــه ,,, هزرج أعجب فينــــا وياي يخطب؟!

مهــــــــــا: ههههههههههههه ,,, عـــاد انتي اشدراج منو داخل هالسيـــاره يمكـــن هندي

منى: خخخخخ هنـــــــدي راهي

فالسيــــــــــــاره

جـــوري لغــــــــــلا وهي تتطــاله مهــا ومنى من الجامه المخفيــه: هاييل مهـــــا ومنى ربيعاتي

غــــــــــلا: ماشالله ,,, منى غـــاويـــــه

جـــــوري: هيــه فديتهــــــا

راشــــد اف خـــاطره: في وجـــود جـــوري ,,, ماشي بنيــه غاويــــه

حـــــــارب: ماشالله شكلهن وايـــد يحبونج ,,, شوفي كيف يتطالعن السيـــاره يبنلج تنزلين (المسكيـــن ,,, ما يدري انهن مستقطعات ع السيــاره وما يعرفن انها سيــارة جـــوري)

ونــزل راشـــــد من السيــــاره عسب ينزل أغراض جــــوري ونزل وياه حــــارب

مهـــا: منوووه الحقي شوفي محــــلاه

منى: انتي شوفي هـــذاك الثاني وقصــدها حـــارب صدق انه رحيــــــــــــــــم
قلتلج يايين يخطبون ,,, واحـــد لج وواحـــد لي (طبعـــا سوالف بس ههههههه)

وشوي وتنزل جـــوري من السيــــــــــــــــاره ووياها غـــــــــــــلا

جــــوري وهي اتسلم على ربيعاتهــــا: مرحبــــــــــــا ,,, سوري اتأخرت

منى: هاااي انتي! هههههههههههههههههه

ونحـــن من الصبــــح مستقطعات

جــــوري: هيه أشوفكــــن ,,, حتى حــارب يقوللي انزللي شكلهن يترينج من الصبــــح ,,, أنا أدري انكـــن ما اتعرفن اني أنا فالسيـــاره بس سترت عليكـــــن ههههههه

مهـــا: حرام انه نتريـــاج من الســأعه 9

جــــوري: ههههههه أدري فديتـــــــج

منى: اف ذمتـــج؟ هـــذا حــــارب اخــوج؟!

جـــــــــوري: ههههههههههه عيبـــج؟! خلاص حـــلال عليــــــج

منى وويهها محترق وخاصه انه غـــلا موجوده وهن مب متعودات عليهـــا: عن الحركــات جوجو ,,, تدرينبي اسولف

جـــوري وهي تأشر على غـــــــــــلا: هـــاي بنت عمي غــــــــــــــــلا وتوأم روحي

منى: وأخيييرا شفناج ,,, جـــوري ماعندها سالفه الا غـــلا وغـــــلا ,,, غـــلا راحت وغـــلا يت ,,, حتى احيــانا أغار منـــــج ههههههههههه

وضحكـــت غـــــــــلا وقالت: والله حتى هي ترمس عنكـــــن انتي ومهـــا وايـــــــد وحتى أنا بعـــد أغــــار أحيانا

جـــوري بشطانه: ألعب ع الحبليـــن ههههههههههه

وضحكــــن كلهن

وعقب هالتعارف السريـــــع اللي ما استغرق الا دقايق

ودعت جــوري بنت عمهــــا

وعقب سارت صوب اخوهــا ولوعت عليـــــه وهو بعــد لوى عليهـــا بكـــل رجــوله وحنــــان

ومنى تتطالعهم واتقول افخاطرها: ياويلي عليــه كيف حنـــــون ,,, الله يحفظـــه ان شـــاء الله

وراشـــــد عيونـــه ما فارقت جــــوري لحظـــه وحـــده واف خاطره لو كان مكــان حــــارب اف هاللحظــــــه

ومحـــد لاحــظ نظرات راشــــد لجـــوري الا مهـــــــــــــا ,,, لأنه من نزل من السيـــــــــاره وهي معجبـــــه بهيبتـــه وشخصيتـــه وحستـــه جنتـــــل ,,, وقالت افخاطرها: معقــوله راشــــد يحب جـــوري؟! بس جــــوري ماتيب طاريـــه مول ,,, يلا مع الأيـــــــــام كل شي بيتوضــــح ,,, واذا كان فعــلا يحبها فالله يسعدهــــم ,,, لأنــه جـــوري وايـــد فنانـــــه وراشـــد امبين عليـــه ريـــال وينشرى بفلوس

غـــــلا لاحظــت نظرات مهـــــــا لأخــوهــا راشــــــــد واتضايقت شــوي ,,, لأنهــا ما اتعرف مهــــا وما كانت اتعرف تفسير هالنظرات ,,, لكـــن اللي يعرف مهـــا عـــدل بيعرف ان نيتهـــــا صافيــــه وهـــذا غير ان مهـــــــــا محيره لولـــد عمهــــــــا يعني لو شو ما صــار ,,, فهي ما بتفكـــر اف غيره مب حبـــا فيه! لكـــن تمسكـــا بهالعـــادات الغريبـــه اللي تجبر البنت ما اتكـــون الا لــولد عمهــــــا لأنه بنظهرهم أحــق ابهـــا (معقــوله في ناس جي ونحــن وصلنــا القرن 21؟ ,,, للأسف هيه ومهـــا أكبر مثـــال)

لكــــــن غـــــــــــلا ما كانت تدري انه مهــــــــا محيره لولـــد عمها وهالشي اللي خلاهــا تتضايق من نظرات مهـــــــــا لأخـــوها راشــــــــــد (شيــخ الرياييــل) مثل ما اتسميــه دايمـــــا

مسكينـــه يا مهــــــــــا فهموج غلــــط ,,, بس الأيـــام بتوضـــح كل شي

حـــــارب كان يوصي جــوري على عمرهــــــا ونظرات منى ما فارقتهــم ومن عقبهـــــا ,,, راشـــد سلم عليهــــــــا ووصاها على عمرهـــــــــا ,,, وركبــوا السيـــاره وعقــب يت غــــلا ولوت على جـــــوري (هالوداع اللي ما بيخلص ,,, فوق ال 100 مرة مسلمات ع بعـــض ,,, لا تلومونهن ,,, شهـــر مده مب قصيره أبـــدا ,,, خص انه غـــلا اتعرف شو بيواجـــه جـــوري اف هالفتره)

ومن عقبهــــــــا ركبت غـــــــــلا السيـــاره ونزلت الجـــامه عسب اتشوف جـــوري واتحركت السيــــاره عقب زلزال المشـــاعر اللي صــــار واللي ما خلا حــد اف حالــــه


راشـــــد اللي حـس انه ودع روحــــه وصار جســد بليـــا روح ,,, وغـــــلا اللي اتحس ان الحيــاه شاحبــه بدون بنت عمهــــا وأختهــــا وربيعــة عمرهـــــــا ,,, ومنى اللي من شــافت حـــارب حست بمشــاعر غريبـــــه هي نفسها مب قادره اتفسرهـــا ,,, ومهـــا اللي حست بالظلـــم لأنهــا حتى ما تملك قرار اختيـــار شريــك حياتها وانجلبت عليهــا المواجـــع ,,, وأما حـــارب فيحــس انه ما يبــا يرد البيت مووول ,,, لأنــــه ماله طعـــم بدون جـــوري!

(كلـــن يغني على ليلاه)

ومن عقب ما ابتعــدت شيـــارة راشـــد عن مـــدى نظرهن ,,, التفتت جـــوري لربيعاتها: آآآآآآه أحس باحســـاس غريب

توني فالسيـــارة ما كان افخــاطري انزل موليـــــه وكنت أتمنى لو اني ما اقترحت هالفكــــرة ,,, بس تدرون؟!

الحيــن وعقب ما شفتكـــن وأشوف قشــارنا ,,, أحس اني استعدت نشاطي وحيويتي وردت فيه الحيـــاه ,,, أحس بنستانس صـــدق!

مهـــــا: هيه والله يا جـــوري أنا نفس الشي ,,, البـــارحــــه كنت مضايجــــه من الخــاطر وتميت طــول الليل أصيــــح ,,, بس يلا كلها 4 أسابيـــع وبنرد ,,, وان شـــاء الله نستانس وانيب A بعــــد

جـــوري: آآآآه ,,, الله يسمــــع منـــــج ,,, عيـــل وينهــا ايلين؟!

مهـــــا: مادريبهـــــا شو كانت اتخربـــط ,,, هي رمست منى

منى اللي كانت اف عـــالم ثاني يديد عليهــــــــا ما انتبهت على أي حرف انقـــال ,,, وجـــوري تســأل منى: شو قالتلج ايلين؟!

ومنى خبر خير ,,, أصــلا ما سمعــت جــوري

مهـــــــا وهي اتدق منى ع جتفهــــا: حـــوووووه؟! وين سرحتي؟! نحـــن هنــــــــــا

ومنى وهي تنتبـــه: هـــــــا!

مهـــــا: أي هــــــا ؟! من الصبــح البنيــه اترمســـج؟!

جـــــوري وهي تبتســم بكل عذوبـــه: اللي ماخذ عقلـــج يا عســــل

انحرجت منى: لا ماشي ,,, بس أفكــــرفي أمــــأيــــه ,,, حسيت ابها متضايجــــــه

وجـــوري وهي اترد تتــذكر أهلهـــا وخاصـــه دمـــوع أمها: هيه والله ,,, فديت أهالينـــا

وبحــركـــه سريعـــه باست منى على خــدها: فديتـــج منــوووه لا تتضايجين ,,, خلاص الحين لازم نستانس ,,, نسيتي اشكثر اتحرقصنــا على ما اتخلــص السالفــــه؟!

منـــى وردت لها ابتسامتها من عقب رمســة جــوري الرقيقــه: هيـــه والله ,,, لا تذكريني ,,, أحس بعــدني عايشــه الحلــــــم

جـــوري بحالميـــه: آآآه حتى أنـــــــا ,,, كششششخــــــــــه

وعلى هالرمســــــــه يتهـــن ايليـــن وهي مستعيلـــــه:
Good Morning girls, sorry 4 being late, yalla harry up, we will move now

الترجمـــه: صبـــاح الخير ,,, سوري ع التأخير ,,, يلا بسرعــــه الحين بنتحـــرك

البنـــات كانن معلمين ايلين كمــن كلمـــه عربيــه مثــل (يـــلا) اللي توه قالتها ,,, لوووول

ومنى توهـــا تتذكـــر انها ما خبرت ربيعاتها انه ايلين اتصلت ابها من فتره من قبـــل لا توصــل جــوري بدقايــق عسب اتخبرهـــــا انها بتتأخر شـــوي (السرحــان لاعب دور ويا هالبنيـــه ,,, نساها كل شي) جان اتقــول وهي اتوجــه رمستها لمهــا وجوري: ســوري ما خبرتكــــــن ,,, ايلين قالتلي انها بتتأخر

مهــا وهي تقرص منــى: انتي اليــوم مول مب طبيعيــــه

منى: آآآآآآآي يالدفشـــــه ,,, شو استوابـــج الحين يعني؟! متّي وانتي تتريين؟!

جــــوري: ههههههههههههههه

واتحـــركن صوب البـــاص اللي بيشلهن لدار الزيـــن

ونزل راعي البـــاص عسب يشـــل الجنـــاط ويحملهن فالدبـــــــــه ,,, ماشالله ! ماخلــن شي الا وشلنــــه

وركبــن البــــــــــاص وهــن مستانســــات ع الآخر

واتحــرك البـــاص وهو يحمــــل بطلاتنــــا الثــلاث ,,, وكل وحــده منهـــن سرحت اف عالمهـــا الخــاص

وهـــذا يوم الخميـــس ويــــــا ,,, يا ترى شو بيكــون مصير بطلاتنــا الثلاثـــه؟

وشــو اللي يتريــاهن اف هالشهــــر؟

وشو هالشعــور اللي غزى قلب منى تجـــاه حــــارب وجلب كيانهـــا؟ وهــل هو شعــور متبــادل؟

ومهــــــا ليش اتحــس بالظلــــم؟ وشو اللي شـــدها لراشـــــد؟

ويا ترى راشــــد كيف بيتأقلم على غيـــاب جـــوري؟

وهـــل جـــوري حســت بأنها هي المعنـــايــه بالأغنيــه ولا لأ؟

وغــــــــلا كيف بيكـــون جدولهـــا اليومي وجـــوري غايبــه عنـــها؟

وكيف بيكــون البيت من بعـــد غيـــاب جــــوري؟

.
.
.


وتســـاؤلات كثيره ,,, بتلاقون اجاباتهــــــــــــا فالبــــــــــارت اليـــــاي واللي بيكون نقلــه نوعيــــــه للأحـــداث

ارقبـــــوا (الجـــــــــــزء الســــادس)

.
.

.
.

فــالى الملتـــقى

(الجـــــــــــــزء الســـــــــــــادس)

مغـــامره ولكــــن.....!


بعــد سلسلـــة العـــواصف اللي اجتــاجت أبطـــالنــــــــا ,,, عم الهـــدوء والسكـــون كــأنــــه الهـــدوء ما بعـــد العاصفـــــه ,,, لكــــن هيهـــات ,,, ف هالهـــدوء كـــان مجـــرد ستــــار يخفي الآثـــــار اللي خلفتهـــا العواصف اف نفــوس أبطــال قصتنــــا ,,, وكــل واحــد منهـــم سرحـــــان اف عــالم غير عالمــــه و تعتصره مشــاعر ما قد مرت عليـــــه وصراعـــات أشبـــه بهزات الزلازل!


اف شـــارع من شــوارع الشـــارجـــه ,,, كانت سيـــارة راشــــد تمشي بدون هـــدف ,,, والصمت يخيّـــم ع الجـــــو الا من صـــوت موسيقى كلاسيكيــــه هــــاديــــه وشاعريـــــه

راشــــد وبعــد ما انتبـــه انـــه قاعــد يســوق بليـــا هـــدف: حـــــارب ,,, شكلك تعبـــان ,,, أوصلك البيت؟

حــــارب وهو مصـــدع: أي مكــــان الا البيت!

راشـــــد: خــلاص عيـــل بنسير بيتنــــــا عسب اتريّــــح بعــــــد

هـــز راســـه حـــارب دليــل على تأييـــده لفكـــرة ولــد عمــــه ,,, ورد راســـه ع ورى وغمـــض عيونــــــه بكـــل وهــــن ,,, فعـــــلا هو محتـــاج للراحــــــه عسب يستعيـــد نفســــه ويطــرد هالأفكـــار اللي تغــزو مخيلتــــه بدون رحمــــه


أمــــا فالبـــاص فكــــان الجـــــــو غير ,,, البنـــات من بعــد فترة الهــــدوء والتفكيـر فالأطـــلال استعادن نشــاطهن وحســــن بشعـــــور يديد ما قد مر عليهــــــن ,,, وكــل وحـــده متحرقصــــه أكثر عن الثانيــــه


جــــوري: يوعــــــــــانه

منــى: حتى أنــــــــــــــــــا

مهـــــــــــــا: عنــدي كــاكـــاو تبون؟!

جـــــوري: شو تتريين؟! بسررعــــــه طلعيـــه

جـــوري هي تتــذكر شي: أبييــــــــــــــــه! حــــرام

منى ومهــــا: بــلاج زيغتينـــا؟

جــــوري: البـــــارحـــه حروب كــان شارلي من الشيشـــه وااايـــد كاكاوات وجبس ونسيت الجيس فالبيت ,,, بصيـــــــــــــح

منــى وهي تتـــذكر حــــارب وكل ماله يكبــر اف عينهــا اكثر وأكثر: خســــــاره

مهــــا: والله عقيتي قلبي ,,, اتحريت شي مستــوي!

جــــوري: اكيــد شي مستــوي! كيف تبيني أعيش من غير كاكاو هالشهـــر! ما اتعرفيــن اني مدمنـــة كنــــدر

مهــــا بتعاطف: ولا يهمــــج تــاتي (تاتي يعني حيــاتي ,,, كانت مهــا دوم اتقول حــق جــوجــو تــاتي) بخبر ايليــن عسب اتخلي راعي البــاص يوقف عنــد أي شيشـــه وخذيــلج اللي تبيـنـــــه

جـــوري وهي مستانســـه: فديتــــج تــاتي

وطلعت مهـــا الكــاكاو اللي يايبتنـــــه وعطتــــه لمنى وجـــوجـــو

وتمـــن ياكلن كــاكـــاو (كنـــدر بوينــو) وكــل شـــوي يرمســـن بسالفـــــه

جـــوري وهي تتلذذ بالكاكاو: اممممم أحلى شي وهو ذايــب جي ,,, عـــذاب

مهـــــا: هيه انا كنت حاطتنــه فالثلاجـــه وظهرتـــه الصبــــح واتعرفين جـــونا ماشالله وايـــد بـــارد من جيه ذاب هههههههههه

منــى: هيــه والله ,,, الجــو هالأيـــام موليــه ما يســـاعد ,,, بس أتوقــــع فالعيـــن غير ,,, لأنـــه جوهـــم جـــاف شويــــه

جـــــوري: هيــه صـــــح لأنــه ماشي بحـــر ,,, أخس شي هنيـــه الرطوبــــــه

وتيهــن ايلين من عقب ما خلصت مكالمتهــا عســب اتخبرهـــــن بجــدول يومهــن اليوم من عقب ما اتأكــدت منـــه ,,, وقالتلهــن انهــن بينزلن أول شي اف فنــدق الانتـــر عسب يصلن ويتغــدن ويبدلن ملابسهن ومن عقبهــــــا بيسيرن مكتب الخـــدم وكل وحــده عقب بتتيســــر ع البيت اللي بتشتغـــل فيــــه هالأربــع أسابيــع اليايــــــه ,,, وهنيــه حســن البنــات انه الســالفه اتعـــدّت كونهــا مجــرّد حلــــم وبــدن يستوعبــن انهــن مقبــلات على مرحلــه يديده مجهـــولــة الهويــــــه!


فالطـــرف الثـــــاني

كانــوا راشــــد وحـــارب اف قســـــم راشـــــــد ,,, حـــارب منســـدح ع الشبريــــه ,,, وراشــــد كــان فالركـــن الثاني يالس ع المكتب ومجــابــل اللابتــوب يا زعــم يشتغــــل ,,, بس هو وين والشغــــل ويـــن ,,, آخـــر شي ممكــن انــه يطـــري على بالـــه اف هالحـــزة هو الشغـــــــــل

أمــــا غـــــــــــلا فكــانت يالســـه ع الشبريــــه وماسكــه تيلفونهـــا تتريـــا أي مســـج من جـــــوري ,,, لكـــن بدون فايــــده ما وصلهــــا شي ,,, ونشت صوب التسريحـــــه وجـــان اتشـــوف برواز لونـــه برونزي فيــه صـــورة تجمعهـــــا ويا جــــوري قبـــل شهريـــن من الحيـــــن ,,, وخــذت البرواز ولمتــــه اف حضنهـــــا وهي تتـــذكر هاليــوم عــــدل ,,, كانن جـــوري وغــــلا اف صحــــارى سنتر وما حاطات اف بالهن انهن يتصورن ,,, ومــرن عنـــد استوديـــو فالطــابق الثاني شكلـــه كان يوحي بأنــه فنــــان وفجـــــأه نطت جــــوري وقالت لغــــلا: شـــو رايــــج نتصـــور؟!

غــــــلا: من صجج؟!

جــــوري وهي تسحـــب غــــــلا لداخــــل الاستــوديـــو: هيـــه أكيـــــد ,,, صدقيني وناســـــه

وفعـــلا دخلــن داخــــل وطلبــن يتصــورن كمـــن صوره (جنهــــن سيلانيــات هههههههه) والمصــــور كــان هنــــدي ومستانس عليهــــــن وكل شوي يخترع لهــن حركـــات وهن مب مصــدقات (أقولكـــم سيلانيــات ما اتصدقون لووول) شكلــه الهنـــدي أول مرة يصــــور ويسوي تجاربــه عليهـــــن وهن خبر خير ,,, ومن عقب ما اتصــورن كـــذا صـــورة ســـارن يختـــارن أي صــورة يبنهــا تطلــع من الكمبيـــوتر واختــارن 3 صــــور ومن كــل صــورة نسختين عسب كل وحــده منهن تحتفـــظ ابهـــا للذكــــرى (أحـــلى ذكـــرى) وخبرهــن انه الصـــور بيجهزن بـــاجر

(طبعـــا الصـــور بالشيله والعبــــاه)

واليـــوم الثاني ,,, جــــوري طرشت دريولهم فرحـــان عسب اييــب الصـــور ,,, وكانت مش بطالـــه ,,, يعني لا بأس تنفـــع للذكـــرى ,,, كــل وحـــده منهـــن حطــت صــورة ع التسريحــــــه ,,, وحتى تذكـــر اف يومهـــا ,,, روبي شنّت الحــرب العالميــه الثالثــه ليش انهن ما خذنهـــا تتصــور وياهـــن وهي عــاده موت حيــاتهـــا الصـــــور وزعلت من الخـــاطر وعقب جـــان يشلهــا أبوهـــا الاستـــوديـــو اللي حــــذال بيتهــم عسب تتصــــور ,,, وعــاده غيــاض اف غـــلا وجـــوري ,,, اتصـــورت يمكـــن 15 صــــورة وخذتنهــن كلهــــن وياها (ههههههههه مراهقـــه ما تنلام) وفــوق هـــذا سرقت صــورة من الصــور اللي متصورينهــن غـــلا وجـــوري ودخلتها فالاسكنــر ودخلت صــورتهــا بعــــد ودمجتهـــم بالفوتوشـــوب يعني أونــه كانت متصــورة وياهـــن (هههههههه مب سهلــه هالبنت) وسوت برنت آوت وحطت هالصـــورة بــدل هاييــج فالبرواز (مب حـــرّه فيــج يا روبي لووووول) ,,, وماتــم حــد فالبيت ما ضحـــك على حركتهـــــا ,,, حتى غـــلا اللي كانت مفوله عليهــا فالبدايــــــه ,,, عقب ضحكـــت على أختهــــــا اللي أكيــد اف يوم بتظهر لهـــا قرون!

وعلى هالذكريـــات الحلـــوة حطت غـــلا راسهـــــا ورقــــدت وهي حاضنــه صورتهــــا مع جـــوري وروبي الشيطــانه اف وسطهـــن (حاشره عمرها بين اللي أكبر عنهـــــا)


فالطـــرف الثاني

جــــوري ومهـــا ومنــى اتحرقصــن من الخــاطر من عقب رمســـة ايليـــن ,,, كــل وحــده تتخيـــل موقف بيمــرّن فيـــه وهـــات يا ضحــــك لووووول

جــوري وهي تدمــع من الضحـــك: آآآي بطني بس خــلاص مب قــادرة هههههههههههههه

مهـــــا ومنى: هههههههههههههههههههههههههههههه

منى: بسكــن خــلاص ,,, اللهــم اجعلــه خيرا ,,, وايــد ضحكنــا مب زيــــن

جـــوري: هيه والله ,,, أخــاف ينجلب هالضحـــك لصيــاح وخص لما انقص البصــــل

مهـــا: ايييييييييييي ما أتخيــــل ,,, والله لو أموت ما قصيــت

منــى: حبيبتي! خلاص ماشي وقت حق الدلـــــــع

مهـــا وهي تدعي اف خــاطرها على جــــوري على هالخطــــه المينونــــه: اماااايـــــه! ابا أمايـــه ,,, خـــلاص برد البيت

جــــوري بحمــاس: اتطالعـــــن ,,, يــاااااي ,,, وصلنــــا حـــدود العيـــــن


منــى وهي اتسير عند الجــامه عسب تتطالـــع: محــــلاهـــا دار الزيــــــــن

مهــا وهي نست كــل اللي كانت اتقولـه من شـــوي وتمت تتأمــــل هالمدينــــه الخضــــرا

فعـــــلا ,,, فالعيـــن هي مدينـــه ساحرة الجمـــــال ,,, كــل شي فيهــــا يشد الناظر ,,, فهي واحـــه غنّــــــاء ,,, اللــون الأخضـــر يكسيهــا كأنهــا عروس في ليلــــة الحنــــاء ,,, وما أجملهـــا من عروس!


فهي مضيــافه ,,, مرحــابـــه ,,, تستقبــــل كـــل القادمين فاتحـــــة ذراعيهـــا بكـــــرم كمــا هو حـــال ســاكنيهـــــا ,,, فهــم أهــل الجـــود والكــرم ,,, أهـــــل البســـاطــــه والتواضــــع ,,, كيــف لا وقــد نهلــوا من فيــض زايـــد الخير والعطـــــاء ,,, رحمـــك الله يا زايـــــد ,,, نعـــم رحلت جســــدا ولكـــن روحــــك الطاهـــره حيـــــه ,,, نعــم فهي حيــه بأبنــــائك ,,, بانجــازاتـــك ,,, حيـــه بهـــذه الأرض التي حــولتهــــا بارادتـــك القويـــه وحكمتـــــك من صحـــراء قاحلــه الى واحــــة غنــاء تســر الناظرين وتبث فيهـــم روح التســـامح والتــواضــــع اللذان لطــالمـــا تحليت بهمــــا ,,, وهـــاهم أبنـــاء شعبــــك يرثــون أعظـــم ورث ,,, يرثــون سمـــات نـــادره في هــذا الزمــــن ,,, يرثــون حبـــك الصــادق لهــــم ,,, فبحبــــك فعلت المستحيــــل ,,, حبـــك لأبنــــاء شعبــــك ولّد فيهــم حب من نــوع آخــر ,,, حب تعجـــز سطــوري عن مجــاراتـــــه ,,, فهـــو حب الوفــــاء للــوطــن ,,, حب اللـــه وذكــره والتفكـــر بعظمتــــه ,,, حب التطــــور ومجــاراة العصـــر الذي نهلوه منـــك قطره قطره ,,, فلقـــد جعلت من اماراتنــــا مملكـــــه تتسيــــد الأمم ,,, وهــا هم أبنـــاؤك يســابقــون الزمـــن حتى يرتقـــوا ويرفعــــوا اسم الامـــارات عاليــــا ,,, ويحذون حــذوك ,,, كيــف لا وأنت معلمهــم ,,, حـــان الوقت كي يردوا لك جــزءا بسيطــــا من أفضــالك التي لا تعـــد ولا تحصــى ,,, فنــم قريــر العيــن يا والـــدي ,,, فلقـــد أديت رسالتــك على أكمـــل وجـــــه ,,, نــم قريــرا أيهــا الحاضــر الغائب ,,, فمــن مثلك لا يمــوت!

اف هاللحظــه كان البــاص يمـــر ع منطقـــه العــوهــــه

وجـــوري بالــــذات ميتــه من الونـــاســـه ,,, يالله اشكثر اتحب هالمدينـــه ,,, مب اتحبهــا بس! الا تعشقهــا وتعشـــق هـــواها ,,, ونزلت الجــامه شــوي وتمت تستنشـــق هواهـــا اللي رد الــروح فيهــــــا وحسسهـــا بانهــــا اتطير

وخطــرت ع بالهـــا أغنيـــة (دار زايـــــــد) لميحـــد حمــــــد

وتمت اتدندنهــــا وين مهــا ومنى وشـــاركنهــــــا وارتبشـــــن من الخــــاطر ,,, حتى ايليــن العيـــوز بعــد يت وياهن وهي مرتبشـــه ع خبالهـــن (مع انها مب فاهمــه ولا حـــرف ,,, بس حشرن مع النــاس عيـــد لووول)


الله يــا دار زايــــد كيف محـــلاهـــــــــا
يا ناس حلوه وقلبي مغرم ن فيهـــــــــا
كن القمــر يوم يظهـــر من محياهـــــــا
في غايــة الحســـن تسلــم كف بانيهـــا

عااااشـــــــــــــوااااا


هي جنــة الأرض رب العرش سواهـــــــا
من ضــاق صدره تونـــس في أراضيهـــا
تسبي النواظر من أولها الى أقصــاهــــــا
حلــــوووة وزايـــد ياللي أكثر محليهــــــا

(الله يرحمـــك بابا زايـــد)


العمــر غالي لكــن انقــول يفداهــــــــــا
نفــدي الذي معتلي فوق كرسيهـــــــــــا
شوفوا زعيم ن حضنهــا كيف خلاهـــــــا
أغلى وأحلى من الدنيــــا وما فيهـــــــــــا

الله يــا دار زايـــد كيف محــلاهـــــــــــــا
يا ناس حلــوه وقلبي مغرم ن فيهــــــــــا
كن القمــر يوم يظهــر من محياهـــــــــــا
في غايــة الحســـن يسلم كف بانيهــــــــا
كـــان الجــــــــــو فالبــاص ولا أروع ,,, وردت الحيــاه بصخبهــــــا وحيويتهــــا ,,, وردت الأحــلام الورديـــه اتراود مخيلة بطلاتنـــــــا ,,, فكــل وحـــده منهـــن اتحس انها عايشــــه حلــم خيــالي وتتمنى ما تصحــى منـــه أبــــــــد


أمــا فالشـــارجـــه فكــان الوضــع شـــوي مختلــف ,,, الهـــدوء كـــان هــو سيـــد الموقــف والملل مخيــــم ع الجـــــو

اف بيت بو خليفــــــــه

محــــد كان واعي الا روبي الينيـــه ,,, حتى راشــــد رقـــد وهو يالس ع مكتبـــه بدون لا يحـــس ,,, طلعت روبي من جحرهـــا أو بالأحـــرى حجرتهـــا وهي مستغربــه الوضـــع فالبيت ,,, ســــارت قســم أمها وأبوهــا وما حصلتهـــم ,,, مرت على غـــلا أختهــــا وشافتهــا راقــــده ع حالتهــا حتى مب مبدله ملابسهـــــا ,,, وعقب مرّت قســـم راشــــد واتفاجأت بحـــارب راقــد على ســرير اخوهــا بدون ما يتلحــف! ولفّت راسهــا وجـــان اتشــوف أخوهــــا راشـــــد راقـــــد ع مكتبـــه ,,, متســـاند ع الكرسي ع آخر شي ورافـــع ريله ع الطاوله ورايـــح اف ســـابــع نومــــــه

وحست انهـــا وحيــده ,,, تمت تتحـــــوط فالبيـت ,,, تركب فــوق اترد تنزل تحت ,,, اتسيــر حديقـــة بيتهــم واترد تدخــل الفيــلا من أول ويــديد

روبي بملل: أففففففف! شو هالحـــاله يا ربي؟!

الناس تستانــس في اجازتهــا وأنا أتــــم روحي

وجـــان اتقــول بغبطــه: حظــج يا جـــوري ,,, عايشــه حياتــج ,,, أكيـــد الحين وصلتي المعسكـــر وبديتي اتســوين مغامرات ,,, ههههه أدريبــج ما عندج واحد اثنين على طـــول متحمســــــه ,,, اففف جــان زين لو سرت وياها ,,, والله ملل


وفعــــــــــلا

اف هالأثنــــــاء ,,, كــان البــاص واصـــل فنـــدق الانتــــر بعــــد رحلـــة شيقــــه دامت ســاعتين الا ربـــــع



ونزلـن البنــات من البــاص ويــا ايليـــن وتبعنهـــا لين الحجــــره ,,, وهي ســارت اتخلــص بعــض الاجــراءات

أول ما وصلــن البنـــات حجــرة ايلين ,,, فــرّن عمارهــن ع الشبريــــه

جــــوري وهي فجــأة اتنـــش: منــوه؟ مهـــوه؟ نحــــن فالعيــــــــــــــــن

منــى ومهــــا: احلفي انتي بس! من متى ونحــن فالعين توج استوعبتي؟!

جــــان يسحبنهــــا ويعقنهــا ع الشبريـــه وصوت ضحــكهــن واصـــل آخر الممـــر واتيهـــن ايليــن من بـــرا:
Girls!, hhhhh what's wrong with u? u r so excited

الترجمــه: هههههههه بنــات شو بـــلاكم ,,, انتوا وايـــد متحمســــات

البنــــات: we are miss

الترجمــه: فعـــلا مس

ايليــن: yallah banat, harry up, u've got one hour to pray, have lunch and change ur clothes

الترجمــه: يلا بنــات بسرعـــه ,,, عندكــن ساعــه وحــده عسب اتصلون وتتغـــدون واتبدلون ملابسكـــــن

البنـــات: اوكي

مهـــــا ســـــارت الحمـــام عسب تتغســل وتتمســـح ,,, أما جـــوري ومنى فكــانن متمسحــــات من قبـــل فبـــدن الصــــلاه ,,, وعقــب ما خلصــــن

جـــــوري: خــــل أتصل اف أهليــــه أخبرهــم اني وصلــت

منــى: شيييت! كيف نسيت ,,, عبــود موصني اطرشلــه مســـج أول ما أوصــــل حـــدود العيـــن

جـــــــوري وهي مثــل اللي اتــذكرت شي: حتى غـــلا طلبت مني أطرشلــها مســـج على كــل خطـــوه ,,, حرام نسيتهـــــــا

وظهــرت تيلفونهـــا اللي كان ع السايلنت وهي ما تدري ,,, وحصلت 2 مس كــول من عنــد أهلها و 3 مسجــــات ,,, وكلهـــن من عنــد غــــــــــــــــلا وآخر مســـج كان من دقايق بس ,,, وتلومت فيهـــا من الخــــاطر وفكــرت ادق لهــا أول وحــــده

ويرن تيلفــون غـــــلا على أغنيـــة (تدلل ياخـــر العنقـــــود ....... لمحمــد عبــده) الخـــاصه بجـــوري والصـــوت كــان وايـــد عالي ,,, بس غــــلا اف هاللحظـــه كانت توهــا ناشـــه وسايره الحمــــام عسب تاخـــذ شــــور

اف هالأثنـــــــــاء ,,, كــان راشـــد توه نــاش ويحـــس عمـــره متكســـر لأنــه رقـــد بشكـــل مب مريــــح ويحـــس بصـــداع حـــــاد ودوّر فالـــدرج ع بنـــدول وما حصــــل ,,, ففكــــر يسير عنـــد غــــــلا ويشــوف اذا عندهــا أي شي يخــفف هالانفجـــار اللي اف راســــــه

ظهـــر من قسمــــــه وهــو ماســــك ع راســـه من شـــدة الألـــــم ويوم اتقــرب من قســــم غـــــــلا سمــــع صـــوت موبايلهـــا وهو يرن ,,, وهــو يعــرف انــه هــأي رنــة جـــــوري ,,, فبــدون ما يحـــس دش القســـم وشــاف التيلفـــون وهــو يرن باســــم (آخــــــر العنقــــود) وماعرف شو يســـوي ,,, فمســـك التيلفـــون يبــا يوديـــه لغـــــلا وجـــان يسكـــر

اتضــايق راشــــد من الخـــاطر وحس عمره غبي لأنـــه مارد: شو يعني؟! أنا ولد عمهــا خل أرد ,,, يمكـــن محتايــه شي

أمــا جــــوري فاتضايقــت لأنهــــا كانت متولهه على غــــــلا وحبت تسمــع صوتهــــا ,,, فقررت انهــا تتصــل اف أهلها اتطمنهــم ومن عقبهـــا بترد اتـــدق حــق غــــــــــلا
راشـــــد فالطــرف الثاني كــان فيــه حفـــوز مب طبيعي ,,, ونسى انــه ياي عسب الصــداع اللي فيــــه ,,, ويمشي اف صـــالة قســم غــــلا مرة سايــر ومرة راد وهو يدق ايدينــه اف بعضهـــا دلاله ع التـــوتــر وهو ايقول اف خــاطره: صدق اني غبي ,,, غبي غبي غبي!

وفكـــر هو يــرد يدقلهــــا بس حس انها فكــره مول مب حلـــوه: اففففف شبلاني مب عــارف أتصرّف!

ودق البـــاب ع غــــلا: غلـــووووه؟!

غـــــلا وهي غرقــانه بالمــــــاي: هــااااااااا

راشــــد: تــوه تيلفونــج كان يرن وأظـــن كانت جـــوري متصلتبـــج

غــــلا وهي اتسكـــر الماي عسب تسمـع أخوهــــا عـــدل والصــابون كــأن مغطي ويهها: والله؟! وشو قــالت؟

راشــــد اف خــاطره طــع هاي؟! وانا اشــدراني

راشـــد لغــــلا: ما رديت وجـــان اتسكـــــر

غـــــــــــلا وهي صدق معصبــه ونص الصابون دش اف حلجها : ليييييييييييييييييييييييييييييييش؟؟؟؟؟؟؟ وعقب جــــان تتحرطـــم: يعع صابون دش اف حلجي

راشـــد وهو مب عــارف اختــه أي مصــارعه اتمارس فالحمــام: هــاااااا؟ اييبلج تيلفونج؟!

واف هاللحظـــه رن التيلفـــون مرة ثانيـــــه

راشــــد: هكـــووووه رن

غــــلا بصوت عـــال أظن كل حــد فالبيت سمعـــه: انته رد قبل لا اتسكـــر وعقب ييبلي التيلفون يلا بسرعه

.
.
.


يتبــــــــــــــــع

(تـــــابـــــــــــع الجــــزء الســــــــــــادس)
ربـــع راشــــد بسرعـــــه لصالة التيلفزيون وهو مب رايـــم يتمالك نفســه من التوتر والفرحــه وأهم شي الشـــوق ورد ع التيلفــون بحركــه سريعــــه وأنفاســه كل مالها تتصــاعـــد بزيــاده : ألـــــــــــــــو

جــــوري وهي مب مستوعبــــه وجان اتقول بتشكك: ألو؟

راشــــد وهو يدخــل أصابعـــه اف شعره: هـــــلا جــــــوري

جـــــوري: راشــــــد؟

واف هاللحظـــه كانت مهـــا توهـــا مخلصــه صلاتهـــا وانتبهت انه جـــوري اترمس راشـــــد ولا اراديـــا التفتت لهــا وهي تبــا تسمـــع كل حرف ينقـــال

راشــــد وهو قافـــط وأنفاســه تتصاعــد جنــه راكض 100 كيلو : هيه راشــــد ,,, السمــوحــــه بس غـــلا تسبــــح وقالتلي أرد عليـــج

جــــوري: أهاااا لا عـــــادي والله ,,, بس انته بلاك؟ شكلك تعبـــــان

(من سمعت مهـــا هالرمســـه حست بنغــزه ,,, واتمنت اف خــاطرها انه راشــد يكون بخير ,,, وما تدري انه راشــــد الحين اف أحســن حالاتــه وهو يرمس غنات روحـــه)

راشـــــد وهو يقول اف خــاطره: من سمعــت صوتج طبت من كــل الأعـــواق فديييييتج

جـــــوري: ألــو

راشـــد وهو ينتبــه على عمــــره: هـــلا جــــوري وياج

جــــوري: المهـــم راشـــد أنا ماروم أطــول وايــــد ,,, بس حبيت أخبركـــم اني وصلت العيــن وكل شي اوكي ,,, وسلملي على غـــلا وبوسلي اياها ,,, وأنا بدقلهـــا عقب

راشـــــد: الحمــدلله ع ســلامتـــج ,,, وجــان تبين بوديلهــا التيلفــون الحمام

جــــوري: الله يسلمــك من الشــــر ,,, كان ودي ,,, بس الحين مستعيلين وايـــد ,,, بنسير نتغـــدى وعقب .... (وكانت بتخورها وبتقول مكتب الخــدم وبلعت كلامها اف آخر لحظـــه) اممممم يعني عندنا نشاطات

راشــــد: خـــلاص مب مشكلــه يالغـــلا (قالها بتلقائيـــه بدون مايحــس) ,,, وديري بــالج على عمــرج واذا تبين شي ما يردج الا لســانج

جــــوري: تسلــم يا ولـــد العم (هالكلمــه ذوبت راشــــد) ما عليـــك زود

وتوهــا اتذكرت اتقوله شي: هيـــــه صـــــح رشـــــود؟ (عــاد هنيــه راشـــد ضربــه حفوز مب طبيعي وجـــان يشــل تيلفــون غـــــلا ويــــاه وطلــع مب بس من قســم غـــلا ,,, طلــع من القســـم الفوقاني كلــه ونزل تحت)

(أمــــا غــــــلا فكانت تتحرطم على راشــــد ورغــوة الشــامبو اتغطي شـعرهــا البني: وينـــه هــذا؟! لاحــــووووول ....)

وجــوري اتكمــل رمستهــــا: أنا اتصلت بحـــارب كــذا مرة بس تيلفونـــه يعطيني مغلــق ,,, ما اتعرف وينــــه؟

راشــــد: حـــارب اف بيتنــــــا وماعليــه شـــر ,,, بس الظــــاهر تيلفونــه امفضي

جـــوري وهي اتطمنت على أخوهــا: آآه الحمـــدلله طمنتني ,,, سلملي عليـــه وقوله اني برد أدقله يوم بفضــى

راشـــــد: يبلــغ ان شـــــاء الله

جــــوري: خـــلاص عيــــل رشــود ,,, مشكـــور وايـــد وسلملي ع الكـــــل ,,, أحبكــــم وايـــــــــــــــد ,,, بـــــــاي (وسكــرت التيلفون بدون ما تسمــع رده)

عـــاد ما يحتـــاي أقولكــم راشـــد كيف كــــان ,,, جـــان يمســــك التيلفــون وحضنـــه بالقـــو وتم يناقز ع القنفـــه اللي فالصــــاله اللي تحت وهو يقـــول: يااااا هووووو واااااااااااو

وجــــان تدخـــل عليــــه روبي المخبــــل وهي تتطالعــه باستنكــــار واف نفس الوقت مستانسه انها حصلت حــد يسولف وياها وأخيرا: رشــــــــــــــــــــــــــود؟! ليش اتناقز؟ بخبر عليـــــك أمايــــه

راشــــد وهو يصلب عمــره وأونــه مب مســوي شي: هــــا؟! لا ماشي ,,, أصــلا أنا ماناقـــز ,,, جيه شو شايفتني يــاهل؟! انتي من متى هنيــــه؟!

روبي وهي مستانســــه لأنها ميود على أخوهـــا شي: من اول ما كنت متحرقص

راشـــد رافع حياتـــه لأنــه كان متحرقص طول الوقت: اممممممم ,,, زيــــن (وهو يبــا يغير الموضوع): شو هاللبس اللي لابستنـــه؟ سيري غيريـــــه ,,, حـــارب اف بيتنـــا عيب يشوفـــج جيـــه!

روبي: افففف من هالبيت! كلــه ما يعيبكــم لبسي!

راشـــــد وهو يســوي عمره معصب مع انه العصبيــه آخر شي يفكــر فيه اف هاللحظـــه وجـــان يمسكها من اذنــهــا: كم مرة قايلج لا تتأففين؟!

روبي: آآآآي آآي ,,, خـــلاص last time promise

راشــــد: يلا سيري بدلي لبســــــج

روبي وهــي معصبــه من هاليــوم اللي باين نحس من أوله: زيــــــــــــن

وســارت وهي تتحرطـــم على هالراشــــد اللي مب عايبنها وحلفت اتخبر امهــا ان راشـــد كان يناقز ع القنفــات

وراشـــــد وهو يعـــدل عمــره: اففف الحمـــدلله بغت تكشفنــــــــا

وجـــان اتيــــه غـــــلا من ورى وهي معصبـــه ع الآخــــر وشـعرهــا مبلل اللي من الواضـــح انهــا مب منشفتنـــه: منــــوه هــاي اللي تكشفـــك؟

راشـــــد وهــو متفاجىء بغــــــلا: هــلا هـــلا بأختي العزيزه ,,, نعيمـــــا ,,, خلصتي شورج؟

غـــــلا وهي واصلــه حــدها من برود أخوهـــا: ييبـــــــــــه!

راشـــــد وهو مستغــرب: شو هــو؟

غـــــلا: لا والله؟! أكيـــــد تيلفوني اللي اف ايدك!

راشـــــد وهو توه منتبــــه وقافـــط شــوي: أهـــــا ,,, اتفضلي تيلفونــــج وفوقهـــم أحلى بوســـــه ,,, كل هالعصبيــه ع سبــــة تيلفون؟!

وبعـــدين في تيلفون يديد نازل روعــــه باخذلج أيـــــاه ما تبينـــه هـــذا جديـــم عطيني اياه (هــذا عــذر عسب يحتفـــظ فالتيلفون اللي رمس فيه حبيبة قلبـــه ,,, مب ين هالراشـــد)

غـــــلا وهي مستغربــه تصرفــات أخوهــا اللي كان عاقـــــل بس الحين ولا يخصــه: لا شكــرا ,,, تيلفوني وأباه ,,, وبعـــدين ليش ما خليتني أرمسهــــا؟! وليش منزل تيلفوني تحت؟!

(اففف منهــــا بلـــوه)

راشــــد وهــو يحـــاول يرقّــع السالفــــه قـــد ما يقــدر: ترى انتي ما تدرين شو صــــار؟ ما خبرتج؟!

غــــــلا وهي بدت تطفر: لا ماخبرتني ,,, شو صـــار؟!

راشــــد: ترى يوم رديت عليهــا ماكان شي ارســـال اف حجرتــج ,,, فنزلت تحت عسب أسمعــها عـــدل ,,, ويوم قلتلها اني بييبلج التيلفون لي الحمام ,,, قالت لا ما يحتــــأي لأنه ما عندهم وقت وبتدقلج عقب وبس!

غـــــــلا: لا والله؟! احلــف انته بس! ,,,أنا دوم أرمس من حجرتي والارســال full

راشــــد ببلاهــه أول مرة يتحلى فيهـــا: والله

غــــلا: يــــلا عطني التيلفون ,,, بسير أصلي مب مصليــه

راشــــد وهــو يتــهرب للمره الألــف: خلاص انتي سيري صلي وعقب تعالي شليـــه ,,, يمكــــن اترد تتصــــل وانتي اتصلين!

غـــــــلا وهي خلاص معصبــــه: رشـــــــــــــــــوووود؟!

راشــــــد: هههههههه ,,, أسولف انتي صدقتي؟ (جــذاب كان يجس النبض يمكن اتوافق ,,, بس خاب ظنـــه ,,, مستويه سوسه أخته اليوم)

راشــــد من ورى خـــاطره: هــــاج يودي تيلفـــونـــج

غـــــــلا شلت تيلفونها وتوها بتركب الدري جـــان يزقرهــأ راشــــد: نعـــــم

راشــــــــد وهو يتقرب منهــــا وباسهــا على راسهــا وغـــلا متفاجئــه: هاي البوســــه من عنـــد جــــــوري وصتني أعطيج اياها

غــــــلا وعيونها تدمــــع من الشـــوق لبنت عمهـــا ومن القهــر لأنها ما رامت اترمسها وهي اللي من الصبـــح تتريــاها: فديتـــج جوجو اشتقتلج

وربعت ع الدري ودخلت قسمـهـــــا

وتــم راشـــــــد يفكـــر شوي: مب بس أنا اللي أحبـــج يا جـــوري ,,, الظــأهر انه بيكون عندي وايـــد منافسين! الله يعينني

ونش يركب الدري وهو حـــاس بنشـــــاط فضيـــــع ونســى سالفــة الصداع وتم يدندن أغنيـــة ميـحـــد

مرحبـــــا بطــارش نباكــــم ,,, عـــــد قــولي وارتييكــــم
دوم واعيـــــونى تباكــــــــم ,,, لا ولا قلبى نسيكـــــــــــم

أما فالطـــرف الثاني

فمن عقب ما خلصت جـــوري مكالمتهـــا ,,, يتـهـن ايليــن وطلبت منهن ينزلن تحت صوب البوفيــه عسب يتغـــدن لأنـــه الوقت قاعــد يمر بسرعـــه فضيعـــه ,,, فســارن يضبطن عمــارن شوي استعدادا للنزول

أما فالشـــاجـــه وبالتحــديد اف بيت بو حــــامــــد

من عقــب مكالمــة جـــوري ,,, أم جـــوري ما وقفت صيــاح

بو جـــوري اللي ماخــذ اجازه اليــوم: بســـج من الصيــــاح ,,, تراهــا بخير ورمستـــج ما عليهــا شر ان شـــاء الله

أم جـــوري: ياويلي ,,, ليتني ما طاوعتــــك ) وتمت اتصيــــح)

بو جـــــوري: أفــا عليـــج انتي بس! ما يطيــع زينـــج يا فطيــــم ,,, كلـها 4 أسابيـــع وبتردلنــا بالســلامــــه ,,, لا تسويــن بعمرج جذه ,,, ما اتهــونين عليــــه
(مب هين الشيبـــه بعـــد ,, لووول)

وبــعــدين أنا مب سادنــــج؟!

ويأشر على عمـــره: طـــول بعــرض ووســـامه ,,, لا وماخذ اجازه عسب أيلس وياج

(فعــــلا ,,, فـ بو حـــامــــد ريــال وسيـــم بالنسبــه للي اف عمـــره ,,, واللي يشوفــه يعطيـــه أصغــر عن سنــــه ,,, هـــذا غير شخصيتــ اللي تحليـــه أكثر وأكثر وتعطيـــه جاذبيـــه فوق الجاذبيـــه اللي يمتلكها من الأســـاس فهــو شخــص مهيــوب اتفزله الميــالس وكلمتـــه مسموعــــه عند الكـــــل ,,, ويا حـــظ أم حــــامد فيـــك)

جـــان تبتســم أم جـــوري لريلهــا اللي اتعــرف انه محـــد متضايق على غيــاب جــوري كثره لكنــه مع هــذا يرفع من روحهــا المعنـــويه ,,, يالله اشكثر اتحب هالانســان

وجـــان يردلهــا الابتســامـــه بوحـــده أحلى عنهــا: يـــــلا عيــــل نشي اغسلي ويــهــج خــل نتغــدى ,,, ترى ان ما اتغديتي ما بتغـــدى

ونشت تغسل ويهها بنــاء على طلب زوجـها الحبيب وســارت تتغــدى مع انهــا مب مشتهيــه العيشــه بالمــره

.
.


أمــــا اف دار الزيــــن

مـهــا ومنى وجـــوري توهــن نازلات تحت وجــان اتيهــن ايليــن واتقولهن ينزلن المطعــم اللي تحت وهي بتلحقهــن عقب شـــوي ,,, وهــن نازلات ,,, صــادفن مجمــوعــة شبـــاب ,,, وكملــن دربهــن لتحت

أمـــا الشبـــاب فتمــوا يتلفتــون لبعـــض منبهريــن بالجمـــال اللي شافته عيونهـــم

واحـــد منهـــم: يـــاويــــــل حاليـــــــــــــه

الثاني: آخــر شي كنت أتوقعــــه اف هاليـــوم المنحـــوس ,,, اني أشوف غراشيب ,,, كل وحــده اتقــول الزيــن عنـــدي

الثالث: آآآخ من الهنتين المطقمـــات ,,, صــدق عــذاب

الثاني: هـــزرك توأم؟! (وكانوا يطرون بهالرمســــه منى وجـــوري ,,, لأنهــن مطقمات فاللبس ,,, وطبعــا ذكرنــا اف بدايــة القصـــه ان الهنتين يتشــابهن مع فروق بسيطــــه اتميز جـــوري أكثر ,,, امــا مـــهـــا فكــانت ما اتحب اتطقــم وياهــن ودوم ضرابتــن على هالسبب ,,, فهي اتحــس انه هالشي سخــافــه وهــذا غير انه ذوقهــا وايـــد كلاسيــك وبسيــط غير عن ذوق منى وجــــوري اللي فيـــه شوي جــرأه وصرعـــات)

الأول: شكلهــن هب من العيـــن ,,, أظــن انهن من بنـــات دبي

الثـــالث: فديت دار الحي يعلني أفـــداها يوم انهــن منهــا

الثــاني: خـــل نتبعهـــــن

الأول والثالث: غايتـــــــــــــــــــــــه

تحت فالمطعـــــم صوب البوفيــــه

جـــوري وهي محتاره: ما أعرف شو آخـــذ ,,, احس اني يوعــانه واف نفــس الوقت مالي نفــس
منــى: أنـــا ميتــــــه يوع ,,, باكــــل أي شي

مــهــــا وهي اتأشـــر على Ch!nees r!ce: هـــذا شكلـــه حلــــو

منــى: خــــلاص أنا باخـــذه ,,, جــــوري انتي بعـــد خذيـــه (هــاي هي منى ,, دايمـــا تبا اتخلي جــوري تاكل من نفــس أكلها لووول)

جــــــــوري: اممممممم خـــلاص أوكي

وجـــان يدخلــون الشبـــاب المطعـــم وكأنـهـم يدورون على شي وحصلوه ,,, وجــان يتقربون من البوفيـــه وين كانن البنـــات واقفــات

الأول: احم احم

منى وجـــوري ومهـــا ســـون طـــاف وشلــن أكلهــن ويلســـن اف طاولــــه ع الركــــــن

امـــا الشبــــاب فســاروا صــوب البوفيـــــه وخذولهــم أكـــل مع انهــم توهـــم متغــديــن ومن نفس المكـــان وهاللي خـــــلا شكلهــم وايـــد غلـــط خاصــه للي شافوهـــم فالمطعـــم من قبـــل ,,, بس هم ما اهتمـــــوا لهالشي وســأروا يدورون طـــاوله قريبـــه من طاولــة البنـــات ويلســوا ع الطــاولــه المجابلـــه من جـهـة اليمين وكانن مهــــا وجــوري مجابلينـهم

جـــــوري لمهــــا: هاييل ما لقــوا الا يجابلونـــــا أفففف

مـهـــا: حسبي الله عليهــــم ,,, مادري أحس فيهــم لواتــه وما يبون يتغــدون بس الا جيه يغصصون ابنـــا!

منى وهي مندمجــــه فالأكـــل: بلاكـــن؟ شالســالفـــه؟

جــــوري وهي مب رايمـــه تاكـــل شي من نظراتهــم لهــا: في 3 شبــاب يلوعون بالجبـــد مفلّــع مجابليننـــا ,,, افف أبا آكل

منى: والله ما عنـــدج سالفــــه كلي أكلـــج وجنهــم مب موجودين

ع طــاولة الشبـــاب

الأول: اسميني ما ببــــات الليلــــه ,,, يخرب بيتهـــا شو حلــووووه

الثــاني بتأييــــد: طرررررر

الثالث: بس ما اتلاحظـــون عاطيننـــا بو لابــــس

الأول: عادي عادي كلهــن جي فالبـــدايـــه بس بعـــدين يطخـــــن ,,, اسألني أنا بوشهــــاب وخـــابز البنـــات اب ايديـــــه

الثــاني وهــو يطري جـــوري: بس شكلهـــا خقاقــــه

الثـــالث: وليش ما اتخـــق؟ لو هــــاي ما اتخـــق عيــل منــوه يخـــق ,,, موزه صحيبتـــــك؟

الثـــــاني: ههههههه لا ما أسمحــلك ,,, كلـــه ولا موازي ,,,هاي عشــرة عمـــر

الأول: أمحــــق! يدلعهــا بعـــــد!

الثالث: مب منـــــــه ,,, ساحرتنــــه بنت اللذيــن

وجـــــان يضحكــــون بصـــوت عالي وما تــم حـــد الا وسمعـهـــم

ع طـــاولــة البنــــات

عــاد الحينـــه مهــــا منــوه أيــودهــــا صـــدق كانت مفولـــه وجـــان اتقــول من القهـــر وهي مب قاصــــده اتسمــعهم بس طلعت بصــوت عالي: ضحكتــــــوا من سركـــــم!

جــــوري: اييييه مهــــووووه!! صوتــج عالي! ما نبــا فضـــايـــح


الشبـــاب سمعــوا مهـــــا يوم قالت اللي قالتــــه

جــــان ينش واحـــد منـــهــم ويقرب من طـــاولــة البنـــات

جــــوري: أميييي ياي صوبنـــــا ,,, قومـــــن خـــل نظــر بلا فضــايح!

مهــــا: عيــل والله مانــش ,,, وبجــــوف شو يســــوي!

منـــى: لاحــــــول

يوم اتـقرب من الطــاولـــه قال بقلــة أدب: الشيخــــه ,,, ماحيـــــــده مطعـــم أبــوج!

جـــــان اييييـــــــــــه طـــراق خـــلى راســــه يفتــر: عيـــل شو رايك انه مطعــم أبوهـــــــا وشو رايـــك انك الحينــــه بتظهــــر من هالمكــــان بالزيـــن مع اني ما أظن ان اللي من أشكــالك يعرف السنــع والزيــن

حس عمــره حشـــره من عقب هالاهــانــه اللي يتــــه وطلــع من المطعـــم ووراه ربعــــــــه

أمـــا هذاك الشخــــص المجهـــول رد مكــــانه وشــل أغراضــــه وطلــع من المطعــم مع واحــــد كــان ويـــاه بدون أي كلمـــــــــه

منــى ومهــــا وجـــوري حســن وكــــأنـــه حــــد صاب عليهـــن ماي بـــــارد!

وجــــوري فاجـــه ثمهـــــا وشكلهــا مثل اليــاهـــل المندهــش!

ومهـــا تمت اتصيــــــح ع المــوقف وحست انها السبب فاللي صـــار

.
.
.


فالشـــــــــارجــه وبالتحـــديد اف بيت بو خليفـــــه

نش حــــارب ع من الرقـــاد ومســـك تيلفونـــــه ولقاه مفضي: شيييييت! أكيـــد الحيــن جــوري متصلــه ولقتــه مغلــق!
واف هاللحظــــه كان راشــــد طالـــع من الحمـــــام وهو مستــانس على الآخــــر ولاف الفوده ع خصـــره والفوده الثانيـــه يجفف فيهــــا شعـــره وانتبــــه لحـــارب: هـــاااا صـــــح النــــوم

حــــارب: صـــح بدنــــك ,,, ياخي ليش ما وعيتني! أكيـــد الحيـــن جـــوري متصلــه والمشكلــه تيلفوني امفضي ,,, عنـــدك جراجـــه؟

راشـــــد: أفــأ عليــك عطني اياه بجرجـــــه (وخــذ التيلفون عن حــارب وركبـــه فالجراجــه ع المكتب) وهــو يكمــل كلامـــه: وبعـــدين انتــه كان شكلك وايد مرهق فمـــا حبيت أزعجـــــك وع طــــاري جــــوري (وهو يتفداها اف خاطره) خـــلاص وصلت بالســـلامـــه واتسلــم عليـــــك

حــــارب: وانتــــه اشــدراك؟!

راشــــــد وهو مب عارف شو يقــول: هااا لا ماشي ,,, بس هي اتصلت اب غـــلا ,,,, وخبره السالفــه كلهـــــا

حــــارب: وجيــه ما وعيتني عسب أرمسهــــا؟!

راشـــد وهو يقــول افخــاطره: ولّييييييين! ألاقيهــا منك ولا من غلــوه ,,, عوذ بالله حاســديني على هالكمــن دقيقـــه!

راشـــد لحــأرب: ترى قلتلك كان شكلك تعبــان وبعــدين هي كانت مستعيلـــه فما طولت وعمـــوما هي قالتلي انها بتدقلك متى ما فضت

حـــــارب: فديييت روحهــــــــــــــــــــا (وشوي ويوصـــل مســــج لحـــارب)

راشــــد ســار اييب التيلفــون: منــوه قــدك ,,, أول ما فتحت التيلفون اتهــل المسجـــات

حــــارب وهو يطــالع المســـج: يالحســــــــــد ,,, هــاي جـــوري فديتهـــــا ,,, أظــن امطرشــه المســج يوم حصلت التيلفون مغلــق

راشــــد بغيره: عيـــل ما خبرتني!

حـــــارب: نعـــم نعـــم! ليش الشيـــخ؟ ليكــون تباها تستأذن منـــك قبل لا اتطرشلي مسجــــات

راشـــــــــد: هههههههههههههه لا مب القصـــد بس هي قالتلي أوصلك ســــلام فما اتوقعت انها مطرشتلك شي!

حــــــارب: والله أختي كيفهـــــا اتوصلي ســـلام ,,, اتطرش مســـج ,,, كيفهـــا

راشـــد وهو يمشــط شعــره: من ناحيـــة كيفها فهي كيفهـــا

حــــارب وهو يطالعــه بنص عين: هيه جيـــــه اصطلب

راشــــد وهو فاج عينـــه وجــان يفـــر حـــارب بالمشـــط: عنلاااااتك ,,, مصطلب من قبــل لا أشــوف ويهـــك

حـــــارب شـــرد للحمــــام عسب ياخـــذ شـــور وهو ناقــع ضحــــك

وعقب ما صلى راشــــد ,,, طلــع يشــوف خواتـــــه ولقاهــن فالصــاله الفوقانيــه يطالعــن تيلفزيــون

راشـــــــــــد وهو يبا يزيغهـــن: بوووووو

غـــــــلا وروبي زاااغـــــن وصريخهــــن وصـــل آخـــر الدنيـــــــــــــا

راشــــــد وهو يضحـــك ع خواتـــــه سمـــع صوت قوي من قسمــــه وصــرخـــه وربـــــع صوب قسمـــــه وهو زايــــغ ولحقنــه غــــلا وروبي


.
.
.

(نهـــــــــــايـــة الجــــــــــــزء الســــادس)


يا ترى شو الســالفــــه؟ وشــو كان هالصـــوت؟

شو بيكـــون مصير بطلاتنــــا الثلاث؟
ومنـــو اللي كـــأن المطعــــــم ودافــع عن البنـــات؟ وليــش هــذاك ما دافــع عن نفســـه وطلــع على طـــول؟

وشو بيكــون موقف ايلين يوم بتعــرف عن اللي صــــار؟

وليــش مهـــــا مهتمــــه هالكثر براشـــــــد؟ ووين ولــد عمهـــا من حياتهــــــا؟
.
.
.

وتســاؤلات كثيره بتلاقـــون اجاباتهـــا فالبــــــــــــــارت المقبـــــل.
.
.
بانتظــــــــــــــــــار تحليلاتكـــــم وردودكـــــم

.
.
.


لكــــم كــــــل الــــــــــود

الجــــــزء الثـــامـــن

شعــــــورٌ آخـــــــر ....... !

اف دار الحــلا والزيــن

ينــولـــــد يبكي وتبكيـــــــه السنيـــــن
دنيــة الانســــــــانبالدمعــه بداهــــــا
ويبتــــدي يكبــــر ومأساتــــــــــه تبين
فرحتـــه لــو جــــات لاقـــى منتهاهــــا
يفتكـــــــر انـــــه أميرالعـــارفيــــــــن
يحسب الدنيــــــا تحت كفّـــــه طواهــــا
مـا درى انالدهـــــر كلــه ساعتيـــــن
ساعــةٍ عنـــدك وســاعه مــا تراهـــــا
ريتهــا الدنيـــا تســــاوي دمعتيــــــــــن
دمعــة الأحـــزانوالفـرحـــه وراهــــــا

انفتحت أبــواب الفيــلا الأشبـــه بقصــر منقصـــور ألف ليلــه وليلــــــه ,,, دخلت سيــارتـــه بكـــل هـــدوء


ونزلت في الـ underground parking ووقفت فالمكــان المخصص لهــــا ,,,

وألحـــان أغنيــــة حسين الجسمي(ما يســوى) تمـــلا كــل ذرة هـــوافالسيــــاره

والله ما يسوى أعيش الدنيــا دونك
لا ولا تســـوى حياتياب هالوجود
دامـــــــــــــــــــــك انت اللي رحلت

وكيف أبصبر عالبعــاد
وكيف بنثر هالـــــورود

وهــو سرحــــــــان اف كــل حرففالأغنيــه ودمــوعــه خانتـــه ,,, ما قــدر يحبسهــا أكثر ,,, خـــلاص طفــحالكيــــل ,,, 6 سنين وهو متماســـك ,,, 6 سنين ومركــزه الاجتمــاعي يفرض عليــــهقيــود حدّت من حريتــــه ,,, خلتــه ينسى انــه انســــان حاله حـــال البشــر ,,, نسّتــــه كل شي الا كونـــه فــــلان بن فـــلان ,,, الصلب ,,, القـــوي ,,, اللياتفــز له الميــالس من ينــذكر أول حرف من اسمــــه ,,, اللي يهـــز الســـوقهـــز والهــوامير يحسبونلــه ألف حســاب ,,, اللي الكلمــه منــــه أمـــر ولازميتنفــــذ

اليــوم هو انســــــــــان بغــض النظـــر عن كونـــه فــــلانولد فـــلان ,,, اليــوم هو أسير لذكرياتـــــه اللي مب راضيـــه اتفارقـــه وكلمالها اتهاجمـــه بشراســـه أكثر ,,, اليــوم هو محتـــاي انــه ييلس ويا نفســـــهبعيـــد عن كــل القيــود والأعـــراف ,,, اليــوم بس هو وحيــــد مع طيفالريــــــــم

اتنهّـــد بعمـــق وفصـــخ السفره والعقـــال ورد السيت عورى وجـــان يسمــــع هالمقطــع من الأغنيــــــــــــه



بس حسافهالموت كان أقرب وأرحـــم
حسبي الله وحــده ونعــم الوكيـــــــــــل

ضرب ع السكــــان بكـــل قوتــــــه وبكـــل الحرقـــه والألم اللي يحــسفيهـــن: وينـــج يالريـــم؟

ليش تركتيني ليش؟

وصرّخ بكـــــلقهــــــــــر: ليــــــــــــــــــــــــــــــــــــــــــــــش؟ ؟؟؟؟؟؟؟؟؟

ورد اتسانــد ع السيت مرة ثانيـــه ومّرر أصابعـــه الرجوليـــه اف شعــرهالأســود الداكـــن اللي يتخلله بعض الشعيرات البيضا و اللي اتزيده جاذبيهوهيبــــه فوق هيبتـــه

وهو يقــول بصوت أشبــه بالهمــس: بعـــدنيأتريـــا اتصــالج؟

طولتي وايـــــد وايـــــد يالريـــــــــــــــــــم

ومســـك تيلفونـــه وكـــأنـــه ينتظـــر اتصـــال

(وجـــانيدخـــل اف نوبــة بكـــاء هستيريــــــه هو اف اشـــد الحاجـــه لها )

وعقب ما هــدا شــوي ,,, فتــح درج سيــارتـــــه وطلّـــع سلسلـــه معلّقفيها آيـــة الكرسي ,,, عطتــه اياه الريـــم أول ما شرا سيــارتـــه عسب اللهيحفظـــــه,,, مسك السلسلـــــه بكــل حرص وعنايــه وكأنهــا هي الريــم وتميكلمهـــا: ليش عطيتيني اياها؟ ليش؟ انتي تحتاجينهــا أكثر مني ,,, يمكـــن لو ظلّتالسلسله معاج كان ماصار اللي صــار

وعقب انتبــه على كلامـــــه: أستغفرالله أستغفر الله ,,, يارب ارحمني ,,, بس والله تعبت

وحـضـن السلسلـــهبكـــل قوتـــــه وكأنـــه يترجاها ما تتركــه مثل ما تركتـــه صاحبتهــــا

وعقب ما فرّغ هالشحنات من المشاعر المكبوتـــــه حـــس شوي بالراحـــــه ,,, ورد رفــــع السيت واعتــدل اف يلستـــــه وهو يقــول: الحمدلله على كل حـــال ,,, اللهم لا اعتراض ,,, الله يرحمـــج يالغــــــــــــــــلا

وعــدّلسفرتـــه وعقالـــه لأنــه اذا دخل البيت وهو بهالحــالـــه شو بيفكــه من عيوزهوخاصــه وانه بعــد راد هالحزه على غير عوايـــده

سكّــر السيـــارهواتطالّع عمره فالمنظــره عسب يتأكد اذا كان شكلــه ما يثير الشبهـــات ولكنـــهاتفاجأ بمنظــر عيونــــه ,,, كانن وارمات وحمـــــــر

(-------): لاحـــــــــول ,,, الحينـــه شو بيكفني من عيــوزي ,,, الله يستر بـــس

انشــــاء الله اتكــون مسيره على حـــد من معارفنـــــــا


واتوّكـــــلعلى ربـــه وســـار صوب اللفت ودق ع الطـــابــــق الأول ,,,

ثوانيوانفتــــح اللفت ودخــــل بكـــل هيبتـــه الصــاله الداخليـــــه ,,, ثوانيوانفتــــح اللفت ودخــــل بكـــل هيبتـــه الصــاله الداخليـــــه

(-------) وهو يحــاول يتهرّب من نظراتها المتفحصـــــه: مســـــــاءالكــارميــــل كلـــــه

كــارميـــل وهي ساكتـــه وتتطالعــــه

(-------) وهو رافــع حياتــه ويعرف انها كاشفتنه: احم احم فيج شي؟

كــارميـــل: أنا ولا انتيه؟ (انته)

(-------): لا أنـــا بخيروأشقح ,,, انتي شكلج ميهــوده

كــارميــل: هلأ ما تعمول حالك كبرت عليي ,,, لو تكبر ع الدنيي كلا (كلها) بتضل بعداك هالأد (يعني هالكبر)

(وسوّت حركــهبصبعهــــا اتبيّن حجمـــه الصغير بالنسبـــه لها على الرغـــم من بنيتـــهالرجوليـــه الا انها بعدها اتشوفه هذاك الطفل اللي كل ما بغى شي لجأ لها ,,, والحين اتشوفه كل ما ياي يبعــد عنهــــا وهالشي مب عايبنها ,,, مهما كان ,,, هيمربتنــه ويا أمــــه واتحس بالمسؤوليــه تجاهه)

(-------): هههههههههههههه ,,, (وهو يســوّي نفس الحركـــه بصبعـــه) ,,, بس جي وايـــد صغير ,,, (وكبّرصبعـــه شــوي) لو جي ماعليـــه مقبوله يعني هههههههه

كــارميـــل وهياتعرف انه هالمزح عسب يشغلها عن ملامح ويهه المرهقـــه: شو رجعــك بكير من شغلك؟

(-------) اف خاطره: ولّيــن! ما بغينتـــا نفتــك من العيــوز يتنـــاالعيــوز الثانيــــه

كــارميــل وهي ملاحظــه انه يفكر اف جواب: هالأد (هالكثر) صعب الجواب؟

(-------) وهو انتبـــه من سرحانــه: هاااه؟ لاأبــــد ,,, قلت اليوم الخميـــــس وأنا من زمــان ما ريحت خــل أرد البيت أيلسوياكم؟

جـــان ما تبيني أيلس عـــادي ترى برد الشغــــل (وسوّى عمــره بيلفويطلــــع)

كـــارميــل: لآآآآ ,,, شو ترجــع ما ترجــــع ,,, خـــلاص روحارتاح وأنا بدي جهزلك الأكــــل ,,, شكلك مو دايء (ماكل) شي من الصبـــــح

(-------): لا مشكـــورة يا ست الكـــل ,,, بس انا الحين محتاج أرتــــاح ,,, وأوّل مانش ان شـــاء الله ,,, باكــل أحلى أكـــل من أحلى كارميــــــل ,,, وما عليــج أمر ,,, مابغي حــد يدق عليــه البــاب

كـــارميــل وهيمبتسمـــه: من عيــوني تأبرني ,,, نوم الهنــــــــــــــا

(-------) وشبحابتسامه مرسومه ع شفايفه: الهنــــا اف دربــــج

وصعـــد فوقلقسمـــــــــــــه وقفــل البــــــــاب وعق سفرتــه وفتــح أول عقمتين منكندورتـــــه وفر عمــره على قنفــــه طويلـــــه لونهــــا عاجي وغمـــضعيونـــــه بكــل وهـــــن

.

تـــابــــــــــــعالجــــــزء التـــــــــاســــــع)



فالشـــارجــــه

الســــــــــــاعه 8 المســــــــــا



من عقب الدمـــــوعوالاعتكـــاف فالحجره ,,, مسكت القلــم وخطّت كلمـــات عسب اتفرّغ شحنات الغضبوالحــزن والخــوف والشوق اللي فيهــــــا




فـي صـمـت رهـيـب

وبـيـن قـسـوة الأيـام عـلـي

جـلـسـت أنـادي الـلـيـل

وأنـادي الـقـمـر

وأنـادي الـظـلـمـة

وأنـادي الـذكـريـات


و لـكـن ..

مـا مـن مـجـيـب لـحـيـرتـي

مـا مـن أحـديـحـس بـلـوعـاتـي ومـعـانـاتـي

أحـتـاج إلـى مـن يـعـيـش مـعـانـاتـي

لا أحـد يـشـعـر بـحـجـم الألــم الــذي فـي قـلـبـي

أتــعــذب وقـلـبــي تـعـب مـن كـثـرة الـشـكــوى

و أنـا سـئـمــت..

وبـابالأمـل أوصــد فـي وجـهـي .. !!

أبــكـي و أبــكـي ..

و لـكـنالــدمــوع جـفــت مـن كـثـرة الـبــكـاء ..

هـربـت مـنـي .. !!

ومـا لأحـزانـي مـن آخـر ..


إحـسـاس بـالـيـأس يـسـري فـي جـسـدي

لـقـد ضـاع كـل شـيء

أحـس بـالـحـرمـان

مـن كـل مـا هـوجـمـيـل!!

حـيـاة بـلا طـعـم ولا لـون ولا رائـحـة

حـيـاة تـخـلـومـن أعـز إنـسـانـة إلـى قـلـبـي

هـل الـبـعـد عـن كـل أحـبـابـي أصـبـحعـنـوانـي؟!

عـنـوان مـظـلـم

شـعـور يـائـس

رحـيـل كـل مـاهـو جـمـيـل

عـجـزي عـن الـتـعـبـيـر ضـيـاع الـدنـيـا !!

كـل شـيءيـرحـل !!

كـل مـا أمـلـك

حـتـى تـعـبـيـري يـبـخـل عـلـي فـي هـذهاللـحـظـات

و أنـا بـأمــس الـحـاجـة إلـيـه

جــــــــــوري

انتِ الصداقة بكل معانيها،أنت بدايتها ونهايتها..

لا تصدقي اليومالذي سيفرقنا القدر!!

لأنني أحبك بكل عفويتك وبراءتك،وبكل روحك المغامرة

ومهما قسوت عليك،فهذا يعني زيادة حبي لكِ.

لأنكِ أصبحت جزء منتفكيري،جزء من حياتي اليومية..

ولأنك أنتِ الصداقة الطاهرة

نعم!! أنت من أحس بالراحة معه..

أنتِ من تمر الأوقات معه ولا أحس بملل أو كلل

وأعيش في عالم يملؤه التفاؤل والحيوية..


تبعدنا المسافات،ولكنقلوبنا..

مع بعضها،أرواحنا متصلة،أتجرع المرارة في بعدك..

تخنقنيالعبرات،والدموع تسيل مني

لا أرى شيئا يعوضني عنك!!وعن قربك..

سوىالذكريات والأيام الجميلة التي بيننا

سأنتظرك فلا تتأخري

عـــوديالي وكفاكِ مغامرات يا شقيــــه

عــودي حتى أخبركِ بقسوتهم علي في غيابكِ

فقـــط عــــــــودي


لا أسـتـطــيـع أن أكـمـل مـا أريـــدقـولــــه

لانني أفـضـل الـصـمـت عـلـى

الـكـلام....

فلاأظن بأن هـنـاك كـلـمـات تـصـف حـالـتـي وغـربـتـي بالـرغـم

مـن وجـودالكـثـيـريـن حـولـي..

بـالـرغـم مـن الابـتـسـامـة الـزائفـة التـيأرسـمـهـا عـلـى شـفـتـي ..


سـأبـكـي حـتـى أخـفف لـوعـاتـي،سـاحـرقأوراقـي الـقـديـمــة..

سأدعـو بـارئ الـكـون وسألـجـأ إلـيـه...

سأبـحـث وأبـحـث فـي أوراقـي الـقـديـمــة عـلـنـي أبــدل كـلـمـاتـيالـحـزيـنـة التـي أسـكـبـهـا عـلـى أوراقـي التـي مـلت من كـتـابـاتيالـبـائسـة...


لاااااا

سـأبـقـيـهـا تـذكـارا لـقـلـبيالـحـزين حـتـي يأتـي الـفـرح ويـنـيـرلي أيـامـي وطـريـقــي.....


والأن سأغـمـض أجـفـاني حـتـى أحـلـم وأحـلــم وأحـلـم وأحـلــقبـعـيــدا إلــى أرض الأحـــلام

ســأخـلــد فـي نــوم عـمـيـق
ولــنأبـكـي عـلـى حـظـي بـعـد الـيـوم
ولــن أنـاجـي الـلـيــل لــوحــدي

سأرحـل إلـى عـالـم الأحـلام
عـلـنـي ألـقـى الـذي يـخـمـد جـراحقـلـبـي
ويـقـدر مـشـاعـري الـرقـيـقـة
عـلـنـي ألـقـى الـراحـة بـعـدالـتـعـب
عـلـنــي اصـل إلــى أحـــلامــي
الــــــمــســتـــحـــيــــــــلـــــــــة!!


وغمضتعيونهـــــــــــا بكل وهـــن وغطّت اف أحلامهــــا بكــلعمــــق

الجــــــزءالعـــــــــــــــــاشر

عـــالم من نـــوع آخــــــر ........ !



دار الزيــــــن


اندفـــع بكل قوّه ومسكــــــــــه منكندورتـــــه وتم يصفعـــه بدون رحمــــــــه

سعيــــــد: أياالحقيـــــــــــــر ,,, يالنــــــــذل

أنا اتسويبي جيـــه؟ أنا سعيــــدالـ....... تطعنني اف ظهري؟

بشرب من دمــــك يالخسيس يالواطــي

وماودّره الا والدم يغطيــــــه وهــو بين الحيـــــــــــــــاوالمــــوت

والله ماهـــدّك يالجلب ماهـــدّك

وبكــــــلالقهـــــــــــــر اللي فيـــــــــــــــــــــه صرخ صرخــــه كـــأنها زئيرالأســـد من شدتهـــــــــــــــــا: والله في سمــــــــــاه لأخليــــك تدفــــعالثمــــن غالي

الريــــال بكــل جبن ورعب: أأأأأنااآآآآســ....ف


سعيـــــد وهو يعلّي نبرة صوتــــــــــــــــــه: جـــــــــــــــــــــــــــــــــــــــــاااااااب




ومنشـــدّة الصـــوت انتبـــــــه من رقـــاده والدمـــوع اتغطي ويهه وايـــديهترتجــــــف من القهـــــــــــر

سعيـــــــــــد بكــل ألم: آآآآه أعـــوذبالله من الشيطـــان الرجيــــــم ,,, أعوذ بالله من الشيطان الرجيـــم

ودخـــل اف نوبـــة بكــاء هستيريه اتقطّع القلب




يحـــس انه مطعـــون فالظهـــــر

يحـــس بالمراره


سعيـــد وهو ماســك راســــه بكــل قوه عسب يسيطر عالصــداع الليداهمــه فجأه: استغليتـــوا غيابي يالأنــــذال ولعبتـــوا لعبتكـــــم ,,, آآآهيالقهــــر

وعلى الرغـــم من انه السالفـــه جديمـــــه ومرت عليهـــا سنينالا انه يتذكرها عـــدل بكــل تفاصيلها المُرّه ,,, كيف ما يتذكّرها وهي اتمسأغلــى شي عنده بالوجــــود ,,, كيف ينســى السبب اللي خـــلاه ينحــرم من أروعحلــم عاشــــه ,,, السالفه اللي عانى منها وايـــد ومازال لهاللحظــــه ,,, الكوابيـــس ما اتفارقـــــه وخص اليـــوم ,,, لأنـــــه الذكريات هاجمتـــه بكلشراســــــــه وهو لأول مرّه يستسلم لهـــا ويخليهـــــا تحتـــل كل ذرّه من تفكيره

يــذكر كيف وودّر كــــل شي ورد من السفــر مثل المينون عسب ينصعقبالخبر



يــذكر كيف حس انه الدنيـــــا ماعاد فيهـــا خير ,,, ويـــذكر كيف ريولــه خانتــــه ومارامت اتشلـــه ويلس مثل اليـــاهل حاضن ريوله عسلالــم المستشفــى




يــذكر شعــور الغربــة اللي حس فيه وهو افوســط أهله وكيف كان يحاول يبيّن صلب جدام أهله والناس وهو قالحقيقه انسان مهشــممن الداخـــل ,,, يذكــر دموعــــــه المتحجره اف عينــــه ويذكر كان كان ينزويبالساعات بعيـــد عن العيــون ويرثي حالــــه




يــذكر كيفاختفــى عن أنظــارهـــم وقعـــد يمشي فالشــوارع مثل الغريب التايــــــه مع انهاف أحضان الوطــن اللي ضمـــه سنين




ماعاد له وطـــن منعقبهــــا ,,, تم يمشي ويمشي ويمشي بس مايدري لويــــن ,,, يحس الشــوارع مب نفسهاوماعاد لها لون ,,, من حــزنـــه حس انه كــل مكان يروحلــه يسأله ليش هالمرةوحيـــد؟ وين محبوبتــــك؟ ,,, حتى الأماكـــن افتقدت وجودج فما بالـــج أنا ,,, كلشي راح اف لمــح البصـــر ,,, فهي راحت وراح معاها أروع حلــــــــم


وقطـــع تفكيــره صوت أذان الفير

وحــس انه كان محتــايلهالصوت ,,, محتــــاي شي يحسسه بالطمأنينــــه والراحــــه ,,, شي يطبطب علىجتفــــــــه ويقولــــه الدنيـــا بعدهــا بخير والله مثل ماخذ منك بيعوّضـــــــك ,,, لسنين هو اللي شايــل مسؤوليــة البيت ,,, هو اللي يطبطب ع الكـــل ويكفكفدموعهـــم ,,, هــو اللي يمثل لهم الأمــــان ,,, لكنــــه اليـــوم بالذات يباحــد يقوم بدوره معـــاه حتى لو لدقايــق معدوده عسب يسترد فيها نفســـه ويرجـــعسعيـــد القــوي اللي ما يهاب بس ينهـــاب ومافي حــد ممكـــــن يلجـــأله ويخففعنــــه ويفهــم تفاصيله الا ربـــــــه ,,, فهــو أدرى بحـــاله وأدرى باللي مـــرفيــه هالانســـــان اللي اف عمــره ما غلـــط على حـــــــد

يلس يسمـــعالأذان وحس بالسكينــــــه ونش يتمســـــــح عسب يتوجّه لربــــــه عسى يخفف عنـــهمصابــــــه ويقوّيـــه

الجــــــزء الحـــــــاديعشـــــر

أوّل الغيث قطـــره........ !



دارالزيــــــن

نش من رقـــاده بكـــــل كســـــــــل ,,, وعلى طــول لف علىتيلفونـــه اللي كان ع السايلنت عسب يشوف المكالمــات والمسجـــات ,,, وما يحتــايأقولكـــــم كيف التيلفون محــروق اتصــالات ومسجــات عتابوشـــــوق

حمــــدان: ههههههههههه قسم بالله متفيجــــــــات ,,, الحينه شوبيفججني منهــــن

لو أقولهــن راقـــــــد ما بيصــدقن

بلامبــالاه: عنهـــن ما صدّقـــن ما حفلت بهــــــــن خخخخخخخخخخ


ولف عالســــــاعه لقاها 10 الا ربـــــــــــع

حمـــدان: شيت! كيف رقدت هالكثر؟الحينـــــه أنا أرد من الكليـــــــــه عسب أتم راقــــد والقهـــر لازم أرداليــــــــــــــــــوم

افففف متى الله بيفكنـــــــا منهالعنــــــــــــــــــا

واتـــذكر هاييــــج الضيفــه الحلــوة اللي كانتزايرتنهـــم البــــارحه: شيت! انا قلت بسير أسبــح وبرجــع أطفّر بها ,,, شكلهاحلــو وهي مطّفره هع هع هع

وفجــأة زعــل: أكيــد روّحت الحيناففففف

ونش ياخـــــذ شــور عسب ينزل يتريّق وياهلــــــــه

.
.
.


تحت فالمطبـــــــــخ التحضيري


أمسعيـــد: حمّـــودوه؟ حسبي الله على ابليس شو تسوّي فالمطبـــخ؟ اظهر اظهر يدّامي

حمّــــــود وهو يراقب جـــوري وهي تشتغـــــل : أمايــــــــــــهأساعدهـــــن فالشغــل حرام

جـــوري ميــوده عمرهــا بالغصب واف خاطرهاتنقــع ضحــــــــك ,,, من أول ما نش لازق ابها

كــارميـــل باستغراب: هــلأ صــارلي كم سنـي بهايدا البيت؟! بعمري ماشفتك ساعدت حــدن منــــــــــــا

وجـــان تغمــز له: اشمعنى اليــوم بالزّات صرت خدوم تأبرنيههههههههههههه

أم سعيــــد: ما عليـــج منــه هــذا ,,, لا تشوفين طــولهشبر ,,, أكبر لوتي امررره يقلّــد حمــدان اف كـــــل شي

حمـــدان دشالمطبـــخ اف هالحــزه: سمعت اسمي شبلاه حمــــــــدان؟

أم سعيــــد: شبلاهبعــد غير انــه مضيّــع المذهب ومعلّم خوه هالسوالف البطاليــــه حشى غـــدى أخسعنـــــك

حمــــدان ويحب أمـــه ع راسهـــــــــا: أفايالعيـــــــوز

أم سعيــــــــد: عيز حيلك مســود الويــــــــــه ,,, عيــوز اللي بتظويـــــــــك قول آميـــن

جــــوري: هههههههههههههههههههه

وحمـــد ما صدّق شاف جــوري تضحــك وهو بعــد وياها عالخــــط: ههههههههههههههه

حمـــدان وهو يشوف حمـــد: ضحكت من سرّك وايــديضحّك؟

وتوّه بيلف يهازب البشكــاره اشعنـــه تتضحـــك عليـــه واتفاجـــأانها الحلــوة اللي زارتهــم البـــارحــــــه: وانتـ.....؟؟؟؟؟؟ هـــــــــاي شويايبنهــــــــا المطبــخ؟


أم سعيــــــــــد: شبــلاك؟ البــارحــهشايفنهـــــــا يوم كانت يايــه من المكتب وبتشتغـــل عدنـــــــــا هالشهـــر ليماتي الخدامـــــــــــه اليديده

حمـــــــدان وهو مستغرب: أيـــــــــــواااااااااااا

حمّــود الدب: افففففف خـــلاص ما نبا خدامــهيديده خـــل جـــودي اتم عدنــــــــــا

حمــــــدان: طاع ويهــك انتهيالدب وبعدين سر اغســـل ويهـــك ظنّي أول ما نشيت حدرت المطبـــــــــــخ امفعليـــــــــك

حمّـــود بغضب وغزوزه اتلوّنت باللون الأحمـــر: والله غسلتويهي انزين انته ما يخصـــــــك

أم سعيـــد لحمــدان: يوز عنولـديــــــــه لا تطفّر بـــــــه

وجــان تلوي عليـــــــه وتقرص غزوزه: ولــديــه ازقرتي ما ينزل تحت الا عقب ما يسبـــح ويبدّل صحفديتـــــك؟

حمّـــود اللي فعــــلا يسوّي جيه كل يوم الا اليــوم فهــوفعـــلا نط من سريره وعلى طــول نزل تحت يدوّر الحلــــوة ع قولتــــــــه: هيــــهصــح أمايــــــــــــــه

حمــــــــدان: اخرررررررررط

حمـــــدوهو ياخذلــه سندويشــــه من اللي اتسويهــن جــــوري: أمـــــااااااايــــــه شوفيحمــدانووووووووه

حمــــدان: بسّك أكـــــــل غديت دب أخافك ما اتدش منالبـــــــــاب

حمـــــد عصّب وعيــونه دمعت من القهـــــــــر وفرالسندويشــــه وظهــر من المطبـــخ

أم سعيـــد: ويديه حمــدانوه اشعنــهتكسر بخاطر خوك؟ نسيت عمرك يوم كنت كبره؟ كنت شراتــــــه والحين امرررره غديتصومالي

جــــوري اتطالعتــه بشماتــــــــــــه

حمـــدان وهوقافــــــط: أمايــــــــــــااااااا! اتريي خــل اتخلّص هالدوره جــان ما ردّيتأبيض شـــوي وبسير أتمرّن

وبكــل حسره قال : خل ارد العضــلات اللي اختفن << يغمضون الشبــاب لوول

جــوري من سمعت رمسته اتذكرت حروب خوهــاالمهووس بجسمـــه وعضــلاتــــه وقالت افخاطرها: الظاهر كل الشباب مخبّل

وجــان يطالع جــوري اف هاللحظــه وقال: وبعــدين لا تشمتين العـــذّالفينــــــــــــا

أم سعيـــــــد: وانا صاجه عند ربّي ,,, من دخلت هالدورهاممرره غديت أســــود

حمـــدان وهو منصدم من رمســة أمـــه ,,, هو صــح مسمرمن الكراف والشمس بس مب أســود مول: أمـايــــــــــــــــــــــااااااااااا مايقولون أســـود يقولون أسمـــــــــــر

أم سعيـــــــــد وهي مب فارقهعندها: كلـــه واحــــــــــد

واتحركّت تبــا تظهــر من المطبــــــخوجــان اتقول: كارميـــل فديتــــج يلا خفــن اديكـــــــن شــوي ,,, يلا هبابهــميتريقون اليــوم اليمعــــــــــه

كـــارميــــــــل: من عيـــوني

أم سعيــــد: تسلم عيــونج فديتــــــــــج "وظهرت منالمطبــــــــخ"

حمــــدان تم لروحــه ف المطبـــخ ويا كارميــــــــلوجـــوري ووحـــده من الخـــدم ,,, جـــان يقرّب من جــوري بطريقــه اتنرفــزوخذلــه شندويجه من السندويجات اللي اتسويهــن وقال بصوت واطي ما تسمعه الا جــوري: الحين في بشكــاره تتعطّر بـ CHANCE CHANEL ؟ "وغمــز لها وظهـــر"

جــــورياحترقت وويههــا صار بميــة لون وقالت اف خاطرها: ابيـــه شو قصـــده "وتمّتمتنرفزه"

جـــوري اف خاطرها: الحمدلله انه اليوم بيرد الكليــه وبفتـــكمنــــــه ,,, صدق السالفه مب هينـــــه وشكلي بنكشف ولا يمكـــن انكشفت ,,, ياويلي بصيـــــح


كــارميـــل: جـــودي؟ أنا حطيتلّك الفطـــور ع جنب ازاحبّيتي تفطـــري بنتي

جــــوري بابتسامــه ممتنـــه: شكــــراكارميـــــــل

كـــارميـــــل: والله أحلى العربي عليكي ,,, ازا بتعرفيتحكي احكي هيك ع طول

جـــــوري: شوي شوي Half English, Half Arabic

كــارميـــل: ههههههههههه أوكي ,,, يــــلا خـــل ننئــل "ننقـــل" الأكـــــــل لغرفــة الطعــام

جــــوري: أوكي

(الجـــــــــــزءالثــــاني عشــــــــــــــر)


الوجــــه الآخـــــــــر ....!



اف دار الزيــــــــــن


كـــارميــــل كانت معجـــوري فالقســــــم العلـــوي من القصـــــــر واتخبرهــــا شو مهامهـــــا مناليــوم وســــاير ,,, وقالتلهــا انه كـــل بشكـــاره لهــا مهام خاص فيهــاواتكون مسؤولــه عنه فالقصـــــــــــــر

كــارميـــــل وهي تفتـــــح بابقسم من الأقســـام: جـــــــــودي ,,, انتي بدّك اتكوني مسؤولـــــه عن هايـــداالاصــــم (القســــم) وهوي اصــــم الاستـــازسعيــــــــد



جـــوري اف خاطرها: الحين مالقــوا الا يخلّونيمسؤولــه عن قســم هالخقّاق! اوووف بس بعــد أحسن عن حمدانوه

كـــارميـــلوهي اتكمّل شرح: اللي كانت أبلك (قبلج) هون كانت بتعرف كل صغيري وكبيري فالاصـــــم (فالقســـم) ,,, لأنــو الاستـــــاز سعيـــد ما بيعجبوا شو ماكان ,,, بيحب كل شييكون بمحلــو ,,, هــلأ ماتخافي أنا بدّي علمــك كل شي وانتي شكلك مزوأه (مذوقـــه) وزكيــــــه (ذكيـــه) وراح تفهمي الشغـــل ع الطــاير

وتمتكـــارميـــــــــــل تشرح لجــــوري وتعطيهــا فكــره عن هالسعيـــــد اللي مول ماتبلعــه جـــــــوري واتحس انه كتلة غموض ودكتاتوريــــــه ,,, وخبّرتهـــا عنمواعيـــــد تواجـــده فالبيت ومواعيـــــد شغلــــــــــــــــه بحيث اتعرف متىبالضبـــط تبدى شغلها ومتى اتخلصــــــــــه

كـــارميــــل: فهمتيبنتي؟!

جــــوري وهي تتأمـــــــــل القســــم: Yes Carmel

كـــارميـــل: برافـــو عليكي

قســــــم سعيــــد كان أكبرقســــــم فالقصـــــــــر ويتكـــون من عــدة أقســام فرعيــــــه ,,, تمتكارميـــل اتمر على هالاقســـام وتشرح لجوري بعض الأشيــاء اللي تتعلّق بكـــل قسمعلى حـــده ,,, مرّوا ع غرفـــة النــوم الرئيسيـــــــــه واللي بدورهـــا تتكونمن ارتفاعين ,,, الارتفاع الأعلــى كان للسرير وملحقاتـــه والجزء الأقــل ارتفــاعكان ليلســــــه حميمـــــه وهــذا غير الـ Dressing Room والحمام



ومرّوا ع غرفــــــه ثانيــــــــه فالقســـــم وكانت شبــهفاضيــــه ومساحتها كبيره,,, ومثـــل ماقالتلها كارميـــل فهالغرفـــــــــه هيغرفـــة الاسترخــــــــــاء والهــــدوء ,,, الاضـــاءه تدخــــــــــل لها منكـــل جهــــــــه ,,, فيهــــــــا نظام ستيريو صوتي ,,, بمجــرّد تشغيلهيبـــــدى صوت الموسيقى ينتشر فالغرفــــــه بكــــل شفافيــــــه وعذوبـــــه وهوما يستخدمهــا الا للـ Classic Music يوم يكــون صدق مرهــق من الدوام ويبغي ييلسويا عمره ويصفّي تفكيره ,,, وتنتشر فالغرفــــــــــه مخـــاد عريضــــــه تغري أيشخـــص انه يتقرّب منهــــــــا ويجــرب ملمسهــــــــا

وفالقســـم الثانيمن هالغرفـــــه الفريده من نوعهــــــا فيــــــه حــــوض جاكوزي محاطبالرفاهيـــــــه من كل الاتجاهات ,,, فعــــــلا استرخـــــــــــاء بكل ماتعنيــــه الكلمــه من معنى




جـــوري اف خــاطرها: كيـــفمدلّــع عمره!

وعقب انتقــلوا لركـــن ثاني من هالقســم الاسطــوري وهوركـــــن المكتب واللي كان ملكي ويدل فعــــلا انــه هالشخـــص عملي جــدا ويقدّسالشغــــــل وايــــــد وماعنده وقت لأي شي ثاني على عكــس غرفــة الاسترخـــاء

جــــوري افخاطرها: شو هالتناقض الغريب افهالانســـــــــان!!!!!!!!!!!

اللي يشوف هاييج الغرفــه يقول انه هالشخـــصبس يحب يدلّع عمره! واللي يشوف هالمكتب يحس انه هالشخص ماعنده وقت مول! صدق انهغريب!

وعقب اتذكرت مكتب أبوهــــــــــــا اللي كان مقارب لهالمكتب من حيثالمساحــــه والجديّــــه بس بستايــل ثاني أقرب لذوق جــــوري يمكــن لأنــه مكتبأبوهــــــا وكل شي يخصــه تعتبره الأحسن ,,, جــوري افخاطرها: فديتك باباتي ,,, كنت أتحرا انك الريال الوحيــد المشغول فالدنيــــــــــا ,,, أثاري فيه وايـــدشراتـــــــك ,,, بس انته وين وهذا وين؟!!! انته غير ودومــــــك بشوش وحنون بسهــذا خقاق وما يبتســم مول

كــارميــل كانت اتراقب ملامح جــوريالطفوليــــــه اللي ترتخي أحيانا وتتجمد اف أحيان ثانيــــــــه ,,, حست كيفهالبنيـــــه مثل الأطفـــال اللي ملامحهــم تتغير بسرعـــــه وأي شي ممكن انهيزعلهــم أو يرضيهـــــم ,,, كانت جـــوري لكــارميــــل كتاب مفتوح تقــدر تقرىتعابير ويهها المفضوح بحكــم كبر سنهــا وخبرتها فالحيــاه هذا غير انها اتحس انههالبنيه قريبــه من قلبها بشكل غريب هي نفسها مب قادره اتفسر السبب

ومرّواع غرفـــة التيلفزيــــون وعطتهــا فكــره عن كيفيـــــة تهييء الغرفــه فيحـــــــال حب سعيــد انه ييلس فيهـــــــــــــا ,,, وعقب مرّوا ع بغض الغرفالثانيـــــــه

جـــوري اف خاطرها: ياربيـــه! هاي روحهـــــا شقــــه! الله يستر!

كــارميـــــل اللي كأنهــا قرت اللي يدور اف خاطر جــوري: ماتخافي بنتي ,,, أنا بعرف انو الاصـــم كبير شــوي وبدّوا اهتمام بس الاستـــازسعيـــــد ما بيقعود (بيقعـــد) فالبيت كتير ولما بيكون بالبيت أكتر مكـــانبقعــود فيه هو المكتب وبعدا (بعدها) غرفــة النوم ,,, فمنشــأن هيك بدّك اتديريباك ع غرفــة المكتب كتير لأنــو بيتساهل بكل شيي الا بالمكتب ولعلمك هوي ما بيسمحلمين ماكان انو يدخــول (يدخل) هالغرفـــي

هزّت جـــوري راسهــا اشــارهانها مستوعبـــه وموافقــه بعــــد

وجـــوري فعــلا كانت اتعرف شو يعنيالمكتب بالنسبـــه لرجــال الأعمـــــــــال ,,, فعـــــلا فأبوهــا يقضي أكثروقتـــه فيـــــــــــــــه

كارميـــل بابتسامــه حنونـــه: اليومالجمعـــه والشغــل خفيف ,,, ومن بكــرا ان شــأء الله بتبدي الشغــل من أول مايطلع الاستـــاز من البيت ,,, وهـلأ بدنـــا ننزل تحت لورجيكي بائي (باقي) الفيلالتاخدي فكـــره بس

جـــوري بشبــه ابتســامــه وهي حاســه انهــا ما بتطوّلاف هالقصر وايـــد وهي مب حمل هالمسؤوليــه العوده وخاصه مع هالسعيــــد: mm Ok let's go

وســـاروا عسب يكملن جولتهـــــــــن
فالطرف الثــــاني مندار الزيـــــــــــــــــن


مهــــــا وهي مب رايمـــه تتنفس ودموعهــاشوي بتنزل: أأأأنـــــــا

منصـــــــــور بعصبيــــــــــــه: انتيشـــو؟؟؟؟؟؟!!!!!

مهـــا زاغت من عصبيتــــه وتمتاتصيـــــــــــــح

منصـــور رق قلبـــــه يوم شافهــــا بهالحاله بس بعــدهمعصب ويبا يفهــم السالفـــه قبل ما يفقــد عقله: لا تصيحينورمسيني!

مهـــــــــا وهي اتحاول ترمس وانفاسها تتصاعد مثل الأطفـــالوفالاخير مارامت

منصـــــور وهو جريب يفقد أعصابـــه:حرام ان مارمستي الحينلا أتصــــل فالشرطـــه وأخليهــم يشلّونـــــج!

وبصوت أكثر حدّه: خبرينيانتي منــوه؟!!!!!!! وشوه يايبنـــــــج بيتي؟!!!!!

مهـــــــا بخوف وتوتر: أأأنــــــــــا..............


.
.
.


فالطرف الثالث مندار الزيـــــــــــــــــن

منــى كانت فالمطبــــــخ ع دخلــة موضيوخواتهــا الهنتين

موضي: زكيــــه ,,, زكيـــــــووووووووووووووووووووه؟!!!!!

منــى: Yes madam, Zakeyyah is not here

موضي بلهجتها اللاذعــه كالعاده: وهذي وين ذلفتبعـــد؟!!!!!

منــى: she went out with somebody

(يالنذاله يامنــى! قولي انها سارت المستشفى ويا خلفان لووووووول ,,, الا اتثير الشبهات)

موضي: نعــــم؟!!!!!!

منــى بكل براءه: I don't know madam

موضي بعصبيه: يلا ذلفي انتي الثانيه

منــى افخاطرها: ذلفت روحج انشــاء الله كريهــــه

موضي: هاي كيف تظهر من البيت جي!!!!!!!!!!

وشويودخـــل خلفــان البيت ووياه زكيـــــه وهي ريولها مجبســــــــه

موضيباستغراب : خلفان؟!! شالسالفه؟ وشبلاها زكيوه؟

خلفـــان: والله مادري شكلهاطايحه من فوق الدري

زكيـــه وهي اتصيـــح: ماما مودي ,,, هادا مونيــــاجنيه أنا وايد كوووووووف يريد يروه بلاد اليوم انا مايقدر يجلس (وكمّلتصياحها)

موضي وهي مب فاهمه شالسالفه: تراج بتسافرين عقبيومين!

زكيـــه: لالا ماما انا مايريد يجلس في هادا بيت مع هادا مونيا اناكوووووووف واجد

خلفـــان: انتي لروحج اتخوفين بــلاد وبعدين انتي موعدطيارتج عقب يومين كيف بتسافرين اليوم؟

زكيـــه: انا يروه ينام داخل مكتببأدين (بعدين) سافر

موضي باستغراب: الحين اتباتين فالمكتب أحسنلج منالبيت؟!!!!!!!!!!!!

زكيـــه: ماما هادا مونيـــــا فيه جني يتكلّم سيم سيمانتي

موضي: أيا مسودّة الويــــه! الحين اليني يرمس شراتي! انا استويتينيّه؟!!!! ذلفي من ويهي يعلج اتسيرين ما اتردين

خلفــان: ههههههههههههههههههههههههههههههههههههه

منى وهي تسمـع رمستهم: هههههههههههههههه واااي بطني بموت من الضحــــك

موضي: وانته بعد تتضحّك؟!!!! خلاص شلها المكتب فكني من حشرتها ,,, انا لروحي عايفه عمريه هب متفيجه أسمع غثــــاهالبشكارات

خلفان: لا والله! وأنا أشتغل عندج وعند بشكارتـــج!

موضي بحنان نادر ما يظهر منها: ونحن منوه لنا غيرك يعلنا ما نخلا منك قولآميـــــــن

خلفـــان بابتســامه: حريم ما يغلبكـــــن شي!

موضيبحسرة المطلقات: وانتوا يالرياييــل ما عليكـــم قصــور!

خلفــان: خل أسيرأوديها المكتب قبــل لا أعلق فلســانج !! شو بيفججني عقب!

موضي: الا انته ياخلفــــــــــــــــان والله انك غير ومحد يسواك يالغالي

خلفــــــان: فديتــج والله وانا بعــد مالي غيركــــن ,,, يلا عيــل برايـــــــج وغداكــنعدنــــــا ,,, أكيد طبعــــا ماشي غـــدا

موضــي: خلاص تــــــم وسلّملي عوضــــوح

خلفـــــان وهو ظاهر من الصاله: يبلغ ان شـــاء الله